Punto Laranxa contra o acoso escolar

ESCAPARATE DUNHA TENDA DE ESQUÍ

Enviado por Zalaeta o Lun, 01/02/2021 - 18:56

Desde o ano 1987 non se ve a neve  na cidade da Coruña. En Zalaeta gústannos os retos...e o "efecto Filomena" deixou a súa pegada no instituto a través deste escaparate co que o alumnado de Xestión de Vendas e Espazos Comerciais Dual nos convida a desfrutar do esquí.

 

O SON DAS AULAS - CLUB DE LETRAS

Enviado por Zalaeta o Dom, 31/01/2021 - 10:09

Esta semana Zalaeta vestiuse de gala para a estrea de "O Son das Aulas". Á presentación do proxecto asistiu unha representación do alumnado que colabora nesta marabillosa iniciativa. Xa tedes dispoñible o primeiro podcast, ao que se pode acceder desde esta web, premendo no apartado de "O Son das Aulas". Queremos dar os nosos parabéns tanto ao alumnado participante como ao grupo de profesorado que se implicou para coordinar e impulsar esta nova actividade. Convidámosvos a escoitar, sentir, participar e deixarvos acompañar. Porque, en tempos de pandemia, Zalaeta segue medrando!

 

 

LIGAZÓN A LA VOZ DE GALICIA

LIGAZÓN A LA OPINIÓN DE A CORUÑA

REHABILITACIÓN DA SALA DE EXPOSICIÓNS

Enviado por Zalaeta o Mar, 26/01/2021 - 16:12
Rehabilitación da sala de exposicións do centro grazas a unha axuda da Deputación á Asociación Cultural Zalaeta.
Os corredores da planta baixa foron pintados grazas a unha axuda da Deputación da Coruña solicitada pola Asociación Cultural Zalaeta. A subvención corresponde ao Programa dirixido ás entidades sen ánimo de lucro para realizar investimentos culturais durante o ano 2020.
Para mostrar o "cambio de look", a Asociación Cultural decidiu recuperar unha exposición sobre a figura de Ramón Menéndez Pidal feita e exposta hai xa anos no centro.
Animádevos a visitala e a coñecer a biografía e obra do filólogo que dá nome oficial ao noso centro.
 
 
 
 
 

XORNADA DE PORTAS ABERTAS VIRTUAL

Enviado por Zalaeta o Mér, 20/01/2021 - 17:30

O martes 26 de xaneiro ás 19.30h terá lugar unha xornada de portas abertas virtual, a través de videoconferencia.

Para acceder a ela é preciso premer AQUÍ na hora de inicio prevista e conectarse usando navegador. Non se precisa chave de acceso, soamente se solicita email e nome de usuario/a no momento de acceder á sala da reunión.

VÍDEO DE PRESENTACIÓN DO IES RAMÓN MENÉNDEZ PIDAL

ZALAETA A TODA COR!

Enviado por Zalaeta o Mér, 20/01/2021 - 17:13

O equipo de Xestión de Vendas e Espazos Comerciais Dual, capitaneado pola profesora Sol Seoane, preséntanos este proxecto co que enchen de cor a entrada do instituto.

Debuxo e pintura para calmar o estrés e mellorar o estado de ánimo, e cores vivas para transmitir enerxía, vitalidade e boas sensacións.

 

 

    

Casos Covid. Información para as familias

Enviado por Zalaeta o Mar, 19/01/2021 - 09:46

Ante a aparición de novos casos confirmados de COVID no IES Ramón Menéndez Pidal, queremos tranquilizar e explicar á comunidade educativa que o Equipo directivo e o Equipo Covid do Centro están a seguir o protocolo establecido polas autoridades sanitarias, que respecta a Lei de Protección de Datos dos casos rexistrados.

O protocolo indica que o equipo COVID do Centro, no momento no que recibe a notificación dun caso confirmado positivo, comunica a incidencia de forma inmediata á Xefatura Territorial de Educación e á Xefatura Territorial de Sanidade. Será esta última quen determine as medidas a adoptar no Centro e, de ser o caso, contactará coas familias afectadas e as consideradas contacto estreito, para indicar o procedemento a seguir.

No caso que nos ocupa, a Autoridade sanitaria pertinente non indicou medidas distintas ás que xa se levan a cabo diariamente no Centro. No caso de novas instrucións, actuaremos segundo as indicacións e serán informados das mesmas.

Últimos Artigos

máis

Theme by Danetsoft and Danang Probo Sayekti inspired by Maksimer