O alumnado de 1.º ESO participou esta mañá na recuperación da Festa dos Maios, impulsada pola asociación cultural Apelón Educación, cos centros educativos do concello. Velaquí o noso maio e as coplas lidas esta mañá no Cantón de Cora.
blogue deadmin
Suprime o control: encontro coas familias
Enviado por admin o Mar, 30/04/2019 - 12:30O IES de Mugardos vén participando ao longo deste curso no programa socioeducativo de prevención da violencia de xénero "Suprime o Control". O obxectivo do programa é ofrecerlle ao alumnado de 3º e 4º da ESO, ás súas familias, e ao profesorado, ferramentas coas que traballar pola construción de identidades igualitarias, facendo unha especial crítica ás violencias machistas na adolescencia e á súa reprodución por medio das redes sociais, os productos audiovisuais, etc.
Dentro deste programa convídase ás familias a unha charla sobre a violencia de xénero e novas tecnoloxías, na que participará o propio persoal educador do programa e a unidade especializada da Garda Civil experta na impartición de actividades educativas sobre prevención da violencia contra as mulleres e novas tecnoloxías.
A finalidade de dita charla é sensibilizar ás familias sobre a dimensión que ten o fenómeno da violencia de xénero en adolescentes e visibilizar as súas consecuencias, así como aportar coñecementos e pautas que contribúan a prestar unha maior atención a esta problemática. Así mesmo, falarase sobre o Programa Socioeducativo que se está impartindo no centro e dos resultados e experiencias obtidas ata o momento.
DATA: Mércores, 8 de maio HORA: 18:30 horas LUGAR: Salón de Actos do instituto DESTINATARIOS: Familiares do alumnado |
Actividades matemáticas
Enviado por admin o Sáb, 27/04/2019 - 22:03Como en anos anteriores o noso instituto participou na fase local da Olimpíada matemática dirixida ao alumnado de 2º. ESO. O nosos/as representantes realizaron o pasado 25 de abril as probas no IES de Canido de Ferrol.
Ademais, o pasado venres o noso centro acolleu a fase local das probas do Rebumbio matemático dirixido ao alumnado de 6º de primaria. Os representantes de dez colexios da comarca ocuparon a aula de tecnoloxía. Parabéns a todos os participantes.
Agroxardinaría e composicións florais nas Xornadas de Orientación de Ferrol
Enviado por admin o Mér, 10/04/2019 - 20:52
Esta mañá celebrouse no Auditorio de Ferrol a Xornada de Orientación Educativa e alí estivo tamén o noso alumnado e profesores do ciclo de FP Básica. Aproveitaron a oportunidade de estar xunta no maior escaparate da oferta educativa da comarca para estrear o hotel de insectos e ensinarlles a todos os visitantes a técnica do kokedama... e, como non, promocionar Agroxardinaria e composicións florais.
Excursión fin de curso a Barcelona (4.º ESO)
Enviado por admin o Mér, 10/04/2019 - 18:17Os alumnos e alumnas de 4.º ESO, acompañados das profesoras Naiara e Thais, andan esta semana por Barcelona a desfrutar da excursión de fin de curso. Boa viaxe.
Exposición Eu son imprescindible
Enviado por admin o Mér, 10/04/2019 - 17:53Ao longo destas semanas está connosco a exposición Eu son imprescindible, elaborada polo CEIP Unión Mugardesa. A través de fotografías achegadas polas familias do alumnado do colexio e citas de variadas figuras feministas, os paneis transmiten con forza que os coidados domésticos e "o agarimo non ten que ver con pertencer a un outro sexo. Os homes tamén son quen de amosar actitudes que tradionalmente sempre foron vencelladas á muller".
Matemáticas na raia
Enviado por admin o Sáb, 30/03/2019 - 14:23Este martes o departamento de Matemáticas inscribiu ao noso alumnado na convocatoria de Matemáticas na Raia. Trátase dun concurso de resolución de problemas dirixido ao alumnado de 3º de ESO e 9º ano en Portugal. A característica principal desta actividade consiste no fomento do traballo colaborativo, pois os equipos son grupos - clase completos.
Canguro matemático
Enviado por admin o Dom, 24/03/2019 - 18:28Este xoves a 26ª edición do Canguro Matemático congregou no salón de actos a máis de 90 alumnos/as. Trátase dun concurso internacional que propón aos estudantes unha proba adaptada ao seu nivel. As probas realízanse simultaneamente en máis de 60 países. A participación supera os seis millóns de estudantes en total en todo o mundo.
EduSolidariedade á mugardesa
Enviado por admin o Ven, 22/03/2019 - 22:27Explicación do proxecto | |
ONG elixida por votación do alumnado:UNICEF |
|
Resultados da votación ONG:
|
PI-DAY
Enviado por admin o Xov, 14/03/2019 - 21:32O día 14 de marzo está declarado internacionalmente como o Pi-Day ou día de Pi. Foi unha idea do físico estadounidense Larry Shaw baseada en que a data 3 de marzo escríbese no seu pais 3/14, que son as primeiras tres cifras do número Pi.
Do mesmo xeito que o ano pasado, o departamento de Matemáticas en colaboración coa Biblioteca e o ENL organizou para esta ocasión as seguintes actividades:
- II campionato de PI-memoria.
Celebrouse no recreo na aula de Matemáticas. Contou con moita participación e boa "retentiva"
(preme na imaxe para ampliar)
|
- II Concurso de PI-tuits: BASES
Circular sobre o parón 15M "Friday for future"
Enviado por admin o Mér, 13/03/2019 - 22:02Preme na imaxe ou arquivo adxunto
Xadrez no club de ciencia
Enviado por admin o Mar, 12/03/2019 - 23:51Este martes, ao mediodía, reuniuse o Club de Ciencias nunha segunda sesión dedicada ao xadrez.
A posta en práctica deste obradoiro correu a cargo da profesora Edda.
Elección da ONG de Edusolidariedade á mugardesa - 2019
Enviado por admin o Lun, 11/03/2019 - 21:44Preme na imaxe o na ligazón:
https://docs.google.com/forms/d/e/1FAIpQLSekrDT19hQEf73oYbSTq3UnOHr5frLd
PRAZO DA VOTACIÓN: ata o 15 de marzo
O curso pasado estreamos "Edusolidariedade á mugardesa I", o proxecto de solidariedade e convivencia da rapazada, profesorado e familias dos centros educativos de Mugardos.
Grazas á colaboración dos centros educativos, do Concello e das empresas foi posible organizar un evento no que recaudamos ó redor de 1600 euros que foron destinados a "Nico contra o cancro infantil". Ademáis de fomentar a boa convivencia, coñecimos as necesidades dos rapaces e rapazas con cancro e puidemos colaborar coa investigación desta enfermidade queconta con poucos apoios por ser unha enfermidade rara e pouco frecuente.
Este ano estamos cos preparativos para a segunda edición. O primeiro paso que demos foi realizar esta PACMAN-presentación para darvos a coñecer as ONGs aliadas de "Edusolidariedade á mugardesa II" que loitan contra os "monstruos" da infancia e a xuventude. Os cartos recaudados irán para a ONG escollida por maioría polos catro centros participantes:
- IES Mugardos
- CEIP Santiago Apóstolo
- CEIP Unión Mugardesa
- CPR Loyola
NOTA: A ONG escollida debe aceptar o compromiso de estar presente o día do evento e dar unha charla nos catros centros. Todas as ONGs deben cumprir o requisito de ter algunha sede en Galicia e contar con proxectos para a infancia e a xuventude. No caso de que non se acepten estas condicións, escollerase a seguinte ONG máis votada.
Seguimento da folga do 8M-2019
Enviado por admin o Sáb, 09/03/2019 - 12:56fffffffffffffff
Datos do seguimento da folga do 8 de marzo de 2019 no IES de Mugardos:
-
PERSOAL (docente, non docente e cafetaría)
Seguimento total (homes e mulleres)
39%
Seguimento feminino (só mulleres)
69,5%
Só profesoras: 83%
-
ALUMNADO (ESO, Bacharelato, FPBásica)
Seguimento total (homes e mulleres)
79%
Seguimento feminino (só alumnas)
92%
Entroido, 2019
Enviado por admin o Sáb, 02/03/2019 - 13:56
Gran xornada de entroido a vivida este venres no instituto que contou coa participación e bo comportamento de toda a comunidade. As familias do alumnado de 4.º ESO achegaron as larpeidas desta época que se venderon durante os recreos. Houbo cantidade e calidade nos disfraces, tamén do claustro docente. O departamento de Educación Física organizou unha divertida xincana de busca e orientación... e a cafetaría puxo a chocolatada final.
Viva o entroido.
Circular informativa sobre a folga de mulleres do 8 de marzo
Enviado por admin o Xov, 28/02/2019 - 23:04Reunión do club de lectura (4.º ESO)
Enviado por admin o Mar, 19/02/2019 - 19:19Este martes, como de costume entre o remate do xantar no instituto e o comezo das clases da tarde, tocou reunión do club de lectura na biblioteca. Nesta ocasión foi o club de lectura de 4.º ESO e a obra seleccionada, A metamorfose de F. Kafka. De seguro que coa profesora Begoña Allegue tiveron unha boa conversa arredor deste clásico da literatura universal.
Salón de Actos
Enviado por admin o Xov, 14/02/2019 - 23:13O salón de actos estivo esta semana moi concorrido con diferentes actividades. Entre elas salientamos as charlas do martes para 2.º ESO sobre condutas infractoras e a lei do menor; o mércores para 2.º bacharelato sobre a oferta da Universidade da Coruña; e o xoves, para 1.º ESO, sobre as consecuencias do consumo de alcohool en menores dentro do programa Apuntámonos a non beber.
Reunión das familias cos titores/as (Martes, 22 de xaneiro)
Enviado por admin o Mér, 16/01/2019 - 11:20Visita ao MC2
Enviado por admin o Sáb, 12/01/2019 - 13:32
O pasado martes, primeiro día de clase de volta das vacacións, o alumnado de 1.º e 3.º ESO realizou unha visita aos MC2: museos científicos coruñeses. Comezaron pola Casa das Ciencias cunha proxección no planetario. O segundo foi a Domus coa proxección de minidocumentais científicos e para rematar no acuario Finesterrae. Unha xornada intensa de curiosidade científica e compañerismo.
Sorteo da cesta de Nadal
Enviado por admin o Lun, 24/12/2018 - 16:47
Este é o número premiado no sorteo da ONCE do día 21 de decembro ao que corresponde a cesta de Nadal na rifa pro excursión fin de curso de 4.º ESO.
A agraciada Pilar Amenedo recolleu a cesta.
Participación en GaliciaSkills 2018
Enviado por admin o Ven, 30/11/2018 - 22:57Por primeira vez o IES de Mugardos partipou no GaliciaSkills, o V campionato galego da Formación Profesional celebrado esta semana en Silleda. O alumnado de FP Básica de Agroxardinaría e composicións florais encargouse da decoración do cocktail preparado polo IES Fragas do Eume trala entrega dos premios.
Parabéns ao alumnado e aos profesores Mario e Martín por estes dous días de intenso traballo e experiencias formativas na grande cita da Formación Profesional de Galicia.
Máis información en Á Mugardesa Arte Floral
Resultados das eleccións ao Consello Escolar - 2018
Enviado por admin o Mér, 28/11/2018 - 19:34Estes son os resultados das eleccións ao Consello Escolar celebradas este martes, 27 de novembro.
PAIS, NAIS, TITORES LEGAIS | |
Candidaturas electas | Juan Manuel López López |
Mª Beatriz Cepeda Cárdenas | |
Suplentes | Lara Cuervo Álvarez |
ALUMNADO | |
Candidaturas electas | Lara Cristobo Vilar |
Martina Romero Pérez | |
Suplentes | Uxío López Martínez |
Paola Alonso Rivera | |
Ana Cancela Varela | |
Juan Pena García | |
Andrea García García | |
Helena Castiñeira Pérez | |
Elisabeth Bejarano Bouza | |
Sabela Martínez Ferrer |
PROFESORADO | |
Candidaturas electas | Begoña Allegue Rodríguez |
Francisco Canoura Quintana | |
Begoña Gómez Díaz | |
Suplente | Mario Soto López |
Poderanse presentar reclamacións por un prazo de quince días perante o Delegado Provincial da Consellería de Educación e Ordenación Universitaria
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »