Día do ensino

O xoves 31 de outubro foi designado pola Consellería de Educación como Día do Ensino e, por tanto, non haberá clase ese día. As clases reanúdanse o luns 4 de novembro.

Datas de matrícula, libros de texto e PCPI 2013-14

CURSOS

DATA E HORA

1º ESO   Luns, 01 de xullo de 09:00h a 13:30h.
2º ESO   Martes, 02 de xullo de 09:00h a 13:30h.
3º ESO   Mèrcores, 03 de xullo de 09:00h a 13:30h.
4º ESO   Xoves,  04 de xullo de 09:00h a 13:30h.

 

Accede á listaxe de libros de texto para o vindeiro curso.

 

Accede á oferta de itinerarios de PCPI do centro.

As datas de solicitude de praza non se publican ata setembro.

Entrega de notas

A entrega de notas será o mércores 26 de xuño ás 11:00. Coas notas entregarase a información precisa para a matrícula para aqueles que superaron todas as materias en xuño. O calendario de exames de setembro publicarase nesta web e nos taboleiros do centro o vindeiro luns 1 de xullo.

Non hai servizo de transporte escolar para a entrega de notas.

Estrea mundial da superprodución "A liga dos charnecos extraordinarios"

O vindeiro venres 14 de xuño ás 21 horas no Auditorio Municipal de Cangas terá lugar a estrea mundial da superprodución audiovisual:


A LIGA DOS CHARNECOS EXTRAORDINARIOS

 

Obradoiro de Iniciación ao Audiovisual 2013

 

Hollywood tembla pola competencia;

Bollywood baila coas cancións.

Exames oficiais de pendentes

A semana do 6 ao 10 de maio terán lugar os exames oficiais das materias pendentes de cursos pasados. O calendario está colgado no taboleiro do centro e en todas as aulas.

Lémbramos que cada departamento ten un programa de recuperación das materias pendentes que se vén desenvolvendo ao longo de todo o curso.

Ampliación do prazo para o 3º Certame Audiovisual Escolar

Ante as solicitudes de varios centros, exténdese o prazo de inscrición no certame ata o luns 13 de maio.

Procedemento de reserva de praza e admisión de alumnado

O venres 15 de marzo publicouse a ORDE do 12 de marzo que desenvolve o procedemento para a admisión do alumnado recollido no DECRETO 254/2012.

 

Algúns aspectos importantes a destacar para información das familias con alumnado en centros docentes públicos e privados concertados é a seguinte:

  • O alumnado matriculado nestes centros ten garantida a súa permanencia nel. O cambio de curso, ciclo, nivel ou etapa non require un novo procedemento de admisión, agás que coincida cun cambio de centro.
  • O alumnado procedente dos centros adscritos terá prioridade para a admisión.
  • O alumnado que pretenda continuar estudos nun centro de adscrición deberá presentar a solicitude de reserva de praza entre os días 18 e 22 de marzo.
  • O alumnado que queira solicitar a admisión nun centro distinto do centro de adscrición deberá presentar a renuncia expresa por escrito á reserva de praza no centro de adscrición antes do 5 de abril (comezo do prazo de solicitude de admisión).
  • As nais, pais ou representates legais do alumnado poderán presentar solicitude de admisión noutro centro educativo do 5 ao 17 de abril e deberán remitir ao centro de orixe copia da solicitude de admisión presentada no novo centro, sen que isto afecte á garantía de permanencia no centro de orixe.
  • O alumnado de fóra da área de influencia dun centro non terá dereito a ningún dos servicios complementarios establecidos pola consellería.

 

Durante esta semana (18 ao 22 de marzo) levarase a cabo a reserva de praza nos centros adscritos (no noso caso, o alumnado do CEIP San Roque que cursa 6º de primaria). O documento de reserva entrégase no propio centro no que se está matriculado este curso (CEIP San Roque).

Aquel alumnado que non queira cursar 1º da ESO no centro de adscrición o próximo curso, deberá renunciar por escrito no centro de adscrición antes do 5 de abril. No noso caso, se un alumno de 6º de primaria do CEIP San Roque non quere cursar 1º da ESO no noso centro, deberá presentar a renuncia por escrito á reserva de praza antes do 5 de abril. O alumnado que curse 6º de primaria nun centro distinto do CEIP San Roque que queira cursar 1º da ESO no IES Monte Carrasco, deberá presentar a renuncia por escrito no instituto correspondente antes do 5 de abril.

 

Antes de que se abra o prazo de solicitude de admisión para o vindeiro curso (5 de abril) publicaremos toda a información no taboleiro de anuncios do centro e nesta páxina web.

 

Quedamos á súa enteira disposición ante calquera dúbida ou cuestión que poida xurdir. Os prazos aquí recollidos son válidos só este ano, serán diferentes a partir do próximo curso.

Semana da prensa

A semana do 11 ao 15 de marzo conmemoramos a Semana da Prensa no noso centro. Con este motivo organizamos unha exposición da revista do centro "A Gaivota" que se vén publicando dende a apertura do centro como cole de primaria.

 

Pedimos a colaboración de toda a Comunidade Educativa, exalumnos e persoas relacionada co centro para completar a nosa hemeroteca, xa que falta algún número. Se tedes números antigos da revista, pedímosvos que os traiades para fotocopialos.

Moitas gracias pola vosa colaboración.

Vide a visitarnos e lembrar vellos tempos.

Número especial da Revista ComunidadE

A Revista ComunidadE vén de publicar un número Especial 2013 para celebrar que levan un ano sendo voz, ollos e oídos da Comunidade Educativa de Cangas. Neste número podedes coñecer os centros públicos de Cangas máis polo miúdo.

Logotipo Revista ComunidadE

Anímovos a todos a participar con este proxecto e a suscribirvos á revista.

Powered by Drupal - Design by artinet