O día 16 de xaneiro ás 5 da tarde dende o grupo de Igualdade do IES Leliadoura convidamos a Jorge García Marín, sociólogo, profesor sociólogo do departamento de Socioloxía e Ciencia Política na USC a impartir unha sesión formativa sobre novas masculinidades. Actualmente é secretario do centro interdisciplinar de estudos e investigacións feministas da USC.
En primeiro lugar, centrouse nas nocións básicas sobre a identidade persoal e social partindo entre a diferenciación entre sexo e xénero. As diferenzas entre o home e a muller veñen determinadas socialmente: a agresividade masculina, o mito do amor romántico, os roles... E como todos estes elementos poden ser modificables.
Desta maneira, nunha segunda parte, tratamos o termo de masculinidade. Fixo unha diferenciación entre a hexemónica (modelo tradicional) e a diverxente onde incluímos as novas masculinidades que consisten na (de)construción dun novo concepto de home. Para conseguir este obxectivo todos e todas teremos que facer fronte á desubicación na que se encontran moitos homes que cren nesta nova realidade pero que ven como se seguen repetindo comportamentos machistas. Do mesmo xeito, valorizar a ética do coidado que fai referencia á responsabilidade coas emocións, os coidados, a negociación e a empatía.
Finalmente fíxonos unha serie de recomendacións como a lectura de Nuevas Masculinidades y Feminismo de Jokin Azpiazu, Costos de la masculinidad hegemónica de Michael Kaufman e a visita das webs das asociacións igualitarias:
- Asociación de hombres por la Igualdad de Género
- Hombrecitos de madera (Jerez)
Máis información:
- Proxecto mocidade contra a violencia de xénero
- Micromachismos: La violencia invisible en la pareja
- A nova na Voz
Anexo | Tamaño |
---|---|
Curso_JCVG.pdf | 2.37 MB |
micromachismos_0.pdf | 218.49 KB |