blogue deadmin

Consulta todas as lecturas avaliables dos departamentos de lingua para o curso 2014-2015 

Abrapalabra (n.º 7) - Especial familias

(Números anteriores)

Preme na imaxe para ampliar

Preme na imaxe para ampliar

INSTRUCIÓNS DE INSCRICIÓN PARA RECOÑECEMENTO MÉDICO DO PERSOAL DOCENTE.

Resumo do procedemento:

• Inscrición telemática no enlace: https://revisionmedicadocentes.xunta.es
• A aplicación xera un xustificante que deberá presentar na data concetada da primeira consulta para analíticas e recollida de mostras.
• PRAZO DE INSCRICIÓN: antes do 15 de setembro.

Exame de saúde básico:

• Historia clínico-laboral.
• Exploración xeral.
• Outras exploracións previa solicitude: revisión xinecolóxica e control prostático.
• Control biolóxico: sangue e ouriños.

Resultados e entrega dos informes mediante código de seguridade de acceso na aplicación de MUTRAGA.

Se precisara información adicional, ten a súa disposición ao persoal do servizo de prevención de riscos laborais da consellería, nos teléfonos 981.95.77.94 e 981.95.74.79.

MOITA SAÚDE.

Documental con entrevistas para a entrega do III Premio Estudo e Deporte do ano 2014.

O pasado mércores día 25 gravouse "Esa luz" interpretada por alumnos de 1º ESO B. Esta canción, xa escoitada nos actos de fin de curso, foi composta por alumnos do IES de Guitiriz a partires de versos de Diaz Castro e usando a música de "Cups", na que os vasos son o acompañamento de percusión. Noraboa a Noelia, Noa Martínez, Lidia, Marta, Miriam, Inés, Noa Canido, Sergio, Carla, Iván, Diego e Félix polo excelente resultado.

No derradeiro claustro do curso despedimos, por traslado voluntario de destino, ao profesor Xoán Carneiro. Para nós trátase dunha referencia indiscutible do IES de Mugardos no que impartiu docencia de xeografía e historia ao longo dos últimos 24 anos. Por iso, en nome de toda a comunidade educativa, queremos manifestar o noso recoñecemento e gratitude polo seu labor profesional e calidade humana.

A xeito de homenaxe reproducimos o discurso que como representante do profesorado pronunciou hai un ano no acto de celebración do 25.º aniversario do centro, e que colleitou moitos aplausos.

Códice manuscrito polo alumnado de Cultura Clásica de 4.º ESO coa dirección da profesora Olga Cabalar. O orixinal fica exposto no vestíbulo do centro.

O pasado día 18 de xuño tuvo lugar a V edición da Olimpíada Galega de Economía na Facultade de Administración de Empresas de Lugo. Participaron as alumnas de 2.º BAC: Cristina Reborido e Zoe Rivera.

Esta mañá, o campeiro da Pandoira foi escenario da Xornada de Emerxencia para todo o alumnado dos colexios e instituto de Mugardos. Participaron Policía Local, Garda Civil de Tráfico, helicótero da DGT, Axega, Protección Civil de Muxía, Bergondo e Mugardos e o GES de Mugardos.

Máis dun centenar de deportistas estudantes participaron nesta convocatoria do III Premio Estudo e Deporte. Trátase dunha iniciativa do IES de Mugardos en colaboración co Concello de Mugardos, o Concello de Ares, o Club do Mar de Mugardos, a SDC Galicia de Mugardos e a ANPA O Castro para premiaren os estudantes do centro que mellor se desenvolven nos aspectos social, deportivo e académico.
 
A grande cantidade de datos recompilados coa axuda indispensable de 25 adestradores e os seus clubs e entidades, requiriu dunha análise minuciosa. Foron precisas varias sesións de traballo para outorgar os gañadores e mencións especiais en cada unha das categorías. O Comité Avaliador quere salientar o mérito de cada un dos participantes e o compromiso das súas familias para organizarse e render nos estudos e na actividade física. Máis alá dos resultados, todos somos gañadores co voso exemplo.
 
Os recoñecidos co III Premio Estudo e Deporte-2014 nas tres categorías son os seguintes:

PRIMEIROS PREMIOS

 Unha das decisións novidosas nesta convocatoria é a concesión dun Premio Especial pola súa traxectoria académico-deportiva ao longo da ESO aos alumnos:

PREMIO ESPECIAL

Ademais outorgáronse as seguintes mencións:

MENCIÓNS

Parabéns a Verónica, Carlos, Carmen e Sergio de 1.º BAC  que veñen de acadar unha meción especial no concurso Incubadora de Sondaxes e Experimentos organizado por SGAPEIO. 

A entrega dos premios e diplomas realizarase o vindeiro 20 de xuño en Santiago. Pero ademais o seu traballo baseado nunha análise sensorial de varias clases de pans foi seleccionado para representar a Galicia na Fase Nacional deste concurso. 

Estamos moi orgullosos deste resultado. porque sabemos de todo o esforzo e dedicación investido neste proxecto no que ten moito que ver a profesora Covadondga e todo o departamento de Matemáticas.

Mención Especial:  Título: Introdución á análise sensorial. Estudo hedónico do pan no IES Mugardos Autores: Verónica González Regueiro, Carlos Rodeiro Matriz, Carmen María Sanmartín Fero, Sergio Vila Plana Titor: Covadonga Rodríguez-Moldes Rey

Foto La Voz de Galicia - Ferrol

Este é o fermoso texto de despedida que nos deixou Shawna logo de sete meses como auxiliar de convesa entre nós. 

To Galicia With Love

Grazas, Shawna, polo teu traballo e todos os sorrisos.

Poucos, pero cumpridores, os ciclistas de 1.º e 2.º ESO realizaron esta mañá a tradicional marcha ciclista organizada polo Concello de Mugardos para todos os centros educativos do municipio. Velaquí antes de emprenderen o percorrido ata Chanteiro.

Gravacións:

• "Negra sombra" por Noelia Calvo ao saxo.
• "La bella Lola" por María, Nuria, Adriana, Raquel, Lupa, Sergio, Jorge, Juan e Pablo (Grupo de Frautas de 3.º ESO).
• "Romeo e Xulieta" BS por Javier Maceiras e Iria Regueiro.
• "O derradeiro mohicano" BS por María, Nuria, Adriana, Raquel, Lupa, Sergio, Jorge, Juan e Pablo (Grupo de Frautas de 3.º ESO).
• "And I'm telling you..." por Javier Maceiras

Ligazón ao álbum sonoro
Festival das Letras

O Xefe da Policía Local de Mugardos impartiu ao longo desta semana varias charlas de seguridade vial dirixidas ao alumnando da ESO. O principal asunto desta actividade centrouse na importancia do uso do cinto de seguridade e no casco.

Imaxes na Galería

Gravacións:

• "Negra sombra" por Noelia Calvo ao saxo.
• "La bella Lola" por María, Nuria, Adriana, Raquel, Lupa, Sergio, Jorge, Juan e Pablo (Grupo de Frautas de 3.º ESO).
• "Romeo e Xulieta" BS por Javier Maceiras e Iria Regueiro.
• "O derradeiro mohicano" BS por María, Nuria, Adriana, Raquel, Lupa, Sergio, Jorge, Juan e Pablo (Grupo de Frautas de 3.º ESO).
• "And I'm telling you..." por Javier Maceiras

Ligazón ao álbum Festival das Letras

Orgullosos de Iria Regueiro Cruz (2.º BAC.) pola súa gran actuación e levar o nome do instituto ata o segundo posto na edición deste ano do Canta Ferrol. Parabéns!!!

A Facultade de Matemáticas da USC seleccionou estes dous vídeos de alumnas do noso centro para participar no concurso Explícoche Matemáticas 2.0.  O mellor xeito de valorar o traballo é cun "Gústame" en Youtube.

A elipse de LAURA e SILVIA (2.º BAC)

A catenaria de BEA e CRISTINA (2.º BAC)

Galería de imaxes

Satisfeitos coa nosa participación na segunda edición dos premios Emprende Xove convocados pola Asociación de Jóvenes Empresarios de Ferrolterra. Os equipos de 3.º ESO e 1.º BAC realizaron moi bos proxectos de creación de empresa para o que tiveron que concebir unha idea, desenvolver un proxecto de negocio, valorar alternativas de investimento e defendelo perante un tribunal de expertos.

O club de lectura "A boca do lobo" realizou este xoves, 27 de marzo, a súa visita anual a unha localidade galega para mercar libros. Nesta ocasión a elixida foi a boa vila de Pontevedra cadrando coa celebración do Salón do Libro Infantil e Xuvenil. Alí recibiunos a mascota Orbil e percorremos as instalacións. Logo tivemos a oportunidade de realizar o roteiro guiado pola cidade vella e co noso guía Roberto descubrir as pegadas do burgo medieval. Despois das compra na Libraría Paz e Cronopios e do xantar, aínda tivemos tempo para ver varias salas do Museo Provincial.

Imaxes na Galería

Seguimento da folga no IES de Mugardos:

98% en Bacharelato; 100% en 4.º ESO e 78% en 3.º ESO.

Circular