Educación Física

Actividade deportiva

    O Departamento de Educación Física, de acordo coa Vicedirección, decidiu realizar unha serie de actividades deportivas para o alumnado deste Centro. Estas actividades clasificámolas en dous apartados:

1.- Deporte Interno

  • Competición de Fútbol-sala, para alumnado de 1° e 2° de E.S.O. Celébrase no patio, nos recreos, con equipos mixtos formados libremente entre o alumnado.
  • Competición de Fútbol-sala para 2° ciclo de E.S.O., Bacharelato e Ciclo Formativo. Celébrase os luns e mércores nos recreos, no Pavillón, con equipos mixtos formados libremente entre o alumnado.
  • Bádminton, aprendizaxe e competición, os xoves e venres nos recreos, no Pavillón, para alumnado de 1°, 2° de E.S.O.
  • Patinaxe artístico, os martes, durante o recreo, no pavillón , con alumnado da E.S.O.
  • Acrosport, os xoves, no recreo, no Ximnasio, para alumnado do 1° ciclo da E.S.O.

2.- Deporte entre centros

    Decidiuse establecer encontros deportivos e de convivencia co IES Montecarrasco, programando un encontro por trimestre, dirixido a alumnado de E.S.O. Competición María Soliño - Montecarrasco

O primeiro encontro, previsto para o día 20 de decembro, celebrarase co seguinte programa, a partir das 10:30 horas:

  • 1° ESO: Fútbol-sala, masculino e feminino
  • 2° ESO: Badminton, masculino, feminino e mixto
  • 3° ESO. Hoquei mixto
  • 4° ESO: Volei mixto

    Máis adiante determinaranse as datas e deportes das sucesivas xornadas , barallándose a posibilidade de celebrar un encontro de xogos populares galegos en datas próximas ao 17 de maio.

 

    Galería de fotos

Avaliación

Nos seguintes arquivos adxuntos atoparás información sobre a forma de cualificarte que decidiu aplicar o departamento: criterios de avaliación, procedementos de avaliación e contidos mínimos que se van esixir en cada materia e curso. 

Na Biblioteca e na Xefatura de Estudos podes consultar unha publicación impresa coa información relativa á avaliación de todos os departamentos e materias.

Actualizado: 8/outubro/09

Distribuir contido