Bueno pois unha vez máis tivo lugar o noso tradicional torneo de tenis de mesa. Nesta ocasión baixo unhas fortes medidas de participación no que a protocolo COVID se refire: raquetas particulares que non se prestan, desinfección de mans antes e despois de participar, etc. Desta volta non tivemos moita participación, pero si moita calidade. Os participantes foron: Adrián Davila, Pepe Blanco, Ángel Glez., Breixo Estévez, Óscar Veiga, Diego Fdez., Sandro García e Mateo Santomé. Despois dunha primeira e segunda rondas moi desputadas, a clasificación final quedou así:    

1.      Mateo
2.      Diego
3.      Sandro
4.      Breixo

Aquí queda unha foto para que non se diga

O alumnado de 1º segue a traballar duro co floorball (variante do hóckey) e pouco a pouco a cousa vai funcionando. Aquí os tedes quentando un pouco no comezo da sesión.

O alumnado de 4º entra na fase final da unidade adicada á escalada. Despois de traballar en espaldeiras e no rocódromo baixo, agora toca aplicar todo o aprendido. Nesta primeira foto poñen os arneses e aplican o "double check" que ven sendo que cada un revisa o seu arnés pero tamén o do outro (vamos, que catro ollos ven máis que dous...)

Nesta outra podedes ver a Geovanni  descendendo despois de chegar arriba sen dificultades

Que o profe veña co teu exame corrixido é unha cousa, pero que cada quen teña que atopar o seu exame na outra punta do ximnasio e vir de volta axiña antes que os demais porque o último "paga prenda"...iso xa é outra cousa!! E se non que llo digan a estes de 1º !!

O comezo nun deporte novo non adoita ser doado. E iso é o que lles está a pasar ó alumnado de 2º co bádminton. A moit@s cústalles atinar coa raqueta nese chisme tan curioso que parece unha pelota con saia. Paciencia, nun par de días estará dominado.

Nestas semanas o alumnado máis cativo do noso centro está convidado a probar o rocódromo durante os recreos. Algúns xa se achegaron a probar. Aquí tedes a Hugo Domínguez "todo cheo" despois de tocar a campaíña que temos colgada arriba.