Skip to Content

 Lamas de Castelo s/n - 15293 - Carnota (A Coruña) - ies.lamas.castelo@edu.xunta.gal - 881867200

Horario: de luns a venres de 8:40 a 14:10 - luns tarde de 16:20 a 18:00 - recreo de 11:10 a 11:40

Novas

Axudas para a adquisición de material escolar para o curso escolar 2015/16

Convocatoria publicada no DOG do 1 de setembro (texto completo; resumo).

Requisitos

a) Ser pai/nai/titor ou titora legal do alumnado matriculado en educación primaria, educación secundaria obrigatoria ou educación especial nun centro sostido con fondos públicos durante o curso escolar 2015/16.

b) Non estar incurso nas prohibicións para obter a condición de beneficiario recollidas no artigo 10 da Lei 9/2007, do 13 de xuño, de subvencións de Galicia.

c) Ter unha renda per cápita familiar igual ou inferior a 5.400 euros.

Lugar e prazo de presentación de solicitudes

1. As axudas serán solicitadas polos pais, nais, titores ou representantes legais do alumnado. Presentarase unha solicitude por cada alumno ou alumna matriculados, de xeito que, se un solicitante ten varios fillos ou fillas matriculados nas ensinanzas obxecto da convocatoria, xa sexa no mesmo ou en distinto centro, deberá presentar unha solicitude para cada un deles.

2. As solicitudes (anexo I) deberán presentarse en soporte papel, preferentemente no centro en que estea matriculado o alumno ou alumna, ou en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.

3. O prazo de presentación de solicitudes será até o 2 de outubro.

Materias de libre configuración do centro

No curso 2015/16 introdúcese un currículo novo en 1º de ESO. Unha das novidades é a existencia dunha materia de libre configuración do centro, que no noso caso escollemos dunha relación proposta pola Consellería de Cultura, Educación e Ordenación Universitaria. Esta materia de libre configuración do centro ten unha asignación de unha hora semanal. Con esta circular queremos explicar en que consisten as dúas materias de libre configuración que se impartirán en 1º de ESO, Investigación e Tratamento da Información e Oratoria.

Calendario de exames da convocatoria extraordinaria de setembro - Curso 2014/15

Os exames das materias pendentes realízanse na mesma hora que as materias correspondentes dos cursos superiores.

Matrícula para o curso 2015/16

Prazos

  • Ordinario (para o alumnado que aprobe todo en xuño): do 25 de xuño ao 10 de xullo.
  • Extraordinario (para o alumnado que non se matriculase en xuño): do 1 ao 10 de setembro.

Requisitos

Todo o alumnado

  1. Solicitude de matrícula (na Secretaría do instituto ou no formulario de matrícula)
    • Ao alumnado do centro entregóuselle en man xa cuberta; tamén é válida para matricularse en setembro, polo que recomendamos que a garden até entón, de ser o caso.
  2. Permiso de imaxe de menores (na Secretaría do instituto ou no formulario de matrícula)
    • Ao alumnado do centro entregóuselle en man.

    En casos de separación, copia da sentenza onde figura quen ten a custodia.

1º de ESO

  1. DNI do alumno/a e dos pais ou titores legais
  2. Tarxeta sanitaria
  3. Libro de familia
  4. Autorización para o uso dos computadores Abalar (na Secretaría do instituto ou aquí).

2 de ESO

  1. Autorización para o uso dos computadores Abalar (na Secretaría do instituto ou aquí).

3º e 4º de ESO

  1. 1,12 euros para o seguro escolar

Materiais curriculares para o curso 2015/16

Libros de texto e materiais curriculares para 1º de ESO · 2º de ESO · 3º de ESO · 4º de ESO.

Correccións

3º de ESO

  • Física e Química: Física y Química 3º ESO inicia DUAL -serie LED- Libro del alumno ISBN: 9788467398304 (un único volume)

Fin de curso 2014/15

O final do curso 2014/15 organízase da seguinte maneira:

  • As actividades lectivas rematan o venres 19. Ese día e o anterior realizaranse actividades especiais pero no horario habitual, que inclúen unha subida á Moa o xoves e as II Olimpiadas do Lamas de Castelo o venres.
  • As cualificacións seranlle entregadas a cada grupo o martes 23 ás 11:00 na aula de titoría; as cualificacións non recollidas serán enviadas por correo ese mesmo día. Non hai transporte escolar. O alumnado que aprobe materias para as que gozase de axuda para a adquisición dos libros de texto deberaos devolver ese día ou o seguinte, segundo a circular que se enviou hai unha semana. O proceso de devolución pode demorar, pois é a primeira vez que se realiza e non se sabe canto se ha de tardar por alumno/a.
  • O prazo de reclamacións comeza nese momento e esténdese até ás 10:00 do xoves 25. As resolucións ás reclamacións resólvense ese mesmo día.
  • Durante o mes de xuño, despois do remate das clases, o horario de secretaría será de 9h a 14h. En xullo será de 10h a 13h.

Libros de texto

Actualización, 7 de xullo:

 

Aquí poden atopar unha circular que pretende explicar como se regulan as axudas para a adquisición de libros de texto, que afecta ao alumnado de 1º e 3º de ESO, e o fondo solidario de libros de texto, que afecta ao alumnado de 2º e 4º de ESO. Para iso, acompañando esta circular van uns resumos feitos por nós. As ordes correspondentes foron publicadas no Diario Oficial de Galicia o 1 de xuño (aquí e aquí).

 Detalles para mirar antes de devolver os libros de texto:

  • Non quedaron dentro fichas, redaccións, fotocopias, etc.
  • Devólvense tamén os CD, se viñan con algún.
  • Non hai nada escrito con tinta e o escrito a lapis está borrado.
  • Non hai nada pegado por dentro nin for fóra.

Escola de pais - A Lei do Menor

 O luns 11 de maio ás 18:15 horas terá lugar no IES Lamas de Castelo unha charla-coloquio sobre «A Lei do Menor: Información, prevención e consecuencias de condutas infractoras nos menores».

Esta charla forma parte da escola de pais que organiza o Departamento de Orientación do IES Lamas de Castelo e que será impartida por un membro da Asociación ARELA de Vigo.

Borrador das Normas de organización e funcionamento

O IES Lamas de Castelo está redactando as normas de organización e funcionamento, un documento no que se aclaran cuestións que afectan á vida escolar, como a custodia do alumnado, o control da asistencia e da puntualidade, a convivencia, o uso das instalacións, etc. Cómpre que as familias participen neste proceso, co obxecto de que resulte un documento compartido por toda a comunidade educativa.

No documento adxunto poden ler un borrador, que será presentado ao Consello Escolar en xuño para a súa aprobación. Pode facer chegar as súas consideracións ou emendas ao correo electrónico do centro mediante o modelo de alegacion que se facilita. As familias tamén poden facer chegar as súas suxerencias a través da representante no Consello Escolar. O prazo de presentación de alegacións remata o 1 de xuño.

Días non lectivos do curso 2014/15

O venres 31 de outubro non é lectivo. Foi declarado Día do Ensino pola Consellería.

Os días non lectivos deste curso son o 3 de novembro (luns) e 4 de maio (luns). A decisión foi adoptada polo Consello Escolar o 27 de outubro.

Distribuir contido


by Dr. Radut