Novas

Inicio do curso 2018/19

  • As clases comezan o 17 de setembro seguindo o horario normal do centro, entre as 8:40 e as 14:10.
  • Haberá transporte escolar, nas paradas habituais.

Matrícula para o curso 2018/19

Prazos

• Prazo ordinario: (para o alumnado que aprobe todo en xuño) do 25 DE XUÑO ao 10 DE XULLO

• Prazo extraordinario: (para o alumnado que non se matriculase en xuño) do 1 ao 10 DE SETEMBRO

Documentación

1º de ESO

  • Solicitude de matrícula
  • DNI do/a alumna e dos/as pais ou titores legais
  • Tarxeta sanitaria
  • Libro de familia
  • Permiso para usar ordenadores ABALAR
  • Permiso de imaxe de menores
  • Permiso para compartir fotos de actividades académicas

O día que veñan formalizar a matrícula faráselles unha foto, polo que non cómpre facela.

2º de ESO

  • Solicitude de matrícula
  • Permiso para usar ordenadores ABALAR
  • Permiso de imaxe de menores
  • Permiso para compartir fotos de actividades académicas

3º e 4º de ESO

  • Solicitude de matrícula
  • 1,12 € (seguro escolar)
  • Permiso de imaxe de menores
  • Permiso para compartir fotos de actividades académicas

TODOS/AS

  • En caso de separación ou divorcio dos pais: fotocopia da sentenza onde conste quen exerce a patria potestade e custodia do/a menor

Para descargar o impreso de matrícula e os de permisos prema aquí. (Ao alumnado matriculado no centro xa se lle entregou o formulario para que o complete e o entregue na secretaría nos prazos arriba indicados).

 

Alerta de nivel laranxa por refachos de vento durante o día 14 de marzo

A Axencia Estatal de Meteoroloxía (AEMET) e Meteogalicia alertan dun fenómeno meteorolóxico adverso de nivel LARANXA por refachos de vento superiores aos 100 km/h, que comezará nas primeiras horas do mércores día 14.03.2018 e prolongarase ata a tarde/noite de dito día. Este adverso afectará ás zonas de predición meteorolóxica da provincia da Coruña, provincia de Pontevedra, sur de Ourense, noroeste de Ourense, montaña de Ourense, A Mariña lucense, centro de Lugo e montaña de Lugo.

 Ante a devandita situación de risco, a Comisión Escolar de Alertas acordou o seguinte:

 - A SUSPENSIÓN DE ACTIVIDADES NO EXTERIOR nos centros educativos situados nas zonas de predición meteorolóxica afectadas, con seguimento das condicións climáticas.

Para o IES Lamas de Castelo non se toma ningunha decisión adicional.

Nota informativa

Escola de nais e pais: Adolescentes e novas tecnoloxías

O LUNS 12 DE MARZO ás 18:15 horas terá lugar no IES Lamas de Castelo unha charla sobre adolescentes e novas tecnoloxías.

Esta charla forma parte da escola de nais e pais que organiza o Departamento de Orientación do IES Lamas de Castelo e será impartida por Sergio García Vázquez (do Plan director para a mellora da convivencia e a seguridade nos centros educativos).

Folga xeral do 8 de marzo

Para o 8 de marzo está convocada unha folga de carácter xeral con ocasión da celebración do día da muller traballadora. Informamos do seguinte:

Por parte do alumnado non se comunicou a vontade de participar nesta folga.

Si hai profesorado que participará nunha das dúas modalidades: folga de todo o día e paro de 12:00 a 14:00. A atención ao alumnado está garantida.

En relación ao transporte escolar, recibimos comunicación de que se han manter como esenciais os servizos de entrada aos centros desde as 7.30 ata as 10.30 horas e os de saída desde as 13.30 ás 19.00 horas.

 

Fenómeno meteorolóxico adverso - 10 de xaneiro

A Axencia Estatal de Meteoroloxía e Meteogalicia alertan dun fenómeno meteorolóxico adverso de NIVEL LARANXA, durante o día 10 de xaneiro de 2018, a partires das 9:00 h ata as 19:00, por fortes rachas de vento, que afectarán ás zonas de predición meteorolóxica Coruña Noroeste e Mariña Lucense. Ante a devandita situación de risco, a Comisión Escolar de Alertas acordou a suspensión de actividades no exterior e extraescolares o día 10 de xaneiro de 2018 nos centros educativos situados nos concellos das zonas de predición meteorolóxica da Coruña Noroeste e Mariña Lucense.

O IES Lamas de Castelo está situado na zona de predición meteorolóxica da Coruña Oeste, que comprende os concellos de Camariñas, Cee, Dumbría, Mazaricos, Vimianzo, Carnota, Corcubión, Fisterra, Muxía e Zas, polo que NON se ve afectado por esta suspensión de actividades.

Porén, recomendamos que se estea sobre aviso por se se producen cambios nas próximas horas.

 

Actividades de fin de trimestre

As actividades lectivas rematan o xoves 21 cunha viaxe a Vigo (Casa do Mar, para ver o Pergamiño Vindel) e a Compostela (Cidade da Cultura). O alumnado recibirá as cualificacións do primeiro trimestre antes da partida. As clases retómanse o luns 8 de xaneiro.

Escola de pais: Adolescentes e novas tecnoloxías

CANCELADA!

Esta actividade foi cancelada por motivos persoais do relator.

Dentro das actividades da escola de pais, o Departamento de Orientación do IES Lamas de Castelo organiza unha charla titulada “Adolescentes e novas tecnoloxías" que terá lugar o martes 28 de novembro ás 18:15 horas na biblioteca do instituto. Esta charla será impartida por Sergio García Vázquez, do “Plan director para a mellora da convivencia e a seguridade nos centros educativos”.

Convocatoria de folga para o 16 de outubro

Tendo sido convocada unha folga por Erguer. Estudantes da Galiza para o 16 de novembro en todos os niveis educativos, o alumnado de 3º e 4º do IES Lamas de Castelo decidiu secundala. O martes 14 a dirección enviou notas informativas ás familias de todo o alumnado a través deste.

Distribuir contido