INFORMACIÓN ANPA

A ANPA do IES María Soliño pon á disposición de todos os seus asociados/as o seu blog para manterse informados de todas as novas que afecten á comunidade escolar do centro. Na páxina web do centro e no apartado reservado á ANPA pode accederse ao mesmo.

Animámosvos a participar con todas as suxestións que consideredes oportunas.

Grazas.

ASEMBLEA ANPA CURSO 2018-2019

A ANPA do IES MARÍA SOLIÑO convoca unha asemblea xeral para o vindeiro luns, 10 de setembro de 2018, ás 20:00 h. en 1ª convocatoria e ás 20:30 en segunda. Dada a importancia dos temas a tratar agárdase a maior presenza de Nais e Pais do alumnado do centro.

______________________

REVISTA DA COORDINADORA GALEGA DOS ENDL.

A comunidade escolar do IES María Soliño pode achegarse ás novas da Cordinadora Galega dos ENDL a través da súa revista Ollos de auga.

Mantente informado sobre a nosa lingua!!

GUÍA DE LECTURAS PARA SECUNDARIA 2017-2018

Os Equipos de Dinamización da Lingua Galega propoñen unha serie de lecturas para Educación Secundaria segundo diversos niveis: 12 en adiante, 14 en adiante, 16 en adiante e familias. COMPARTE AMOR POLO NOSO clicando na imaxe.

______________________

ELECCIÓNS AO CONSELLO ESCOLAR 2018-2019

Este curso corresponde realizar eleccións ao Consello Escolar: as datas de celebración das mesmas están fixadas na Resolución do 25 de setembro de 2018, da Dirección Xeral de Ordenación e Innovación Educativa (DOG 192, do 8 de outubro de 2018). Celebraranse entre os días 26 e 30 de novembro de 2018, ambos os dous incluídos. As eleccións son cada dous anos pero só se renova unha parte do Consello Escolar. No noso caso cómpre realizar a renovación dos seguintes membros do Consello Escolar:

• Representantes do profesorado: 4 persoas.

• Representantes do alumnado: 2 persoas.

• Representantes dos pais e nais: 1 persoa.

• Representante do persoal de administración e servizos: 1 persoa.

A organización e supervisión do procedemento de elección dos membros do Consello Escolar estará a cargo da Xunta Electoral, que estará integrada pola directora do centro, un profesor ou profesora, un pai ou nai ou titor legal, un representante do persoal de administración e servizos e un alumno ou alumna, designados os catro últimos por sorteo público no que se preverá a designación de membros suplentes. O sorteo realizouse o mércores 24 de outubro, ás 11horas.

• Información eleccións ao Consello Escolar.
• Calendario electoral.

LIBROS DE TEXTO CURSO 2018-2019

A comunidade escolar do IES María Soliño pode consultar a lista de libros de texto para o vindeiro curso 2018-2019. En caso de dúbida prégase contacto cos departamentos implicados ou coa Xefatura de Estudos de centro, incluso agardar á primeira semana do curso para resolvelas.

• Libros 2018-2019

FONDO SOLIDARIO DE LIBROS DE TEXTO E AXUDAS PARA MATERIAL ESCOLAR

CURSO 2018-2019

ORDE do 9 de maio de 2018 (DOG núm. 95, 21/05/2018) pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2018/19.

Infórmase da convocatoria e solicitude do fondo solidario de libros de texto e axudas para adquisición de material escolar. O prazo para presentar solicitudes comeza o 22 de maio e remata o 22 de xuño de 2018 (ambos os dous incluídos).

Nota informativa só para alumnado que se atope cursando 4º ESO no curso actual (ano académico 2017/2018): O alumnado que repita 4º de ESO, cando non tivese presentado solicitude de participación no fondo solidario e a solicitude para adquirir material escolar no prazo indicado, tamén poderá presentala no prazo dun (1) mes desde a formalización da matrícula en setembro.

Máis información no enlace da Consellería http://www.edu.xunta.gal/portal/node/25009 ou na secretaría do Centro.

DEVOLUCIÓN LIBROS DE TEXTO DO CURSO 2017/2018

O prazo máximo para a devolución dos libros de texto do curso 2017/2018 remata o 22 de xuño de 2018, agás para o alumnado da ESO que teña algunha materia pendente e que poderá quedar con ese libro ata a realización do exame da convocatoria de setembro. A data máxima de entrega neste caso será o 07 de setembro de 2018.

PRESENTACIÓN DO IES MARÍA SOLIÑO NOS CEIPs ADSCRITOS CURSO 2018-2019

A Comunidade Escolar pode acceder nos arquivos adxuntos á información básica tanto da oferta educativa como das principais instalacións do centro expostas nos CEIPs adscritos. O Equipo Directivo e o Departamento de Orientación están á disposición da mesma para solventar as dúbidas que poidan xurdir ao respecto.

• Oferta educativa
• Instalacións

MEDIACIÓN NA RESOLUCIÓN DE CONFLITOS

Os interesados/as poden consultar as directrices xerias sobre a posta en marcha da mediación de resolución de conflitos clicando aquí.

PROGRAMA IMPORTA

O IES Mª Soliño foi seleccionado para formar parte no proxecto IMPORTA/CLIL+-Proxectos de Movilidade de Educación escolar/Movilidade das persoas por motivos de aprendizaxe(KA1)-encadrado no programa Erasmus+en lingua portuguesa.

O proxecto IMPORTA é un consorcio entre a Dirección Xeral de Educación, F.P. e Innovación Educativa da Consellería de Educación e Ordenación Universitaria e os seguintes centros nos que se imparte lingua portuguesa: IES MªSoliño, IES de Cacheiras, IES Félix Muriel, IES de Valga, IES de Xelmírez. Co obxectivo de mellorar a competencia lingüística do profesorado de lingua portuguesa, así como o uso das TICs na aula e impulsar a creación de seccións bilingües.

O profesorado seleccionado levará a cabo as seguintes actividades:

• Curso de formación on line en lingua portuguesa.
• Curso estructurado de formación en Lisboa.
• Elaboración de unidades didácticas integradas.

 Contacta con nós