Modalidade
- As Probas Libres para Persoas Adultas realízanse en Modalidade Presencial nalgún dos centros indicados na resolución correspondente.
Requisitos de Acceso
- Requisitos de idade:
- Técnico/a: Ter 18 anos.
- Técnico/a Superior: Ter 20 anos. Tamén poden acceder aquelas persoas que posúen o título de Técnico/a e teñen 19 anos.
- Non estar en posesión do título de formación profesional equivalente ao correspondente título de formación profesional obxecto da proba.
- Non estar nin ter estado matriculado/a no curso actual nas ensinanzas de ciclos formativos de Formación Profesional.
O incumprimento dalgún destes requisitos suporá a anulación da inscrición na convocatoria das probas e dos posibles resultados académicos obtidos nelas.
Organización
As Probas Libres desenvólvense a través de dúas xornadas:
- Xornada de Acollida.
- É obrigatorio asistir. A non asistencia implica a eliminación do proceso do alumnado.
- Realización da Proba. Consta de 2 partes.
- 1ª Parte:
- Proba escrita que versará sobre unha mostra suficientemente significativa dos criterios de avaliación establecidos na programación para esta parte.
- Terá carácter eliminatorio.
- 2ª Parte:
- Desenvolvemento de un ou de varios supostos prácticos que versarán sobre unha mostra suficientemente significativa dos criterios de avaliación establecidos na programación para esta parte.
- Terá carácter eliminatorio.
Matrícula
A información relativa á matrícula pode atoparse no apartado correspondente da sección Trámites da web.
