Recibimos a primavera con este orixinal e fermoso escaparate co que o alumnado de 2º curso de Xestión de Vendas e Espazos Comerciais despide a súa formación académica no centro. Non se nos ocorre mellor lugar para unha papelería ca un instituto, non si?

"Pinto flores para que así no mueran" (Frida Kahlo)

Organízase a "Semana do Surf" no centro, que terá lugar nas praias de Bastiagueiro, Caión ou Barrañán, en función das mareas. Tedes toda a información nos adxuntos.

Prazo máximo para apuntarse e realizar o pago: venres 9 de abril

O dia 27 de marzo celébrase o Día Mundial do Teatro. Este venres 26 teremos a oportunidade de desfrutar da adaptación da Odisea "O charco de Ulises", representada en liña polo Centro Dramático Galego.

Actividade organizada polo Departamento de Latín.

A aula de 2º D da ESO é a aula gañadora do concurso "Jóvenes Talentos" da Fundación Coca-Cola, co escrito colectivo en lingua galega "O veciño". Parabéns a todos e a todas!

"Eu teño un veciño moi raro. Non se deixa ver moito, pero cando o fai a súa cara, repleta de engurras, e a súa expresión mostran que o ten pasado moi mal na vida. Ten un sombreiro máis vello ca el e sempre leva roupa de cor escura. É unha persoa de poucas palabras e evita falar coa xente. Case nunca sae da casa, é como unha sombra e, non sabemos por que, pon música dos anos 50 sempre. O seu nome é Rodrigo e o seu apelido descoñécese. A súa muller morreu e desde entón volveuse moi raro. Ten como mascota un vello pastor alemán que a miúdo está enfermo. Leva moitas veces os calcetíns rotos e os pés chéiranlle moi mal, pero o can xa está afeito. O home cáusame moita curiosidade, gustaríame saber máis del."

Desde o IES Ramón Menéndez Pidal reivindicamos a igualdade de oportunidades e o papel da muller na nosa sociedade.

Cartaz realizado por Alejandro García, de 1º Comercio Internacional