Skip to Content

Novas

Admisón de alumnado para o curso 2023-2024. Entrega de documentación.

Mar, 21/03/2023 - 08:27
       

    Rematado o prazo de entrega de solicitudes para a escolarización do ano académico 2023-24, informamos que aquelas persoas que solicitaron praza para o 1º, 2º e 4º cursos de ESO e 1º e 2º de Bacharelato deberán entregar na Secretaría,(se non o entregaron no prazo de admisión), a documentación dos criterios alegados na solicitude para proceder á baremación, xa que se presentaron máis solicitudes que prazas se ofertan.

    É preciso aportar un certificado do padrón municipal actual, con todos os membros da unidade familiar, e de ser o caso, outra documentación alegada (certificado traballo,etc).

    Prazo: desde o 21 de marzo ata o 3 de abril.

ESCOLA de NAIS/PAIS - OBRADOIRO de Benestar Emocional e prevención de conflictos

Lun, 06/03/2023 - 08:03
   

    O día 28 de Marzo, no IES Sofía Casanova, de 16:00 a 18:00 horas, terá lugar a primeira sesión do obradoiro.

    Este obradoiro ten o obxectivo de recuperar a Escola de Nais e Pais do Sofía e tratar un tema tan demandado hoxe en día como é a saúde mental dos nosos fillos/as.
    Os Obxectivos veñen descritos no cartel anexo e será Impartido por una psicóloga especialista de gran traxectoria, Andrea Bechlian.

    É necesario confirmar previamente a asistencia neste correo anpa.sofia.casanova@gmail.com para facer diferentes preparativos.
    Non hai límite de aforo.

    

Viaxe á neve 2023 . 3º ESO. Andorra

Sáb, 25/02/2023 - 13:56
 

    O alumnado de 3º de ESO, no mes de marzo, realizará unha viaxe a Andorra.

 Aquí pode consultarse o plan da viaxe e información sobre a estación de esquí e o aloxamento. 

Admisión de alumnado para o curso 2023-24. Proceso ordinario de admisión

Ven, 24/02/2023 - 07:46
       

   O prazo de presentación das solicitudes ordinarias de admisión abranguerá do día 1 ao 20 de marzo de 2023, ambos incluídos.

    A solicitude de admisión realizarase no modelo ED550B-anexo II e a comprobación dos membros da unidade familiar no anexo II bis.     

   As persoas solicitantes poderán: 
                 

 - Cubrir os formularios na aplicación admisionalumnado e presentalos por vía electrónica, a través da sede electrónica da Xunta de Galicia, sempre que se dispoñan de certificado dixital ou de Chave365. O anexo II-bis, unha vez cuberto, deberán imprimilo, asinalo e axuntalo coa solicitude (anexo II).

  - Descargar os formularios da aplicación admisionalumnado, da sede electrónica da Xunta de Galicia ou da páxina web da Consellería de Educación, para cubrilos manualmente e entregalos de forma presencial.

    Ver prazas vacantes      Ver zona influencia do centro

Xornada de portas abertas. Febreiro 2023

Mar, 07/02/2023 - 16:23

   

    O próximo día 27 de febreiro de 2023 no salón de actos do noso centro terá lugar a xornada de portas abertas.

    Haberá unha sesión ás 16:30 para o alumnado da ESO e outra ás 17.30 h para o alumnado de bacharelato.

Bo Nadal e Feliz Ano Novo

Mér, 21/12/2022 - 10:08
   

     Dende o IES Sofía Casanova queremos desexarvos un Bo Nadal.

    Coa intención de educar na creatividade, a sostenibilidade e o coidado da Natureza, acompañamos ao nosos alumnos para que adornasen estas árbores coas creacións feitas por eles con materiais reutilizados.

    Bo Nadal e Feliz Ano Novo!

Eleccións ao Consello Escolar. Sector pais e nais do alumnado. 2022

Lun, 07/11/2022 - 07:58
   

    De acordo coa resolución do 19 de setembro de 2022 (DOG do 30 de setembro do 2022), da Secretaría Xeral de Educación e Formación Profesional, a XUNTA ELECTORAL deste Centro, dispón a convocatoria de eleccións ao Consello Escolar, SECTOR DE PAIS E NAIS DO ALUMNADO.
    Son elixibles pais e nais ou, se é o caso, os titores/as legais que formulen a súa candidatura oficial segundo o modelo que se facilitará na Secretaría do centro.
   O sorteo dos membros da mesa electoral realizarase en acto público, entre os pais/nais que non se presenten como candidatos/as, o día 14 de novembro, ás 12:10 horas.
   A campaña electoral comprenderá dende o 11 ao 22 de novembro, ambos días inclusive.
   As votacións realizaranse neste IES o día 24 de novembro, de 16:30 a 18:30 horas.
Ler máis

Ampliación da axuda para adquirir material escolar

Ven, 14/10/2022 - 17:29
   

    Na resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022, establécese que os beneficiarios do vale para adquirir material escolar por importe de 50€ recibirán un vale adicional de 25€.
    As familias poden recoller o vale de 25€ no centro a partir do luns día 17 de outubro.
Distribuir contido


by Dr. Radut