O alumnado de 4º ESO da materia de Bioloxía e Xeoloxía visitou a exposición de fósiles que hai na Biblioteca Miguel González Garcés, durante a sesión de clase do día 11 de marzo.

DEPARTAMENTO DE BIOLOXÍA E XEOLOXÍA

Rematou o concurso de debuxos sobre Científicas, concurso para conmemorar o "11 FEBREIRO: Día Internacional da muller e da Nena na Ciencia".

                      Debuxos premiados  

                                                                                                                      1º CICLO: Dora Noemí Yañac Anchari (1º ESO B)                 2º CICLO: Valeria Medina Silva (4º ESO C)

O día 11 de Febreiro é o Día Internacional da Muller e da Nena na Ciencia.

Para conmemorar esta data, parte do alumnado de Bioloxía e Xeoloxía de 4º ESO fixo uns carteis sobre científicas, que se atopan expostos no 1º andar do edificio principal e que se poden ver na  presentación adxunta:

O 31 de Outubro o alumnado de 1º ESO fixo unha saída á Casa das Ciencias. Alí experimentaron as distintas actividades dese museo científico e asistiron a unha sesión do Planetario.

A alumna Andrea Suleimán Casalderrey, de 4º ESO, obtivo o segundo lugar na IV edición dos premios Isabel Zendal de Promoción do pensamento crítico en Educación Secundaria e Bacharelato. Andrea concursaba na categoría B, para o alumnado de 4ºESO, 1º e 2º de Bacharelato e dos ciclos formativos de grao medio.

O seu traballo, presentado baixo o lema "Sofía" titúlase "As fraudes da saúde e a desinformación na actualidade". O traballo, que se pode ler picando na ligazón, analiza as fraudes para a saúde que xurdiron nos últimos tempos, como a homeopatía e demais pseudociencias. A través da análise de tres casos particulares (os parches para adelgazar "Slimemerstar", o spray "Hondrox" e as cápsulas "Reduslim"), aproveita para reflexionar sobre o tipo de publicidade e de obxectivos que perseguen este tipo de produtos.

Para a realización do traballo, Andrea contou co asesoramento do seu profesor de Cultura Científica, Sergio Núñez.

Moitos parabéns, Andrea!

Con motivo da celebración do Día Internacional da Muller e da Nena na Ciencia, o venres 11 de febreiro acudiu ao centro a Doutora Socorro Castro García, investigadora e profesora da Universidade da Coruña. O obxectivo desta visita era o de visibilizar as mulleres que se adican a estudos e carreiras profesionais de Ciencias. Ao tempo queríase espertar a vocación científica entre o alumnado.

A nosa convidada estudou Química na Universidade de Santiago de Compostela. Dende entón participou en múltiples proxectos de investigación e presentou o resultado dos seus traballos en moitos congresos internacionais e revistas científicas. Realizou estancias en varios centros de investigación internacionais como as universidades de París e Berkeley, o European Sincrotron Radation Facility (ESRF) e o Institute Laue-Langevin (ILL), ambos en Grenoble (Francia). Así mesmo, fai labores de divulgación científica e imparte charlas e obradoiros para todo tipo de público.

Durante a charla contounos que fai unha científica, como se fixo investigadora, que é o que máis lle gusta investigar (materiais para facer baterías, nanopartículas para o transporte de medicamentos, gafas que escurecen dándolle a un botón…) e tamén cales son as súas afeccións (a montaña, os viaxes e a fotografía).

Grazas a Socorro (ou Suqui, que é como lle gusta que a chamen) aprendemos que as mulleres científicas son mulleres próximas a nós que se superan para crecer profesionalmente e mellorar o mundo que nos rodea. Con dedicación e esforzo todos e todas podemos ser científicos/as!!!!