O alumnado de Administración e Finanzas do Leliadoura participou o pasado venres, día 21 de abril, nunha actividade do programa EduTecEmprende da Xunta de Galicia, organizado polo departamento de Administrativo. Este programa desenvólvese no marco do Plan de Emprendemento no Sistema Educativo e dentro do convenio de colaboración entre a Consellería de Cultura, Educación, Formación Profesional e Universidades con diferentes empresas e centros tecnolóxicos.
Con esta visita ao CIS TECNOLOXÍA E DESEÑO de Ferrol o alumnado viviu experiencias de aprendizaxe activa, integrando diversas áreas de coñecemento a fin de desenvolver competencias para a vida e conectarse coas dinámicas e desafíos do contexto local e global.
Así, o alumnado visitou a Materioteca de Galicia e experimentou con dispositivos de realidade virtual, realidade aumentada con dispositivos móbiles orientada a mantemento de equipos industriais e marketing, entorno inmersivo e lentes de realidade aumentada.
