Skip to Content

Actividades

8-M: SUBE AO STEP DA IGUALDADE!


Vídeo da actividade coreográfica realizada para celebrar o Día Internacional da Muller na materia de Educación Física co alumnado desde 2º de ESO ata 1º de Bacharelato.

Salvamos os chanzos do STEP con mensaxes en clave feminista que aínda quedan por subir para acadar a igualdade entre homes e mulleres.

DÍA ESCOLAR DA NON VIOLENCIA E A PAZ 2021

 

Onte xoves o alumnado de Mediación pegou verbas de paz no muro de entrada do instituto, xunto ao banco coas cores da bandeira LGBTI+ para celebrar o Día Escolar da Non Violencia e da Paz.

Cada 30 de xaneiro conmemoramos o asasinato de Ghandi en 1948, quen foi un home sinxelo, convertido en heroe na memoria popular, activista político e defensor da Non Violencia e a Paz como camiño.
      

    

EXPOSICIÓN INSTRUMENTOS MUSICAIS

Instrumentos feito con obxectos reciclados por alumnado de 2° ESO.
Como non foi posible facer unha exposición presencial, aí vai unha mostra do traballo dos noso alumnado.

ACOMPÁÑOTE NO CAMIÑO

Durante o curso 2019-20 o IES Pedro Floriani participou, xunto ao IES Illa de San Simón, IES Mendiño e IES de Chapela, no proxecto "Acompáñote no Camiño" dentro do plan PROXECTA e en colaboración con SOAR (Sociedade de Amigos de Redondela).

Concretamente o proxecto Acompáñote no Camiño enmárcase dentro da Consellería de Política Social e na Rede de Centros Escolares Solidarios e consiste en favorecer a comunicación do alumnado cos peregrinos/as en distintos idiomas e dar a coñecer a nosa cultura e patrimonio.

Ademais de acoller no instituto as xuntanzas do alumnado voluntario de todos os centros de secundaria de Redondela, leváronse a cabo outras actividades que tamén forman parte do proxecto. Presentamos algunhas delas de seguido:

  • Encerado dixital colaborativo de debuxos do porto de Cesantes realizados polo alumnado de 1º de ESO.
  • Metrominutos para coñecer os principais puntos de interese de Redondela a pé e as distancias existentes entre eles. Traballo elaborado por alumnado de 2º de ESO e incluídos nos roteiros.
  • Ruta por Cesantes, publicada na web de SOAR.
  • O barrio da Portela.
  • Roteiro por Reboreda.
  • O vínculo co máis alá: Roteiro polo cemiterio dos Eidos e a capela de Santa Mariña.
  • Encerado dixital colaborativo do Camiño desde Redondela con fotografías de portas e portais de Redondela engadindo frases e versos que fan referencia ao Camiño, elaborado polo alumnado de 2º de ESO.

DÍA DA BIBLIOTECA ESCOLAR

Dende 1997 celébrase o Día da Biblioteca o 24 de outubro, una conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.
 
As bibliotecas escolares galegas teñen como lema para este curso 2019/2020, BIBLIOTECA ESCOLAR, VIVEIRO DE CIDADANÍA, que conta cunha imaxe propia creada por Óscar Villán, quen interpreta o lema e nos ofrece unha imaxe múltiple e evocadora de diversas situacións que unha biblioteca escolar pode facilitar.
 
A biblioteca do Ies Pedro Floriani celebrou o seu día ofrecéndolle ao alumnado de 1º e 2º de ESO unha serie de actividades lúdicas.

CLUB DE LETRAS

Este curso o noso centro participou no proxecto de innovación educativa Club de Letras co obxectivo de fomentar a reflexión e o pensamento crítico.

Ao longo do curso artellamos diversas actividades ao redor da igualdade. Aquí tendes unha pequena mostra!

ACTIVIDADES DE FORMACION EN LINGUAS ESTRANXEIRAS

Orde do 4 de febreiro de 2019 pola que se convocan axudas para a realización de actividades de formación en linguas estranxeiras no ano 2019, destinadas ao alumnado dos centros docentes sostidos con fondos públicos, en réxime de concorrencia competitiva.

O prazo para a presentación de solicitudes será dun mes, contado a partir do día seguinte ao da publicación desta orde no Diario Oficial de Galicia.

A información sobre este programa, así como a aplicación "en liña" que se refire na convocatoria, atoparase na páxina web http://www.edu.xunta.es/axudasle.

Enlace á Orde do 4 de febreiro de 2019 (DOG)
Enlace ao Extracto da Orde do 4 de febreiro de 2019 (DOG)

COMEZA O PROA

O martes 12 de febreiro comeza as clases do Programa de Reforzo, Orientación e Apoio (PROA) que solicitamos á Xunta de Galicia dentro dos contratos programa. Desenvólvese exclusivamente pola tarde, en concreto os martes e os xoves, con persoal externo ao centro.

Este ano teremos este reforzo para 1º e 2º da ESO no seguinte horario:

1º ESO: Martes e xoves de 16:30 a 18:30 h.

2º ESO: Martes e xoves de 18:30 a 20:30 h.

Este é un programa que dou moi bos resultados o curso pasado. Volve con nós a profe María Ageitos, que xa estivo no centro o curso pasado. Benvida, María, estamos moi contentos que volvas a traballar con nós!!! Moita sorte!!

Resultado de imaxes para contratos programa plan proa Resultado de imaxes para plan PROA 2019

ÁBRESE O PANO!

Como unha metáfora de reinicio das clases neste novo trimestre, estreamos pano no salón de actos.

The show must go on!

Actividades

Distribuir contido


by Dr. Radut