Skip to Content

Extraescolares

Campos de verán XuvenCiencia

   

     Volve o VII Campus de Verán XuvenCiencia, o campamento científico da USC no que cento cincuenta estudantes de ensino medio vivirán unha semana de experiencias inesquecibles.

    O Campus XuvenCiencia terá lugar do 1 ao 5 de xullo e vai dirixido ao alumnado de 4º de ESO e 1º de BAC. O custe da matrícula é 160 €. O prazo de preinscrición ábrese desde o vindeiro venres 3 de maio ata o 12 de maio.

Convocadas axudas para actividades formativas STEM en lingua inglesa, STEMweek, no ano 2019

   

     Ven de publicarse no Diario Oficial de Galicia a Orde do 4 de abril de 2019 pola que se convocan axudas para a realización das actividades formativas STEM en lingua inglesa, STEMweek, no ano 2019, destinadas ao alumnado dos centros docentes sostidos con fondos públicos, en réxime de concorrencia competitiva.

    O prazo para a presentación de solicitudes será desde o 30 de abril ao 30 de maio de 2019, ambos os dous incluídos.

1.600 prazas en estadías para que o alumnado mellore as súas competencias en linguas estranxeiras

 

   A Consellería de Educación, Universidade e Formación Profesional publica no Diario Oficial de Galicia (DOG) a convocatoria de 1.600 prazas para que o alumnado mellore as súas competencias en linguas estranxeiras a través de estadías formativas, ben en réxime residencial en Galicia, ben en familia ou residencia no estranxeiro.

    A Consellería sufragará entre o 87% e o 50% do custo das estadías que realice o alumnado beneficiario.

  O prazo de solicitude da convocatoria estará aberto dende o 21 de febreiro, ao 20 de marzo.

  No caso do alumnado de 1º, 2º, 3º, e 4º da ESO, convócanse 1025 prazas. No caso do alumnado de 1º e 2º de Bacharelato, convócanse 575 prazas.

    Ler máis

Roteiro "Ferrol coas Irmandades da Fala"

 

    Os alumnos de 4º ESO, co Equipo de Dinamización Lingüística e os departamentos de Xeografía e Historia e Lingua e Literatura Galega están a participar este mes de outubro no roteiro "Ferrol coas Irmandades da Fala". Figuras como Aurelio Ribalta, Xaime Quintanilla e Bello Piñeiro, institucións como o coro Toxos e froles, o Casino Ferrolán, a editorial Céltiga e aqueles lugares e persoas relacionadas coas Irmandades en Ferrol son obxecto desta visita.

  En GaliciaÁrtabra pode verse a relación de Ferrol coas Irmandades da Fala.

STEMWEEK: Actividades verán STEM en lingua inglesa

   

      Actividades verán STEM en lingua inglesa para alumnado de 3º e 4º da ESO.

      ORDE do 23 de maio de 2018 pola que se aproban as bases e se convocan axudas para a realización de actividades formativas STEM en lingua inglesa, STEMweek, no ano 2018, en réxime de concorrencia competitiva, destinada ao alumnado dos centros docentes sostidos con fondos públicos.

      O prazo de presentación de solicitudes comeza o 13 de xuño e remata o 12 de xullo de 2018.

Cangas de Onís

   

     O días 3, 4 e 5 de abril, alumnos de 3º ESO do IES Sofía Casanova, acompañados polos profesores Julia de Partearroyo, Paco Dávila e Andrés Rodríguez Bergara, participaron nunha saída extraescolar a Cangas de Onís.
    O primeiro día visitaron o xacemento romano das Covas de Andía e realizaron unha actividade de sendeirismo nos Lagos de Covadonga.
    O segundo día, barranquismo, paintball, xincana de humor amarelo (pista americana, twister xigante, bubble soccer) e unha actividade nocturna de espeleoloxía.
    Quedou para a última xornada a baixada do río Sella en canoa.   

               Galería de imaxes

Visita a Cándido Hermida

        Os alumnos, acompañados polos seus profesores dos departamentos de Debuxo e Tecnoloxía das materias de Debuxo Técnico II, Electrotecnia e Tecnoloxía Industrial II de 2º de bacharelato, realizaron unha visita guiada á empresa Cándido Hermida no polígono industrial Río do Pozo en Narón, dedicada ao deseño, fabricación, subministro e montaxe de equipamento integral para instalacións de uso colectivo.

Cinensino

 

    O venres 14 de outubro, o alumnado de 1º e 2º de ESO, acompañado polos seus profesores Silvia, Eva, Alberto, Antía, Ana, Andrés e José María, acudíu ao teatro Jofre a ver a película "Secretos de guerra" dentro do programa "Cinensino" para a prevención de consumo de alcol e outras adiccións no que, outro ano máis, participa o noso centro.

    A película aprendeunos que a amizade é un dos nosos catro grandes tesouros; que a liña que separa a súa consistencia da súa fraxilidade non depende so do esforzo cotián que fagamos por cultivala e que se as nosas decisións teñen esa mirada limpa coa que os nenos encaran o mundo seremos quen de anular o odio.

Agora, traballaremola nas titorías.

Distribuir contido


by Dr. Radut