Skip to Content

 Lamas de Castelo s/n - 15293 - Carnota (A Coruña) - ies.lamas.castelo@edu.xunta.gal - 881867200

Horario: de luns a venres de 8:40 a 14:10 - luns tarde de 16:20 a 18:00 - recreo de 11:10 a 11:40




Taboleiro

Fin de curso 2014/15

O final do curso 2014/15 organízase da seguinte maneira:

  • As actividades lectivas rematan o venres 19. Ese día e o anterior realizaranse actividades especiais pero no horario habitual, que inclúen unha subida á Moa o xoves e as II Olimpiadas do Lamas de Castelo o venres.
  • As cualificacións seranlle entregadas a cada grupo o martes 23 ás 11:00 na aula de titoría; as cualificacións non recollidas serán enviadas por correo ese mesmo día. Non hai transporte escolar. O alumnado que aprobe materias para as que gozase de axuda para a adquisición dos libros de texto deberaos devolver ese día ou o seguinte, segundo a circular que se enviou hai unha semana. O proceso de devolución pode demorar, pois é a primeira vez que se realiza e non se sabe canto se ha de tardar por alumno/a.
  • O prazo de reclamacións comeza nese momento e esténdese até ás 10:00 do xoves 25. As resolucións ás reclamacións resólvense ese mesmo día.
  • Durante o mes de xuño, despois do remate das clases, o horario de secretaría será de 9h a 14h. En xullo será de 10h a 13h.

Borrador das Normas de organización e funcionamento

O IES Lamas de Castelo está redactando as normas de organización e funcionamento, un documento no que se aclaran cuestións que afectan á vida escolar, como a custodia do alumnado, o control da asistencia e da puntualidade, a convivencia, o uso das instalacións, etc. Cómpre que as familias participen neste proceso, co obxecto de que resulte un documento compartido por toda a comunidade educativa.

No documento adxunto poden ler un borrador, que será presentado ao Consello Escolar en xuño para a súa aprobación. Pode facer chegar as súas consideracións ou emendas ao correo electrónico do centro mediante o modelo de alegacion que se facilita. As familias tamén poden facer chegar as súas suxerencias a través da representante no Consello Escolar. O prazo de presentación de alegacións remata o 1 de xuño.

Días non lectivos do curso 2014/15

O venres 31 de outubro non é lectivo. Foi declarado Día do Ensino pola Consellería.

Os días non lectivos deste curso son o 3 de novembro (luns) e 4 de maio (luns). A decisión foi adoptada polo Consello Escolar o 27 de outubro.

Inicio do curso 2014/15

Entrega de notas do curso 2013/14

As notas serán entregadas o luns 8 ás 11:00 (non hai transporte escolar). Nese momento abrirase o prazo de reclamacións, que serán resoltas o mércores 10.

Recórdase que o luns 8, como moi tarde, hai que ter devoltos os libros que se prestasen durante o curso.

Inicio das actividades lectivas

A presentación será o luns 15 ás 12:00. Haberá transporte escolar. As clases comezarán no horario habitual o martes 16.

 

Materiais curriculares para o curso 2014/15

Libros de texto e materiais curriculares para 1º de ESO · 2º de ESO · 3º de ESO · 3º de ESO (PDC) · 4º de ESO

(Se estes documentos non se dan aberto no navegador, descárgaos primeiro no ordenador e ábreos cun lector de PDF).

Para este curso, como novidade, hase requirir ter unha memoria tipo USB na que poder gardar ou entregar traballos. A normativa que regula as axudas este ano introduce algunhas novidades que convén coñecer. Ademais destas axudas, o IES Lamas de Castelo prestará algúns libros de texto para determinadas materias; a información sobre estes libros darase a comezos de curso en cada materia.

Fin de curso

O final do curso 2013/14 organízase da seguinte maneira:

  • As actividades lectivas rematan o venres 20. Ese venres e o xoves anterior realizaranse actividades especiais pero no horario habitual.
    • Para algunhas materias prestáronse os libros de texto a principios de curso. Este día tenos que devolver o alumnado que xa saiba que aprobou esas materias en xuño.
  • As cualificacións seranlle entregadas a cada grupo o luns 23 ás 11:00 na aula de titoría; as cualificacións non recollidas serán enviadas por correo ese mesmo día. Non hai transporte escolar. O alumnado que aprobe as materias para as que se prestasen libros de texto deberaos devolver ese día.
  • O prazo de reclamacións comeza nese momento e esténdese até ás 10:00 do mércores 25. As resolucións ás reclamacións resólvense ese mesmo día.
  • Durante o mes de xuño, despois do remate das clases, o horario de secretaría será de 9h a 14h. En xullo será de 10h a 13h.

Probas de acceso a ciclos de grao medio

Hai información sobre as probas de acceso aos ciclos formativos de grao medio convocadas para 2014 nesta páxina.

Segunda avaliación

A segunda avaliación do curso 2013/14 realizouse o mércores 2 de abril e as cualificacións entregaranse o venres 4 ao remate das xornadas culturais que ocupan os días 2, 3 e 4 de abril.

As vacacións de primavera comezan o sábado 12 e as actividades docentes retómanse o martes 22.

Resultados da avaliación de diagnóstico - 2012/13

Esta é a guía de intervención para a mellora a partir dos resultados da avaliación de diagnóstico que se realizou en maio de 2012 co alumnado que daquela cursaba 2º de ESO. Os resultados foron publicados en decembro de 2012 e, despois dun proceso de análise, a guía foi aprobada polo Consello Escolar en xaneiro de 2013.

Distribuir contido


by Dr. Radut