Skip to Content

Novas

Listaxes de alumnado admitido para o curso 2018-2019

   

    Nos arquivos adxuntos poden consultarse as listaxes de alumnos admitidos neste centro para cursar ESO e para cursar Bacharelato no vindeiro curso 2018-2019.

     Segundo o artigo 18 do decreto 254/2012 (DOG Nº 245 do 26 de decembro) e o artigo 30 da Orde do 12 de marzo de 2013 (DOG do 15 de marzo de 2013), contra esta resolución poderase presentar reclamación ante o Consello Escolar do centro, no prazo de 5 días hábiles contados a partir do seguinte ao da súa publicación.

Almorzos saudables


 
 

     Unha alimentación correcta e equilibrada é a elección máis importante que podemos facer para influír positivamente a medio e longo prazo na nosa saúde. A Xornada de “Almorzos Saudables” pretende promover, nun dos grupos máis vulnerables, o hábito de realizar un almorzo equilibrado e suficiente, empregando os menos aditivos prexudiciais posibles. A xornada englóbase no itinerario de “Hábitos de vida Saudable” no que está inmerso o IES Sofía Casanova dentro dos Contratos Programa, en concreto na actuación “Mellora da convivencia e promoción da igualdade nos centros”.

              A xornada consta dunha degustación de tipo buffet con 3 estacións:

    1. Batidos de froita natural elaborados no momento e/ou froita natural.

    2. Tostas variadas, combinando pan do día de diferentes clases, queixos, marmeladas e froitos secos.

    3. Iogur combinado con diferentes tipos de cereais sen aditivos.

          A actividade foi organizada polos deptos. de EF, CCNN e ACE, coa colaboración da ANPA   

                                                  Ver fotografías

Premios extraordinarios de Bacharelato

   

    O día 15 de marzo, publicouse no DOG a Orde do 27 de febreiro de 2018 pola que se convocan os premios expraordinarios de bacharelato correspondentes ao curso 2017-2018.

    A estes premios pode optar o alumnado que finalizase os estudos de bacharelato no curso 2017/18 nun centro docente da Comunidade Autónoma de Galicia, que fose proposto para o título na convocatoria ordinaria do dito curso e obtivese unha nota media do bacharelato igual ou superior a 8,75.

    Hai vinte premios extraordinarios cunha dotación global de 20.000 euros. Cada premio estará dotado con 1.000 euros.

    O prazo de presentación de solicitudes será dun mes contado a partir do día 2 de maio de 2018.

                                       máis información

Pocedemento de admisión de alumnado para o curso 2018-2019. Entrega de documentación.

   

    Rematado o prazo de entrega de solicitudes para a escolarización do ano académico 2018-19, informámos que aquelas persoas que solicitaron praza para o 1º curso de Bacharelato deberán entregar na Secretaría a documentación dos criterios alegados na solicitude para proceder á baremación, xa que se presentaron mais solicitudes que prazas se ofertan.

   -Todos deberán traer un certificado do padrón municipal actual, con todos os membros da unidade familiar, e de ser o caso, outra documentación alegada (certificado traballo,etc).

     Os días para entregar a documentación requerida abranguen dende o día 3 ao 10 de abril incluído.

     Nos restante cursos non será necesario entregar ningunha outra documentación, xa que quedaron prazas vacantes.

Pocedemento de admisión de alumnado para o curso 2018-2019. Prazas vacantes

       

    Relación de prazas vacantes para o vindeiro curso 2018-2019:

ESO:

           1º Curso:   15 prazas.

           2º Curso:    3 prazas.

           3º Curso:   14 prazas.

           4º Curso:   12 prazas.

BACHARELATO:

           1º Curso:  57 prazas.

           2º Curso:  17 prazas.

Reunión informativa

   

    Como se comunicou ao comezo deste curso, o alumnado participante na iniciativa de Educación Dixital (E- Dixgal), enmarcada dentro do Proxecto Abalar, disporá ao longo deste curso de novos equipos individuais para uso educativo

    Co obxectivo de informar os pais ou titores legais do alumnado de 1º ESO sobre a cesión de uso dos devanditos equipos ao alumnado e as súas familias, terá lugar unha reunión o próximo día 09-01-2018, martes, no salón de actos do centro ás 18,15 h.

Recollida de alimentos

   

      Como todos os anos por estas datas, o ANPA organiza unha recollida de alimentos non perecedeiros no recibidor do centro.

    Os alimentos serán entregados a organizacións que se ocupan de axudar a xente con dificultades económicas.

Rastro solidario

 

     Entre os días 11 e 19 de decembro, realizaremos en colaboración coa ANPA un Rastro Solidario en favor da Cociña Económica de Ferrol no recibidor do centro.

    As vendas serán de CDs, DVDs, libros, xoguetes, bixutería, obxectos decorativos …, aportados pola comunidade educativa e que se recollerán entre o día 22 deste mes e o 5 de decembro, no primeiro recreo no recibidor.

Distribuir contido


by Dr. Radut