Inicio

Educación Física

IMOS EN BICI!

Enviado por Zalaeta o Mér, 03/05/2023 - 18:10

 

 

O alumnado de 1.° da ESO pon en práctica o aprendido nas súas clases de Educación Física e adestra para a súa particular 'Volta á Coruña".

SORTEO DUN PATÍN ELÉCTRICO

Enviado por Zalaeta o Mar, 31/01/2023 - 09:44

Como parte do Plan Proxecta de Mobilidade Sostible e Segura, iníciase a participación no sorteo dun patinete eléctrico entre o alumnado.
Por cada día, tanto pola mañá como pola tarde, que se asista ao centro educativo nun vehículo non contaminante (como pode ser bicicleta, patinete, monopatín, patíns, etc.) farase entrega no segundo recreo dun boleto para participar nese sorteo a final de curso.
Están habilitados aparcadoiros para gardar estes vehículos: un no pavillón, para gardar a bicicleta, e outro na planta baixa, para monopatíns, patinetes, etc.).
A finais do curso actual sortearase este vehículo de mobilidade persoal, anímate a participar!

PLAN PROXECTA: MOBILIDADE SOSTIBLE

Enviado por Zalaeta o Mar, 31/01/2023 - 09:36

Un grupo de profesorado dos departamentos de Educación Física, Física e Química, Música e Comercio e Márketing está a participar este curso nun proxecto de "Mobilidade sostible", coordinado polo profesor de ciclos formativos José Fernández. As principais liñas de actuación dentro do proxecto son:
✅ Proposta de intervención urbanística
✅ Recuperación de espazos
✅ Intervención e cambio nos hábitos de desprazamento do alumnado
✅ Estudo do impacto medioambiental do abuso dos vehículos de combustión
interna e os seus efectos sobre la saúde pública
Toda a información está dispoñible en:
⚠️Nas últimas semanas xa se puxeron en marcha algunhas actuacións. Permanecede atentos e atentas que de seguido vos contamos máis cousiñas ⚠️

VIAXE Á NEVE - JACA 2023

Enviado por Zalaeta o Lun, 23/01/2023 - 19:48

A nosa expedición a Jaca xa está de volta despois de 5 días intensos de convivencia, esforzo, traballo en equipo e aprendizaxes que nos acompañarán sempre. Voltamos cansos, pero moi satisfeitos e satisfeitas por todo o compartido e aprendido!

ESCALADA E SENDEIRISMO

Enviado por Zalaeta o Mér, 26/10/2022 - 15:45

Un ano máis, o Departamento de Educación Física organizou con 3.° da ESO a saída de escalada ao Petón (no Xalo), con posterior roteiro polo Rego das Xesteiras, para desfrutar das cores do outono.

SAÍDA EN BICICLETA

Enviado por Zalaeta o Mér, 18/05/2022 - 18:14

Lembramos unha das saídas en bici que realizou hai unhas semanas o alumnado de 1.º da ESO. Desprazouse cara ao paseo marítimo en dirección Riazor polo carril bici ata chegar ao Milenium, ascensor do monte de San Pedro e continuación ata o Portiño. Cada grupo segundo o seu nivel fixo entre 8,5 e10 km, aproximadamente. Noraboa!!! Sodes uns/unhas ciclistas estupendos!!

Últimos Artigos

máis

Theme by Danetsoft and Danang Probo Sayekti inspired by Maksimer