Taboleiro

Inicio do curso 2018/19

  • As clases comezan o 17 de setembro seguindo o horario normal do centro, entre as 8:40 e as 14:10.
  • Haberá transporte escolar, nas paradas habituais.

Semana Cultural

A Semana Cultural do curso 2017/18 terá lugar os días 14, 15 e 16 de maio.

Alerta de nivel laranxa por refachos de vento durante o día 14 de marzo

A Axencia Estatal de Meteoroloxía (AEMET) e Meteogalicia alertan dun fenómeno meteorolóxico adverso de nivel LARANXA por refachos de vento superiores aos 100 km/h, que comezará nas primeiras horas do mércores día 14.03.2018 e prolongarase ata a tarde/noite de dito día. Este adverso afectará ás zonas de predición meteorolóxica da provincia da Coruña, provincia de Pontevedra, sur de Ourense, noroeste de Ourense, montaña de Ourense, A Mariña lucense, centro de Lugo e montaña de Lugo.

 Ante a devandita situación de risco, a Comisión Escolar de Alertas acordou o seguinte:

 - A SUSPENSIÓN DE ACTIVIDADES NO EXTERIOR nos centros educativos situados nas zonas de predición meteorolóxica afectadas, con seguimento das condicións climáticas.

Para o IES Lamas de Castelo non se toma ningunha decisión adicional.

Nota informativa

Charla de ASPADEX

O pasado 20 de decembro, o alumnado de 3º e 4º ESO asistiron a unha charla da asociación ASPADEX.O obxectivo da mesma foi dar a coñecer as actividades que desenvolve dita entidade para mellorar a calidade de vida das persoas con discapacidade e as súas familias.

Fenómeno meteorolóxico adverso - 10 de xaneiro

A Axencia Estatal de Meteoroloxía e Meteogalicia alertan dun fenómeno meteorolóxico adverso de NIVEL LARANXA, durante o día 10 de xaneiro de 2018, a partires das 9:00 h ata as 19:00, por fortes rachas de vento, que afectarán ás zonas de predición meteorolóxica Coruña Noroeste e Mariña Lucense. Ante a devandita situación de risco, a Comisión Escolar de Alertas acordou a suspensión de actividades no exterior e extraescolares o día 10 de xaneiro de 2018 nos centros educativos situados nos concellos das zonas de predición meteorolóxica da Coruña Noroeste e Mariña Lucense.

O IES Lamas de Castelo está situado na zona de predición meteorolóxica da Coruña Oeste, que comprende os concellos de Camariñas, Cee, Dumbría, Mazaricos, Vimianzo, Carnota, Corcubión, Fisterra, Muxía e Zas, polo que NON se ve afectado por esta suspensión de actividades.

Porén, recomendamos que se estea sobre aviso por se se producen cambios nas próximas horas.

 

Actividades de fin de trimestre

As actividades lectivas rematan o xoves 21 cunha viaxe a Vigo (Casa do Mar, para ver o Pergamiño Vindel) e a Compostela (Cidade da Cultura). O alumnado recibirá as cualificacións do primeiro trimestre antes da partida. As clases retómanse o luns 8 de xaneiro.

Convocatoria de folga para o 16 de outubro

Tendo sido convocada unha folga por Erguer. Estudantes da Galiza para o 16 de novembro en todos os niveis educativos, o alumnado de 3º e 4º do IES Lamas de Castelo decidiu secundala. O martes 14 a dirección enviou notas informativas ás familias de todo o alumnado a través deste.

Inicio do curso 2017/18

  • As clases comezan o 15 de setembro seguindo o horario normal do centro, entre as 8:40 e as 14:10.

  • Haberá transporte escolar, nas paradas habituais.

  • O calendario escolar está aquí.

Listaxe de alumnado beneficiario de libros de texto do fondo solidario

Esta listaxe corresponde ás axudas reguladas na Orde de 16 de maio de 2017 (lexislación completa e anuncio). O procecemento depende do Servizo de Xestión de Programas Educativos da Subdirección Xeral de Centros (Dirección Xeral de Centros e Recursos Humanos). O instituto só tramita as solicitudes e entrega os libros segundo estas listaxes, non decide cantos lles corresponde a cada alumno/a nin elabora as listaxes.

  1. Listaxe provisional (data de publicación nesta páxina: 14 de xullo)
  2. Listaxe definitiva (data de publicación nesta páxina: 15 de setembro).

Hai que recoller os libros antes do día 28 de setembro. Ténos que recoller o/a pai/nai que os solicitou pero pódese autorizar o/a alumno/a por escrito. Pódese imprimir este modelo de autorización.

Distribuir contido