O alumnado de Economía de primeiro de Bacharelato fixeron este luns 6 de maio unha saída didáctica á empresa Jevaso sita en Arteixo.

Alí puidemos observar o proceso completo do textil: dixitalización de patróns, bancadas, cortado por láser, costura, lavado, pasar o ferro, etiquetado, embolsado,... até o e commerce e xestión de devolucións.

Esta empresa é punteira no sector e traballa con marcas moi coñecidas polo alumnado como as do grupo Inditex, Bimba &  Lola, Mango,...

O Xefe Territorial, a delegada de educación en Vigo e a inspectora do noso centro, coordinaron as súas axendas, para felicitar en persoa, ás alumnas gañadoras do Premio Stephen Hawking. A continuación dispoñedes dos traballos realizados no programa STEMbach do bienio 2022-24. 

As alumnas de segundo de bacharelato Ariane Antequera González e Eva Leyenda de Arriba obtiveron un segundo premio na VI edición do Premio Stephen Hawking do IES Plurilingüe Rosalía de Castro de Santiago polo seu traballo de investigación “Estudio de la presencia de microplásticos en la costa valmiñorana”. O traballo foi coordinado polo profesor do centro César Rodríguez López e tamén titorizado por investigadores do Instituto Español de Oceanografía-CSIC. CO de Vigo, Begoña Pérez Fernández e Gustavo Blanco Heras.

CLICA para ver o programa.

Hoxe celebramos o Día de Pi (3/14), Día Internacional das Matemáticas, inaugurando A SEMANA das MATEMÁTICAS do IES VAL MIÑOR, que durará ata o vindeiro xoves 21 de marzo.

Cada ano, a Unión Matemática Internacional, quen lidera o proxecto do “Día Internacional das Matemáticas” (idm314.org), propón un tema para fomentar a creatividade ao redor das matemáticas e estimular a participación. O tema para 2024 é: "Xogando coas matemáticas". De acordo co tema seleccionado este ano, durante os dous recreos de cada día e ata o vindeiro xoves, organizaranse na Biblioteca do centro obradoiros e xogos dirixidos polos nosos monitores: estudantes de 1º e 2º de ESO.

Estamos a organizar a Semana das Matemáticas no IES Val Miñor: Tangrams, pentaminós, cubos soma, torres de Hanoi, tres en raia áureo, pontes de Königsberg e outros labirintos, xogo do prisioneiro etc.

Xa queda pouco para xogar con eles nos recreos do 14 ao 21 de marzo.

Confiamos en que vos divirtades xogando e pensando.