Equipo de Dinamización Lingüística

CONCURSO DE POSTAIS DE NADAL

Convócase o concurso de postais de Nadal, con tres categorías:

  • ESO
  • Bacharelato e FP
  • Profesorado

A ANPA escollerá unha postal gañadora por categoría, que se empregarán para felicitar o Nadal.

A novidade deste ano é que todas as postais que participen deberán ter algún destino: persoa, institución, establecemento, etc., a escoller polo autor ou autora da mesma.

Máis información nas bases.

ZALACANCELO 2020/21

 

Por segundo curso, a proposta do Equipo de Dinamización da Lingua Galega, púxose en marcha o concurso "Zalacancelo 2020/21", para elixir os dous cancelos que acompañarán ás publicacións do instituto en redes sociais ao longo deste curso. Despois dunha primeira ronda na que o EDLG elixiu dous finalistas para cada categoría, os vencedores foron:

#ZalaetaCaraAdiante de Hugo (1º ESO)

#ConDistanciaPeroXunt@s  de Celtia (2º Transporte e Loxística)

Fin de curso

EDLG E PLAN PROXECTA DE INNOVACIÓN EN DINAMIZACIÓN LINGÜÍSTICA
Chegamos a fin de curso e desde os recreos creativos do EDLG queremos despedirnos dándovos as grazas pola vosa ilusión e capacidade de traballo que tivestes  desde a casa.
 
Nesta última actividade, no centro duraría 20 minutos, queremos realizar un resumo do que cadaquén queira representar do vivido nestes meses de atrás e o que está a vivir, tendo en conta o positivo do aprendido: coidados das persoas maiores e de todas, o coidado do medio natural, o valor das cousas realmente importantes, etc.
Poderase representar en galego: nunha colaxe, nun poema, nun videopoema, un audio, nun texto literario, nun caligrama, nun debuxo, nun texto en prosa ou en teatro.
A representación terá un lema en galego: un título en galego que resuma estas vivencias.
Podedes escoller calquera das actividades das semanas anteriores: minilibro, caligrama, ..., para realizar esta actividade.
 
Queremos despedirnos desde o EDLG dándovos os parabéns e as graciñas por participar durante todo o curso nas actividades do EDLG e durante estes meses desde a casa.
 
Graciñas e feliz verán.
 
EDLG
IES RAMÓN MENÉNDEZ PIDAL

ROTEIRO DA MULLER

Primeiramente, dicirvos que esperamos que vos atopedes moi ben, con ánimo e pensando en positivo. 
 
A semana anterior, antes de irnos de vacacións, deixámosvos desconectar dos recreos creativos, coa finalidade de que tivésedes menos actividades, dado que non queremos atafegarvos desde o EDLG con máis traballo, recordade, esta actividade é para axudarvos a desfrutar de actividades do EDLG desde o lecer creativo, é como un recreo desde a casa, non son deberes, co cal podedes facelo en calquera momento ao longo da semana ata o xoves que vén e despois enviarnos ese traballo feito, se queredes, ao cal vos animamos, que seguro que quedan marabillosos eses traballos, o que si é seguro é que serán realizados con moito entusiasmo e agarimo, como cando estabamos no centro. 
Estes 20 minutos de recreo desta semana consistirán nun roteiro, relacionado coa muller, un roteiro que se comezou a organizar nas aulas relacionado co Plan Proxecta de innovación en dinamización lingüística e con terceiro da ESO. Hoxe nós imos facer unha parte do que se realizou na aula recordando á muller con el e partindo de casas de mulleres escritoras e outros lugares de referencia.
 
A proposta é:
 
ROTEIRO DA MULLER
 
1) Prepara o material necesario para tomar nota: lapis, goma, lapis de cores, acuarelas e pincel..., aquilo que vexas que vai axudar a mellorar o resultado, porque imos trazar en papel o roteiro.
 
2) Primeiro partiremos da Casa de Rosalía de Castro, na cidade vella, e moi preto da Praza da Fariña, a actual Praza de Azcárraga. Marcamos este punto no roteiro e poñemos o nome de Rosalía de Castro, debuxamos a imaxe de Rosalía ou a dun libro dela, o que queirades, senón debuxadas en letras bonitas as do nome da escritora.
 
3) Despois trazamos unha liña en direccion á Casa de Francisca Herrera, ao lado da de Rosalía e, aproveitamos a marcar esta parada de camiño á Praza da Fariña. Aquí escribimos o nome con letras bonitas e debuxamos algo que identifique a Francisca Herrera, se podemos, senón o nome.
 
4) Trazamos outra liña desde o punto anterior e baixamos da Praza da Fariña á Real Academia Galega, na rúa Tabernas.
Aquí debuxamos a porta co indicativo de Real Academia Galega.
 
5) Trazamos unha liña desde a Real Academia Galega, ten nome feminino, e cómpre facer unha parada aquí para lembrar a todas as mulleres escritoras e a todas as mulleres, despois debuxamos o porto da Coruña, para refrescarnos co mar e os barcos, despois trazamos outra liña cara aos Cantóns e paramos diante da escultura de Emilia Pardo Bazán, debuxamos a escultura ou, con letras bonitas, poñemos o nome de Emilia Pardo Bazán, rodeada de árbores.
 
Este roteiro pretende facer un percorrido pola nosa cidade para ademais coñecela, o roteiro da muller, e podedes incluír aquelas mulleres que queirades cando rematedes este roteiro, a idea é poder viaxar desde a casa, cando o rematedes podedes telo de man para pasear desde a casa cando precisedes. 
 
Esperamos que sigades ben.

EQUIPO DE DINAMIZACIÓN DA LINGUA GALEGA

No comezo deste novo curso 2019-2020 formamos parte do equipo 8 persoas do profesorado. Procurouse que estivesen representados todos os grupos que compoñen a comunidade educativa (profesorado, alumnado e persoal non docente). O actual EDLG está integrado por:

PROFESORADO

  • María Elena López Blanco (profesora de Ciclos Formativos)
  • Helena Maseda Ferreiro (profesora de Ciclos Formativos)
  • Ramón Otero Moreira (profesor de Lingua castelá e literatura)
  • Nuria Pérez Castelo (profesora de Ciclos Formativos)
  • María Dolores Vilariño Suárez (profesora de Lingua e literatura galega)
  • Andrés Vázquez Figueiras (profesor de Bioloxía e Física e Química)
  • María Josefa Castro López (profesora de Lingua e literatura galega e coordinadora do EDLG)

 

 ALUMNADO

  • Brian Blanco Gómez (1º ESO)
  • Nicolás Sánchez Pazos (1º ESO)
  • Lucía Oreiro Vázquez (2º ESO)
  • Noa Villaverde García (2º ESO)
  • Juan Daría Castro Mateo (2º ESO)
  • Carla Varela Coto (3º ESO)
  • Pablo Mallo Ferrer (2º ESO)
  • Miriam Salgado Freire (4º ESO)
  • Xiana Souto Regueiro (1º ESO)

PERSOAL NON DOCENTE

  • Roberto Gayoso Nieto (conserxe de centro)

 

 

SDS

CONCURSO DE POSTAIS DE NADAL

Para retornar a ese “vello” costume das postais de Nadal (parece que xa é vello, sobre todo na escrita de postais e no aquel de carimbalas e de envialas por correo postal)

CONVÓCASE O CONCURSO DE POSTAIS DE NADAL

Consulta as bases no documento adxunto e anímate a participar!

 

Últimos Artigos

Theme by Danetsoft and Danang Probo Sayekti inspired by Maksimer