Lingua e Literatura Galega

Visita a Guimarâes

 

Visita a Guimarães

O alumnado de 1º da ESO A e B e as/os alumnas/os de portugués de 2º da ESO viaxaron, o pasado xoves, 31 de maio, á “Cidade Berço” de Portugal. A visita comezou coa subida ao Miradouro da Penha desde onde os cativos puideron coñecer a cidade practicamente desde o ceo e tiveron a oportunidade de ver o santuario da Virxe da Penha así como de poder perderse momentaneamente polos sinuosos e misteriosos camiños do Labirinto. Despois, descenderon a montaña e entraron no Castelo do Rei Afonso Henriques. As súas murallas, postos de vixilancia e torres serviron para se imaxinaren na Idade Media e incluso volver ollar a urbe desde un novo ceo agora máis próximo. A seguir, pasearon e andaron por todas as prazas (Praça de São Tiago, Largo da Oliveira, Largo da Misericórdia, Largo do Toural, Alameda, Zona e Couros, Largo República do Brasil) e puideron ver moitos dos seus edificios máis emblemáticos para acabar nunha visita guiada ao Paço dos Duques de Bragança. Por último e para coñecer un novo lugar e despedir a viaxe da mellor maneira, fixeron unha parada dunha hora para coñecer Ponte de Lima coa feliz sorpresa de que estaba ateigada de xente (entre eles, outros galegos) que festexaba o Día do Corpo de Deus.

Algunhas fotos da visita.

 

Avaliación

No seguinte arquivo adxunto atoparás información sobre a forma de cualificarte que decidiu aplicar o departamento de Lingua e Literatura Galegas para o curso 2016/2017: criterios de avaliación, procedementos de avaliación e contidos mínimos que se van esixir en cada materia e curso. 

 

 

Distribuir contido