CIDADANÍA 2.0

República.com: redes sociais e loitas políticas na era da internet

Charla-Coloquio enmarcada no ciclo "Pensar Politicamente o Presente"

Ponente: Luis Álvarez Pousa

Data: 14 de decembro de 2011

Hora: 10:45 a 12:25

Pode consultar o programa completo das xornadas neste enlace

ENCONTROS CLUBES DE LECTURA EN SANTIAGO

Data: 24 de novembro de 2011

Hora: 8:45h. a 19h.

Participará alumnado de diferentes cursos

GLOBALIZACIÓN

Charla-Coloquio enmarcada no ciclo "Pensar Politicamente o Presente"

GLOBALIZACIÓN

Ponente: Jorge Álvarez

Data: 22 de novembro de 2011

Hora: 10:45h. a 12:25h.

Podes consultar neste enlace o programa completo das xornadas

25-N. CONCURSOS: AMA CON BOS TRATOS, AMA SEN CONTROLARME

A vicedirección e Club de Lectura 'Os retelladores do galiñeiro', con motivo do 25 de novembro (Día Internacional da violencia contra as mulleres) convoca dous concursos: un de relato curto e outro de fotografía. Establécense dúas categorías, unha de 1º a 3º da ESO, e PCPI, e outra con 4º da ESO, Bacharelatos e Ciclos. Haberá, se o xurado o considera oportuno, dous premios por categoría consistentes nun vale de 25€ para mercar libros e/ou material escolar nas librarías da Esrtrada.

CONCERTO DE SANTA ICÍA

Celebramos o día 22 de novembro de 2011, día de Santa Icía (patrona da música), cun concerto de ópera e zarzuela interpretado por: Liliana Dias (soprano), Pablo Nieves (barítono) e Rupert Twine (piano)

 

 

Conferencia de Xosé Neira Vilas

Mañá 10/11/2011 o escritor e académico Xosé Neira Vilas estará na Estrada para, logo de visitar o CEIP Pérez Viondi, dictar no IES Antón Losada Diéguez unha conferencia para o alumnado do centro ás 12:45 co título "Galiza en América: exilio e emigración"

Esta actividade parte da celebración do cincuentenario da publicación de Memorias dun neno labrego, libro que superou as 30 edicións e foi traducido a diferentes idiomas, e que fixo de Neira Vilas, autor prolífico e de gran variedade xenérica (narrador, poeta, tradutor, ensaísta, investigador...), o autor que máis protagonismo lle ten dado aos nenos en obras que non son consideradas o que habitualmente a crítica chama literatura infantil e xuvenil. Amais de escritor, é memoria viva da intensa actividade dos emigrantes e núcleos de exiliados en América ao longo do século XX, fenómeno que investigou e documentou abondosamente e que divulgou a través de máis dunha ducia de libros publicados nos últimos vinte anos.

 

Magosto

Data: 11 de novembro de 2011

Hora: 12:30 a 14:25

Organiza o alumnado de 4º ESO

II DÍA DA CIENCIA EN GALEGO

Videoconferencia: "Aplicacións da investigación xenética e o seu uso na práctica policial"

Ponente: Ángel Carracedo, Catedrádico de Medicina Legal.

Data: 4 de Novembro de 2011

Hora: 12:30 a 13:30

Lugar de celebración: Sala de Usos Múltiples (4º ESO, 1º e 2º Bach)

Pensar Políticamente o Presente

O departamento de Filosofía do IES Antón Losada Diéguez organiza un ciclo de charlas que teñen por obxeto reflexionar sobre os cambios políticos que veñen producíndose ao longo das últimas décadas en todo o mundo. As novas realidades sociais e políticas xurdidas da globalización e da multiculturalidade supoñen un importante desafío para as sociedades democráticas, e de aí nace a necesidade de pensar políticamente o presente.

Programa das xornadas