O 29 de outubro de 2010 asistimos ao concerto de SAKAPATÚ, no Pazo da Cultura de Pontevedra. Unha viaxe pola música andina.

 En Sudamérica hai moitas culturas diferentes (dende a Patagonia, no sur, ata o Caribe, no norte, hai moitísimas). Os Sakapatú tocan principalmente a música das súas  rexións de orixe: por un lado, a música das montañas (dos Andes) e, por outro, a música da costa (música afroperuana que,  ten moita influencia dos escravos negros que foron traídos de África). 

Fan arranxos das melodías respectando a tradición e, ao mesmo tempo, dándolles un toque de modernidade... 

Por certo,

¿sabedes que quere dicir

Sakapatú?

Nunha das cancións de estilo afroperuano

que cantan, hai unha frase que di: “Saca para

tu lado”. Se intentades dicir esta frase moitas

veces, se a decides co  acento dos afroperuanos

e se, ademais, a decides xogando (a música

sempre ten un pouco de xogo) as palabras

acabarán converténdose en puro ritmo.

Cando os nosos  músicos quixeron escoller

un nome para o grupo, non había

nada mellor que unha frase con

moito ritmo: ¡Sakapatú!