Novas

Actualización medidas COVID

Lun, 17/01/2022 - 14:16

No ficheiro adxunto pode verse a actualización, a xaneiro do 22, das medidas COVID

Admisión de alumnado para o curso 2022-23. Fase de reserva de prazas en centros de adscrición

Xov, 13/01/2022 - 06:53

O 11 de xaneiro de 2022 iníciaronse os trámites do procedemento (código ED550A), coa reserva de praza nun centro de adscrición para alumnado que cambia de etapa.

O prazo de solicitudes abranguerá do 11 de xaneiro ao 8 de febreiro de 2022, ambos incluídos.

A consulta das listaxes de alumnado admitido, que se publicarán antes do día 28 de febreiro, debe realizarse no centro no que está matriculado no presente curso ou na aplicación admisionalumnado.

Ler máis

Eleccións ao Consello Escolar (III). SECTOR DE PAIS E NAIS DO ALUMNADO

Mér, 03/11/2021 - 13:27

Corresponde elixir a 1 pai/nai, dun total de 3 que debe ter o Consello Escolar. Os outros dous continúan como consecuencia da súa elección anterior no ano 2018.
Son electores todos os pais e nais incluídos no censo exposto no taboleiro de anuncios.
Son elixibles pais e nais ou, se é o caso, os titores/as legais que formulen a súa candidatura oficial segundo o modelo que se facilitará na Secretaría do centro.
As candidaturas poderán ser presentadas ata as 14:00 horas do citado día 11 de novembro.
O sorteo dos membros da mesa electoral realizarase en acto público, entre os pais/nais que non se presenten como candidatos/as, o día 15 de novembro, ás 12:10 horas.
A campaña electoral comprenderá dende o 11 ao 20 de novembro, ambos días inclusive.
As votacións realizaranse neste IES o día 22 de novembro, de 16:30 a 18:30 horas.
Na papeleta de votación cada elector/a fará constar un máximo de 1 nome dos candidatos presentados.

Ver información completa.

Eleccións ó Consello Escolar 2021 (II)

Xov, 28/10/2021 - 05:05

O 27 de outubro, ás 12:10 na biblioteca do centro realizouse o sorteo público para elixir a Xunta Electoral que está a supervisar o proceso.
Dada a importancia que ten o Consello Escolar para o goberno do centro pedimos a colaboración das nais, pais ou titores legais do noso alumnado para presentar a súa candidatura como representante deste estamento, ao que lle corresponden 3 postos pola matrícula do IES Sofía Casanova.
Na actualidade as familias teñen os seus representantes, dos que hai que renovar un (1) deles por fin de mandato. Respecto ao alumnado, hai que renovar os 4 representantes.
O Equipo Directivo quere animar á participación tanto na presentación de candidaturas como no proceso de elección para que toda a comunidade educativa poida participar na boa gobernanza do centro. Envíase a convocatoria correspondente a este sector.

Achegamos un resume das competencias e composición do Consello:

Andaina ó Bosque dos Nenos

Mér, 27/10/2021 - 07:49

O xoves 14-10.2021 realizouse unha andaina ata o Bosque dos nenos, en Valón, polo alumnado de 1º de ESO A,B,C e D.

Os departamentos de Debuxo, E. Física e Bioloxía organizaron esta saída una fermosa má onde alumnado fixo unha caminata de un 7 km, para debuxar os seres que habitan neste fermoso ecosistema.

Fotografías.

Eleccións ó Consello Escolar 2021 (I)

Lun, 25/10/2021 - 11:55

De conformidade co establecido no apartado 1 do artigo 5º, da resolución do 20 de setembro de 2021, da Secretaría Xeral de Educación e Formación Profesional, realizarase proximamente neste centro a renovación do CONSELLO ESCOLAR.

A organización e a supervisión do procedemento de elección estará a cargo da Xunta Electoral que se constituirá ao efecto, e que estará integrada por: A directora do Centro Un profesor ou profesora Un pai ou nai ou titor legal Un alumno ou alumna Un representante do PAS Os catro últimos serán designados por sorteo público, segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo.

O sorteo celebrarase neste Centro o próximo día 27 de outubro, mércores, ás 12:10 horas.

Aqueles membros da comunidade educativa que desexen presentar as súa candidatura para formar parte do novo CE deberán seguir as instrucións que publicará proximamente a Xunta Electoral do Centro