A Aula De Teatro Do IES Antón Losada participa nunha viaxe cultural e didáctica por Portugal, Estremadura, Madrid e Castela– Leó

A fin de semana pasada o alumnado do a Aula de Teatro do IES Antón Losada, ‘Avelaíñas Teatro’, viaxou a Portugal, Estremadura, Castela – León e Madrid co alumnado da Escola Municipal de Teatro de Laxe, o Obradoiro Municipal de Teatro de Palas de Rei e a Aula de Teatro do C.P.I. de Touro.

Comezaron a viaxe o mércores, 15 de maio, cunha función do espectáculo FICCIÓNS no Auditorio da Universidade de Tras Os Montes (UTAD) para a comunidade universitaria portuguesa. A continuación alumnado da diplomatura de Turismo guiou aos actores e ás actrices pola cidade de Chaves: castelo, termas, ponte romana, paseo do río Támega, Forte de Sao Neutel, Forte de San Francisco, etc.

Ese mesmo día viaxaron ata a Idanha-a-Nova convidados polo grupo local “Ajidanha” e presentaron ese mesmo espectáculo para o público desta localidade.

O xoves, 16 de maio, presentaron de novo esta obra Ficcións no Audiorio do Centro Cultural Raiano para alumnado de varios centros de ensino de Educación Primaria de Idanha-a-Nova. A tarde dese día viaxaron a Idanha-a-Velha, onde un técnico de turismo local lles presentou o pelourinho, a calzada romana, a muralla romana, a igrexa visigoda, o museo do aceite, etc. Nesta localidade presentaron un roteiro teatral nos lugares máis emblemáticos da vila. Seguidamente visitaron en Monsanto a Torre do reloxo, o Castelo, a igrexa matriz; descubriron as peculiaridades das rúas desta vila premiada polo seu respecto cara o patrimonio e considerada a vila máis portuguesa de Portugal. Despois visitaron en Penha Garcia o pelourinho, o Castelo, a igrexa principal e o Museo paleontolóxico.

O venres, 17 de maio, percorreron a cidade de Mérida: a Alcazaba, o acueducto dos Milagres e o de San Lázaro, o Anfiteatro, a ponte romana, o Mirador sobre o río Guadiana, e presentaron o espectáculo ONIROMANCIA no Teatro Romano desta cidade ás 13:00 horas. No Colexio Atenea de Mérida compartiron experiencias teatrais co alumnado da Aula de Teatro deste centro educativo e asistiron a un ensaio da obra Os xemelgos, de Plauto, dirixida polo actor profesional Esteban García Ballesteros.

Ás 21:00 horas asistiron ao espectáculo CENIZAS, que presentou o grupo IRÓNICO TEATRO no XXIII Certamen Nacional de Teatro Aficionado de la Villa de Navalmoral de la Mata. Ao remate deste espectáculo compartiron experiencias cos actores, actrices, equipo técnico e director deste grupo.

O sábado, 18 de maio, realizaron unha visita ao Museo Reina Sofía de Madrid, desfrutaron do parque de atraccións da Casa de Campo en Madrid e presentaron o seu espectáculo ONIROMANCIA na gala de entrega de premios do XXIII Certamen de Teatro Aficionado de la Villa de Navalmoral de la Mata.

O domingo, 19 de maio, percorreron as rúas do centro de Plasencia, a Praza Maior, a catedral, os arcos de San Antón, igrexa de San Nicolás, e murallas. En Zamora desfrutaron da beleza da catedral, do Castelo, das murallas romanas, das vistas do río Douro, Praza Maior, Teatro Principal…

Nestas tres montaxes os actores e actrices destas catro Aulas de Teatro accionaron a panca da metaficción e traslaron ao espectador/-a  a un heteroxéneo universo literario que bebe da obra de Neira Vilas, Celso Emilio Ferreiro, Joaquim Murale, Castelao, Núñez Singala, Rosalía de Castro, Albert Camus, Osvaldo Dragún, Shakespeare, etc.

Experimentaron a concepción do teatro visto como xogo, reivindicaron un teatro como luz, movemento, son, música, ritmo, emoción, poesía, como fonte de coñecementos e como instrumento que permite coñecer realidades desde diferentes perspectivas.

 

Máis fotos da viaxe:
https://www.dropbox.com/l/VOesUb3sz83U8QrvpUgxzb

Presentación de Costa do Solpor, de Xosé Mª Lema

O próximo mércores, 22 de maio, ás 21 horas, o noso compañeiro durante tantos anos, Xosé María Lema, presentará no MOME da Estrada, a súa primeira novela, Costa do Solpor.

A presentación do libro, organizada pola Biblioteca e o Equipo de Normalización do IES Antón Losada, contará coa participación do propio autor, do director da Editorial Xerais, Manuel Bragado, e dos escritores locais Xoán Carlos Garrido e David Otero.

Máis información sobre a novela: http://costadosolpor.blogspot.com.es/

Avelaíñas teatro de xira por Portugal

No próximo dia 15 de Maio, quarta-feira, pelas 11:00, no Auditório do Pólo da UTAD em Chaves, terá lugar a encenação da peça de teatro titulada “Fervenza Onírica”, que será realizada por estudantes das escolas secundárias de Touro, A Estrada, Laxe e Palas de Rei (Galiza), baixo a direção do Professor Afonso Garcia Penas, da direção da Associação Galega de Teatro Amador. A peça põe de releve as culturas e viagem e a importância da animação sociocultural nos processos de transformação social. Será esta uma atividade de intercâmbio sociocultural com os estudantes e docentes do pólo da UTAD em Chaves.

Xerardo Pereiro
UTAD-Pólo de Chaves


II Encontro de alumnado de Música de Secundaria e Bacharelato

O pasado 26 de abril de 2013 asistimos ao II Encontro de alumnado de Música de Secundaria e Bacharelato. Celebrouse no Auditorio municipal de Vilagarcía de Arousa coa presencia de 15 centros de toda Galicia. A temática común a todos os participantes foi “A música galega” e os nosos temas foron:

1- “O son do ar”: obra composta en 1988 por Bieito Romero e popularizada polo recoñecido grupo de música folk “Luar na Lubre”.

2- “Campanas de Bastavales”: un poema de Rosalía de Castro, pertencente ao seu libro “Cantares Gallegos”, e do que celebramos o 150 aniversario da súa publicación. Esta peza foi popularizada por Amancio Prada e nós fixemos unha adaptación propia para voces, cun pequeno recitado ao inicio e acompañamento instrumental de placa e pequena percusión.

Parabéns a todo o alumnado de Música de 4º que colaborou na preparación do concerto tanto nas horas de clase coma nuns cantos recreos que precisamos para matizar as nosas interpretacións.

Os pequenos fallos que atopedes non molestan porque a nosa música está feita dende o corazón, así que esperamos que disfrutedes escoitando as obras tanto coma nós interpretándoas.

Moitas grazas por participar!!!

Déixovos os enlaces onde se menciona algo sobre o evento e mesmo unha galería fotográfica... Botádelle un ollo ;-)

http://www.farodevigo.es/portada-arousa/2013/04/27/vilagarcia-alza-epicentro-musica-gallega/799366.html

http://www.lavozdegalicia.es/album/arousa/2013/04/26/concierto-imagenes/01101366980021172490888.htm

http://www.lavozdegalicia.es/video/arousa/2013/04/26/musica-tradicional-llena-auditorio/00311366979710235683967.htm

Departamento de Música


CONCERTO DIDÁCTICO PARA O ALUMNADO DE 3º de ESO

 

2º Concerto do IV ENCONTRO

IES “Mestre Landín” (Marín)

IES “Antón Losada Diéguez” (A Estrada)

(3º ESO)

 

 

Programa día 8 de maio 2013

 

 

  • Mía yrmana fremosa” (Martín Codax) IES “Antón Losada Diéguez”

  • Quen a amagen” (Afonso X) IES “Mestre Landín”

  • Balada do VII sois” (Llivre Vermell) IES “Mestre Landín”

  • Santa María Estrela do Día” (Afonso X) Común aos dous centros.

 

 

  • Branle” (danza renacentista) IES “Antón Losada Diéguez”

  • Romeo e Xulieta” (Zeffirelli) IES “Mestre Landín”

 

  • O son do ar” (Luar na Lubre, Bieito Romero) IES “Antón Losada Diéguez”

 

  • Canon” (Pachelbel) IES “Mestre Landín”

  • Aria de Rinaldo” (Versión instrumental) Común aos dous centros.

 

 

 

DEPARTAMENTO DE MÚSICA

CONCERTO-CONFERENCIA

 

PROGRAMA CONCERTO-CONFERENCIA

2 de maio de 2013

Cantares Galegos

Rosalía de Castro-Cantos e romances de Galicia

 

 

Airiños, airiños aires (CF 129-Rosalía de Castro)

Has de cantar (CF 64-Rosalía de Castro)

Adios rios, adios fontes (CTB 357-Rosalía de Castro)

 

Axudademe a cantare (tradicional)

Levaime amor (Luis de Milán, s. XVI)

Falai miña amor (Luis de Milán, s. XVI)

 

Campanas de Bastabales (CF146, CTB 185-Rosalía de Castro)

 

Folías gallegas (Santiago de Murcia, s. XVII)

Ábreme a portiña (canto de cego)

 

Vente sentar ó meu lado (tradicional)

Mais ó que ben quixo un día (Paxariños que voades, popular-Rosalía de Castro)

Gaitas (Ruiz de Riballaz, s. XVII)

Unha noite vindo do muiño (tradicional)

 

Cantan os galos pra o día (CTB 113)

Eu ben vin estar o moucho (CTB O demo cando rabea-Rosalía de Castro )

 

 

Fontes para os Cantares Galegos:

Cancioneiro Galego. Eduardo Martínez Torner e Jesús Bal y Gay (CTB)

Cancionero Musical de Galicia. Casto Sampedro y Folgar (CCS)

Colección Feijoo. En Aires da Terra. La poesía musical de Galicia. J.L.Calle (CF)

 

 

 

INTÉRPRETES:

Mercedes Hernández: soprano

Fernando Reyes: tiorba, guitarra barroca. Dirección.

 

 


CURRICULUMS:

 

Mercedes Hernández nace en Santiago de Compostela. Estudia canto, especializándose en música antiga, no Conservatorio de Toulouse (Francia), na Musikhochschule de Trossingen (Alemania), e na Schola Cantorum Basiliensis (Basilea-Suiza) con profesores como Guillemette Laurens, Richard Levitt e Montserrat Figueras. Colabora en concertos e grabacións con destacados grupos como La Capella Reial de Catalunya, que dirixe Jordi Savall, Le Parlement de Musique, dirixido por Martin Gester, Ensemble Elyma, con Gabriel Garrido, The Harp Consort con Andrew Lawrence King, La Fenice con Jean Tubery, etc., tendo actuado en moitos dos principais auditorios e festivais de Europa e América. En canto á ópera, en 2002 debuta no Gran Teatre del Liceu de Barcelona co rol de Ninfa da ópera de Claudio Monteverdi L'Orfeo dirixida por Jordi Savall.

 

 

Fernando Reyes inicia a súa formación musical como neno cantor na Escolanía da Catedral de Santiago de Compostela. Especialízase nos instrumentos antigos de corda pulsada no Conservatorio de Toulouse (Francia) e na Staatliche Hochschule für Musik de Trossingen (Alemaña). Como instrumentista realiza unha intensa actividade de concertos e gravacións como solista ou acompañante ao longo de toda Europa. Alén diso, compuxo e dirixiu a música de diversas obras teatrais e publicou varios artigos sobre música antiga, guías musicais e libros-CD. Impartiu numerosos seminarios, cursos e conferencias en diferentes universidades e centros de ensino europeos. Con Mercedes Hernández grava Tonos de Amor dedicado ás canción para voz e guitarra de José Marín (S. XVII). Con Mercedes Hernández funda o grupo de música antiga RESONET en 1990 co que realiza numerosos concertos en prestixiosos festivais e auditorios de toda Europa, e dedica grande atención á música relacionada con Galicia e co Camiño de Santiago. Gravaron: La Grande Chanson: cancións dos peregrinos de Francia, s.XVII; Santiago!: música e peregrinacións no Renacemento; Les Pellerines: a moda da peregrinación en Francia, s.XVII; Il Pellegrino: a viaxe de Cosme III de Medici,1668; Canto de nadal ; Cantares Galegos-Rosalía de Castro, Canto de Ultreia: Codex Calixtinus-Cantos de peregrinos: Músicas para as festas de Santiago, século XII; Festa Dies, músicas para a consagración da Catedral de Santiago, 1211 e A peregrina: cantos e romances nos camiños de Santiago.