Podedes consultar nos seguintes arquivos adxuntos tanto os profesores/as encargados das titorías como  das xefaturas de departamento.

Na reunión da Comisión de Coordinación Pedagóxica do día 21 de xaneiro de 2011 aprobouse a modificación do calendario de avaliación e exames de materias pendentes para o curso 2010-2011. Podes consultalo no seguinte enlace.

Na seguinte lista figuran os horarios de cada grupo de clase e o profesorado correspondente

6/09/09: Calendario de exames de setembro.

3/07/09: Entregáronse os premios do XXV Certame de Poesía María Soliño dirixido a alumnado dos centros de ensino medio de Galicia. Podes consultar a nota de prensa.

2/07/09: Alumnado de 2º de bacharelato do noso centro participa como xurado no premio de narrativa Arcebispo San Clemente que organiza o IES Rosalía de Castro de Santiago. Nota de prensa.

28/06/09: O venres, a partir das 10 horas terá lugar a entrega de notas da avaliación de xuño.

25/06/09: Convocouse o XXV Certame de Poesía María Soliño dirixido a alumnado dos centros de ensino medio de Galicia. Podes consultar as bases.

25/06/09: Héitor Mera presentou na UNED a súa Tese de Doutoramento sobre a figura e a obra de Bernardino Graña. Os dous pasaron no seu tempo polas aulas do María Soliño. Parabéns polo traballo e a cualificación. Podes ver a nota de prensa

14/06/09: Novo blog do centro: Bacharelato de Artes. Podes ver traballos realizados e deixar os teus comentarios.

07/06/09: O día 29, ás 20 horas, no Auditorio Municipal celebrouse o III Festival Solidario de apoio á Escola María Soliña da India, que organiza o noso centro en colaboración cos CEIP de Aldán e do Hío.

29/05/09: Continúan os exames finais de materias pendentes de cursos anteriores correspondentes a alumnado de ESO. Podes consultar o calendario.

24/05/09: O alumnado do Bacharelato de Artes realiza unha intervención artistica para mudar o aspecto da fachada do centro. Nota de prensa

24/05/09: Realizouse no instituto un simulacro de emerxencia, no que participou unha brigada de Protección Civil de Cangas, ademais da Policía Local e a Garda Civil. O exercicio serviu para comprobar que en xeral o sistema de evacuación funcionou correctamente e que é preciso tomar nota dalgúns desaxustes para corrixilos. Nota de prensa

15/05/09: Rematou a Mostra de Teatro do Ensino Secundario do Morrazo  coa actuación do Obradoiro de teatro do noso centro no Auditorio Municipal de Cangas, representando a obra A deshora, de Pedro P. Riobó.

13/05/09: Mostra de Teatro do Ensino Secundario do Morrazo:  o xoves tivo lugar cerimonia de clausura da Mostra que comezara o venres da semana anterior. Durante os próximos días poderán verse as obras representadas no Auditorio de Cangas. Podes consultar o calendario das actuacións.

04/05/09: Exposición colectiva de obras do alumnado de 1º e 2º do Bacharelato de Artes. A exposición  inaugurouse o mércores 15 de abril ás 20:00 horas na Sala de Exposicións do Auditorio Municipal de Cangas e permanecerá aberta ata o 30 de abril. Podes ver o cartaz e a información da prensa: Faro de Vigo

1/05/09: Mostra de Teatro do Ensino Secundario do Morrazo:  cerimonia de clausura da Mostra con entrega de premios do 11º Concurso de Deseño do Cartel da Mostra e do 1º premio de Teatro Breve Testeatro. A continuación un grupo de alumnado da Escola Superior de Arte Dramática de Galicia realizará un obradoiro teatral.

30/04/09: Mostra de Teatro do Ensino Secundario do Morrazo: programa para o mércores, 29 de abril: ás 10 o grupo Comediantes anónimos do IES Johan Carballeira presenta A illa amarela de Paloma Pedrero e ás 12 o Grupo Tróquele do IES Illa de Tambo escenifica O novo inferno de José Calvar.

28/04/09: O martes remata a segunda parte dos exames de pendentes.

28/04/09: Mostra de Teatro do Ensino Secundario do Morrazo: programa para o martes, 28 de abril: ás 10 o grupo de teatro Filigrana do IES A Paralaia presenta A avoa Sol e as Trece Rosas de Maxi de Diego e ás 12 o grupo Faise escuro do IES de Rodeira escenifica Gilipollas! Somos ou estamos? Gilipollas, sobre textos de Jacobo Paz, Rodrigo García, Luís Araujo e Angélica Liddel

27/04/09: Mostra de Teatro do Ensino Secundario do Morrazo: programa para o luns, 27 de abril: ás 10 o grupo de teatro do IES As Barxas presenta Os noivos da torre Eiffel de Jean Cocteau e ás 12 o grupo de teatro do Colexio Eduardo Pondal escenifica As vodas de Fígaro, de C. de Beaumarchais

24/04/09:  O venres, día 24, ás 10 horas comeza a XIII Mostra de Teatro do Ensino Secundario do Morrazo, coa actuación do Obradoiro de Teatro María Soliño que porá en escena a obra A deshora de Pedro Pablo Riobó. Ás 12,20 o Teatro da Réplika, do IES de Rodeira representará A princesiña Socorro, o trobeiro Carolo e o demo dos cornos de Gloria Suárez e Miguel Vázquez Freire.

16/04/09: O alumnado do Ciclo Formativo TSAAFD organiza a Festa Escolar do Badminton, que se celebrará o sábado 21 de marzo, no pavillón, entre as 10 e as 18 horas

26/03/2009: Entregado o premio do concurso para a elaboración dunha figura representativa do centro á alumna de Artes Iria Rivas

26/03/2009: Resolución do xurado do Premio de textos teatrais Testeatro. Información na prensa

26/03/2009: Resolución do xurado do Certame de carteis para a Mostra de Teatro. Primeiro premio da categoría B.

18/03/2009: Resolución do Certame de cartas de amor convocado polo Equipo de Normalización e Dinamización Lingüística. Podes ver os traballos premiados

18/03/2009: Recomendamos a lectura e participación nos novos blogs elaborados por alumnado e profesorado do Instituto: Xiros-Altazor, redactado na materia de Literaturas Hispánicas, e Alteraliaclassica, confeccionado polo departamento de Latín

06/03/2009: O noso centro organiza este curso a XIII Mostra de Teatro do Ensino Secundario do Morrazo. Con ese motivo convócanse o 11º Concurso para o Deseño dun Cartel para a mostra e o 1º Premio de Teatro Breve Testeatro.

18/02/2009: O Departamento de Normalización e Dinamización Lingüística convoca un certame de Cartas de Amor con motivo do día de San Valentín e un concurso para o deseño da portada da revista Arando Cedo

22/01/2009: Continúan esta semana os exames de materias pendentes. Podes ver o calendario no apartado "Xefatura de estudos", do menú "O centro".

20/01/2009: Ültimo día para presentar traballos ao concurso píblico para o deseño dunha figura en cerámica que represente a idea do instituto ou a nosa concepción do ensino. Podes ver as bases.

Nota: as datas indican o momento en que a nova foi retirada da páxina principal

Bases do certame

Traballos premiados

Entrega de premios

O 5 de maio pasado, con motivo da celebración das Letras Galegas 08, contamos coa presenza de Xosé Mª Álvarez Cácamo, fillo do personaxe galego homenaxeado nas Letras Galegas deste ano. Xosé Maria trazou durante a súa intervención unha relación de recordos do seu pai Xosé Maria Álvarez Blázquez, facendo un uso copioso de documentos gráficos e textuais da vida do autor, que presentou desde dúas perspectivas: por unha banda dende o seu papel de pai e por outra da súa creación literaria, deixando unha visión moi entrañable do personaxe homenaxeado este ano. Galería de imaxes

15 de maio: proxección do documental “Línguas Cruzadas”. Asistiu o alumnado de 3º e 4º da ESO e 1º de Bacharelato. Con tal motivo houbo unha intervención de Guillerme Ignacio Costa, membro do grupo Quempallou, en defensa do uso da nosa língua.

Venres 16: nas dúas últimas horas o alumnado de ESO e 1º de Bacharelato xogou á billarda, bolos celtas, porca, trompo, tirabolas, carreiras de sacos, pincho, zancos, aro, corda, tiro de corda.... Para recuperar forzas a participación foi recompensada cun posto de avituallamento no que había doces variados, froita e auga.

Estivemos acompañados por alumnos/as do Colexio Xoán XXIII.

Os espazos empregados para a realización dos xogos foron o ximnasio, as pistas, o pavillón, diante do pavillón e o campo de futbol do Monte Carrasco. Xogamos, recordamos e pasamolo ben. Galería de imaxes.

Mércores, 21: O alumnado de primeiro de Bacharelato participou nunha actividade de lectura e interpretación de textos literarios. Na primeira parte o grupo de Música interpretou a melodía de dúas cantigas de Santa María, acompañadas de imaxes dos códices; a continuación realizouse a audición da cantiga CIII, que narra o milagre do monxe que estivo trescentos anos escoitando o canto da paxariña.

Na segunda parte o alumnado de 1º A leu textos de traducións de obras escritas orixinariamente noutros idiomas: Xuntos e máis nada da francesa Anna Gavalda, Seda do italiano Alessandro Baricco, Brooklyn Follies do estadounidense Paul Auster e Un cadelo menos e vintenove historias máis do brasileiro Fernando Sabino.

Alumnado de 4º da ESO do IES María Soliño está inmerso nun Intercambio con alumnos/as do IES Sanxillao de Lugo para o fomento e uso do galego. O xoves 22 tiveron a primeira experiencia neste sentido, que consistiu nunha visita pola cidade de Lugo acompañados por dúas profesoras do mencionado centro. Os nosos alumnos/as puideron contemplar a fermosura do casco antigo e as murallas romanas.

O xoves 29 devolverannos a visita. Pretendemos que se acheguen á realidade actual dunha vila da costa, amosándolle entre outras cousas o seu rico patrimonio histórico (O Facho, Cruceiro do Hío, casco vello coas súas casas mariñeiras…). Se o tempo o permite, gozarán tamén das nosas magníficas praias.

1º Premio: "Soidade"
Autora: Ana Quiroga Álvarez 2º Bach C
Explicación da foto: dúas persoas illadas que se teñen a elas mesmas como compaña. Por outra banda, a chuvia contribúe a crear esa sensación de soidade, que se rompe polo sonriso da nena da esquerda, que olla sorprendida a paisaxe.
Premio: cámara compacta dixital.
2º Premio: "Natureza"
Autor: Hugo Santos Sánchez, 2º Bach A
Explicación da foto: coloquei unha flor cunha abella sobre unha superficie reflectante e apaguei as luces da habitación, desta maneira conseguín un fondo negro no que aparecen unhas franxas brancas por detrás da flor, que é a pouca luz que pasa pola xanela; por último, iluminei a flor cunha lanterna dende un lateral para darlle un contraste de luz e sombra. Esta foto ten que ver coa palabra natureza porque a flor e a abella son elementos da natureza.
Premio: lápiz de memoria
3º Premio: deserto

Galería de fotos  

1-Haberá dúas categorías:

    A-Para alumnado  de primeiro e segundo ciclo  do  E.S.O.

    B-Para alumnado de 1º e 2º de  Bacharelato  e  Ciclos de grao medio.

2-Concederanse tres premios en cada categoría

   -Primeiro premio-200  euros.

   -Segundo premio- 100 euros.

   -Terceiro premio-  50 euros.

3-Os poemas deberán estar escritos en lingua galega.

4-Cada participante presentará un mínimo de tres poemas, e un máximo de cinco.

5-Presentaranse tres copias, mecanografiadas, dos poemas.

6-Remitiranse ó I.E.S. María Soliño (Monte Carrasco, nº 3  / 36940 CANGAS)
 nun sobre no que constará unicamente un seudónimo e a categoría á que pertence.Dentro dese sobre introduciranse  os poemas e unha plica cos seguintes datos: nome, enderezo, teléfono, centro no que cursa estudos  e  certificado de estar matriculado no centro.

7-Realizarase unha publicación cos poemas gañadores.

8-O prazo de entrega rematará o día  10 de Xuño.

9-O fallo do xurado farase público  no acto  da entrega de premios, que terá lugar entre o 16 e o 20  de Xuño no IES María Soliño.

Entrevista  a  Xosé Martínez sobre o Intercambio con Varese (Italia):

       «O mesmo feito de viaxar leva consigo unha ensinanza intrínseca»

ENTREVISTADOR-Antes de nada gustaríame saber de onde xorde a idea do intercambio.

PEPE-Sí,a idea do intercambio xorde das relacións que mantivemos en anos pasados cun instituto de Nápoles,e entón  había unha profesora que estivera de lectora de italiano e inglés aquí, Ángela Cermesoni, que era de Varese , nas proximidades de Milán. Un centro da mesma localidade púxose en contacto con nós por se nos interesaba participar nun intercambio lingüístico.

¿Qué se pretende conseguir co intercambio?

Sobre todo que se interrelacionen rapaces e rapazas de Cangas con rapaces e rapazas italianos, e que a lingua sexa o vehículo que os mova. Eles veñen precisamente a estudar máis ben español porque son dun centro no que estudian Turismo, no cal se imparten  varias linguas, entre elas o español, o francés, o alemán e inglés.

Ou sexa, que teñen xa unha idade avanzada,¿non?

Sí, son  de quinto curso .Teñen entre dezasete e dezaoito  anos.

Aproximadamente,¿canto  durará  o  intercambio?

O  intercambio   de  alumnos  aquí  dura  unha  semana, do  21 o  28  de  outubro.Nós temos pensado  ir  a  Varese(Milán),do  12  o 19  de  marzo.

¿Cantos alumnos  van  ser?

En  principio  van  ser sobre  26. Son  todas  rapazas.Neste  tipo  de  especialidades soe  haber  un  maior interese por  parte do  alumnado  feminino que  o  masculino.No  noso  caso  irán  26 alumn@s ,neste  caso  mixtos,e  dous  ou  tres   profesor@s  máis  que  aínda  están  por  determinar.

¿Tense  pensado facer  algún  tipo   de  actividade  referente  a  eles?

Sí,temos  pensado,  aquí  polo  menos,  facer  unha  presentación no  centro. Ensinarlles  non  só   a  cultura  española, que  é  o  que  lles interesa, senón  tamén  a  cultura  galega.Temos  tamén  previsto  un  programa no cal  cheguen  a  participar  nalgunha  clase.Sobre   todo  aquelas  nas  que  están  os  rapaces  e  rapazas    cos  que  están  convivindo  nas  súas  casas.Ensinarlles  o  noso  plantel  educativo.Tamén   se  ten  previsto  realizar  algunha  actividade  fora  do  centro.

¿Vaise  facer  con  elas  algún  tipo  de  apilo  ou  axuda para  a  aclimatación  a  este  centro?

Non.O  ser  xa  alumnas  maiores  non  creo  que  faga falla  unha  aclimatación  estricta.Vou  ter  unha  reunión  con  alumn@ s  e  con  nais-pais  para   que  os  reciban  o  mellor  posible.

Falando  un  pouco  d@s  alumn@s  deste  centro,¿como  vai  ser a  súa  estancia  en  Italia?

Ó  ser  unha  viaxe   a  Italia a intención é sacarlle o maior proveito posible. Pese  a  que  van  rapaces e rapazas  de  distintos  bacharelatos,pensamos parar  un  día  en  Roma e   facer  un  periplo  polo  que  é a  Roma  máis  clásica.

Ou  sexa,que  vai  ser unha  viaxe  cultural.

Sí. Ademais, cando  cheguemos  a  Varese,temos  pensado  achegarnos   ó  seu  centro, ás  suas  aulas, algo  que  eles  van facer tamén  aquí. E  polo  que  me  ten  comentado, a  profesora  que  está  ó  cargo, Georgia Bianchi, vainos  ensinar  a  zona  de  Varese, que  é  unha  zona  preciosa.De  feito, eles  mandáronnos  un  CD  composto  por  eles mesmos  no  que  se  resaltan  as  características principais  da  rexión.

¿Tense  previsto  algún  plan  de  estudio  especifico?

Non, máis  que  nada o  importante  é  a  convivencia  e   que  se  aprendan  a  expresar en  castelá, xa  que  lles  interesa. E  xa  que  eles  se  expresan  en  inglés, a  nosa  pretensión  é  que  os  nosos  tamén  se  expresen  nesta   lingua.

¿Cal  é  o  seu  papel  dentro  deste intercambio?

O  meu  é o  de  coodinador do  centro, e  máis  que nada  consiste  en  artellar  a viaxe, contactar  tanto   cos  coordinadores  italianos  coma coas  familias  aquí.

Ben, non sei  se  hai  algo  que  vostede queira  engadir ou  falar  de  algo  que  non  lle  preguntei.

Eu  creo  que  isto  é moi  interesante  independentemente do  valor  cultural,   educativo   que  poida  ter, creo  que  os  alumnos de  cada  país deben  acostumarse  a  coñecer outros  lugares .O mesmo   feito  de  viaxar  xa  leva  consigo  unha  ensinanza  intrinseca. Estar  nun  aeroporto, que un rapaz se marea, saber onde ten que ir nun momento determinado..´.E fundamental , independentemente do sitio ó que se vaia. Ademáis , somos dos países nos que os alumnos viaxan menos. Noutros países están máis acostumados a viaxar a outros lugares. Hai certo temor dentro das familias a deixar viaxar, e ,moitas veces, non é só polo custo económico, que tamén  o é en moitos casos, senón polo «medo». En todas as viaxes nas que eu participo, a miña ansia é esa precisamente: que o alumnado viaxe, que se relacione con outros rapaces e rapazas da súa idade…

Ben, pois moitas grazas . Encantado de falar con vostede.

Nada, home.