Skip to Content

Pagina nueva 1

OS CICLOS FORMATIVOS DO IES PEDRO FLORIANI

I CERTAME DE MICRORRELATO E FOTOGRAFÍA EXERIA

A historia da peregrina Exeria é unha desas historias inspiradoras que todo o mundo debería coñecer. Viviu no século IV d.C. e nesa época iniciou unha atrevida viaxe en solitario ata Terra Santa, Exipto e Mesopotamia. As súas impresións sobre o periplo, as paisaxes e as xentes que foi vendo durante meses recolleunas nun libro, o Itinerarium Egeriae.


En honor a esta curiosa e independente muller, os Equipos de Dinamización da Lingua Galega do IES Pedro Floriani (Redondela), o IES Illa de San Simón (Redondela) e o IES Cabo Ortegal (Cariño) en colaboración coa Biblioteca, convocamos conxuntamente un certame de microrrelatos e fotografía en honor á primeira escritora galega da que se ten coñecemento.


O prazo de presentación será do 6 ao 23 de abril de 2021.
Os traballos enviaranse ao enderezo electrónico: ednlfloriani@gmail.com

Consulta as bases do certame no adxunto.

SEDE DA REALIZACIÓN DAS PROBAS DE ACCESO A GRAO SUPERIOR

O IES de Teis é a sede asignada para a celebración das probas de acceso aos ciclos formativos de Grao Superior de Formación Profesional do alumnado matriculado no IES Pedro Floriani.

Máis información aquí.

VII CONCURSO XUVENIL DE MICRORRELATOS E HAIKUS

A Rede de Escolas de Amnistía Internacional Vigo convoca a edición 2020-21 do Concurso Xuvenil de Microrrelatos e Haikus sobre a importancia e a realidade dos coidados. Poderán participar todas as persoas de entre 12 e 21 anos matriculadas nun centro de Educación Secundaria da zona Sur da provincia de Pontevedra.

Neste último ano vemos máis clara que nunca a importancia dos coidados: a atención sanitaria, a protección das persoas maiores, os protocolos nos centros de ensino… Pero moitas veces estes labores bótanse enriba das mulleres maiores como aínda unha lousa máis, encárganse a migrantes sen dereitos, non se recoñece a dignidade de quen os desempeña e precarízanse os seus contratos. O lema do concurso suxire o tema: Como contarías a súa historia, que lles dirías, como tratarías con cariño, ás persoas que nos coidan?

Os textos teñen que ser inéditos e poden escribirse en galego ou castelán. A extensión máxima dos microrrelatos é de 250 palabras e os haikus deberán respectar as normas de métrica e estilo. Haberá tres categorías:

  • Autoras ou autores entre 12 e 13 anos (Haiku).
  • Autoras ou autores entre 14 e 16 anos (Microrrelato).
  • Autoras ou autores entre 17 e 21 anos (Microrrelato).
Anímate a participar. O prazo remata o 22 de marzo.

Os textos deben remitirse ao grupo de Amnistía Internacional de Vigo a través deste formulario. Nestas ligazóns podes consultar as bases e os detalles da convocatoria en Facebook e Instagram.

CELEBRACIÓN DO DÍA INTERNACIONAL DA MULLER


Estas son algunhas actividades que se organizaron no centro entre os diferentes departamentos de Educación Física, Ciencias, Lingua Galega, Inglés e o Club de Letras para a celebración do 8-M, Día Internacional da Muller e que aparecen publicadas no Faro de Vigo:

  • "Súbete ao step da igualdade", Vídeo da actividade coreográfica na que o alumnado de 2º ESO a 1º Bacharelato representará con steps e mensaxes en clave feminista os chanzos que aínda quedan por subir.
  • Mulleres e ciencia: Fíxose un estudo das mulleres destacadas no ámbito das ciencias en relación aos homes en porcentaxes. A partir deste estudo elaborouse un panel que decora a entrada principal do centro, contouse coa colaboración do contrato programa IGUÁLA-T.
  • Pioneiras: Esta actividade que forma parte do proxecto de intercambio cultural online “Escornavoice” con alumnado australiano, en 1º Bacharelato, busca a difusión das mulleres da cultura galega.
  • Linguaxe inclusiva e igualdade. Encontro con Josua Alonso Mateo e alumnado de 2º Bacharelato.
  • Punto lector feminista: Na biblioteca escolar Bibliofloriani hai un punto lector cunha escolla de libros de temática feminista.
  • Encontro musical: As actividades en torno a esta data rematarán o vindeiro luns 15 co encontro musical con 2naFronteira coa compositora Carmen Penim en torno aos seus discos “Herdeiras” e “Cantos de vento e sal”.

SOLICITUDE DE ADMISIÓN PARA O CURSO 2021-2022

Prazo do 1 ao 22 de marzo

Solicitude de admisión para o alumnado procedente de centros non adscritos e que desexe cursar Secundaria ou Bacharelato no IES Pedro Floriani.

Máis información no documento adxunto, a través do correo ies.pedro.floriani@edu.xunta.gal e no teléfono 886 120 413.

CALENDARIO DOS PRAZOS PARA AS PROBAS DE ACCESO AO GRAO MEDIO E SUPERIOR DE FP

Orde do 21 de xaneiro de 2021 pola que se convocan probas de acceso aos ciclos formativos de grao medio e de grao superior de formación profesional do sistema educativo para o ano 2021.

ENTROIDO 2021 NO FLORIANI

Neste Entroido singular de 2021 apareceron esquimós co seu iglú, osos e un pingüín. Tamén estaba o grupo de 2ºESO B moi elegantes e outros moitos disfraces. Foi un recreo moi divertido!Guay



O LUNS, PARA EMPEZAR A FESTA, TRAE ALGO NA TESTA

ENTROIDO NO FLORIANI