Novas

IV DÍA DA CIENCIA E A TECNOLOXÍA EN GALEGO

Enviado por admin o Mér, 20/11/2013 - 13:45

Novas



O 4 de novembro celébrase o IV Día da Ciencia e a Tecnoloxía en Galego adicado este ano á relación arte-ciencia e nomeadamente ás figuras de Isaac Díaz Pardo, R. Buckminster Fuller e Florence Nightingale. As cúpulas construídas en 1º, 2º e 4º de ESO puideron verse na entrada do centro durante toda a semana.

Desde o IES de Brión querémosvos propor unha serie de actividades coas que poderedes descubrir algo novo desta interesante relación.
Fuller, precursor do desenvolvemento sostible		Actividade proposta polo Departamento de Tecnoloxía, orientada ao alumnado de 4º ESO.
Fuller e as primeiras vivendas bioclimáticas		Actividade proposta polo Departamento de Tecnoloxía, orientada ao alumnado de 4º ESO.
Sargadelos, historia dun proxecto industrial en Galicia		Actividade proposta polo Departamento de Tecnoloxía, orientada ao alumnado de Tecnoloxía Industrial I
As cúpulas de refugallo		Actividade proposta polo Departamento de Tecnoloxía, orientada ao alumnado de 2º ESO
Constrúe a túa propia cúpula xeodésica		Actividade proposta polo Departamento de Debuxo, orientada ao alumnado de 1º ESO.
A orixe das formas. Seminario Sargadelos		Actividade proposta polo Departamento de Debuxo, orientada ao alumnado de 4º ESO.
Correspondencia matemática		Actividade proposta polo Departamento de Debuxo, orientada ao alumnado de Bacharelato.
Cadeiras		Actividade proposta polo Departamento de Debuxo, orientada ao alumnado de 4º ESO.
Isaac Díaz Pardo, Buckminster Fuller e Florence Nightingale		Actividade proposta polo departamento de Tecnoloxía, para alumnado de 4º de Informática consistente na elaboración dun programa de radio en emBrión.
Videoconferencia con Jorge Mira		Actividade proposta polos departamentos de Física e Matemáticas para o alumnado de 3º de ESO, 4º de ESO e 1º de Bacharelato de Física e Química.

VIDEOCONFERENCIA DE JORGE MIRA

Enviado por Anónimo o Lun, 11/11/2013 - 14:40

Novas

Start: 12/11/2013 12:30

End: 12/11/2013 13:30

Os departamentos de Física e Química e Matemáticas organizan para o alumnado de 3º de ESO, 4º de ESO e 2º de Bacharelato de Física e Química a Videoconferencia con Jorge Mira Pérez, programada pola Coordinadora Galega de Equipos de Normalización e Dinamización Lingüística co gallo da celebración do IV Día da Ciencia e a Tecnoloxía en Galego.

A videoconferencia leva por título: "Como medir tamaños e distancias da Terra, a Lúa e o Sol".

Jorge Mira é Doutor en Física e Catedrático da Área de Electromagnetismo do Departamento de Física Aplicada da Universidade de Santiago de Compostela e divulgador científico en diversos medios de comunicación (TVG, Radio Galega, La Voz de Galicia).

Calendario

CALENDARIO DE SETEMBRO

Enviado por admin o Lun, 15/07/2013 - 15:53

Novas

Exames de setembro: días 2, 3 e 4 [+ info]

Entrega de notas: día 6 ás 11:00 h.

Reclamacións: día 6 de 11:00 h. a 13:00 h. e día 9 de 10:00 h. a 13:00 h.

Último día de matrícula: día 10 [+ info]

Presentación do alumnado de 1º ESO e 2º ESO: día 16 ás 12:00 h.

Presentación do alumnado de 3º ESO, 4º ESO e bacharelato: día 17 ás 10:00 h.

PREMIO EXTRAORDINARIO DE BACHARELATO

Enviado por admin o Mér, 10/07/2013 - 01:21

Novas

A alumna Ana Souto Villanustre ven de obter o Premio Extraordinario de Bacharelato

convocado pola Consellería de Cultura, Educación e O. U.

Parabéns, Ana, por este novo éxito.

AXUDAS LIBROS DE TEXTO

Enviado por Anónimo o Xov, 20/06/2013 - 18:40

Novas

Axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, en educación secundaria obrigatoria ou en educación especial, en centros sostidos con fondos públicos da Comunidade Autónoma de Galicia, no curso escolar 2013/2014.

Prema na imaxe para acceder á información da convocatoria:

CONCURSO DE ADXUDICACIÓN DA CAFETERÍA

Enviado por admin o Xov, 20/06/2013 - 12:10

Novas

Aberto o prazo para o concurso de adxudicación da cafetería deste IES de Brión, de dez días naturais a partir do 21 de xuño dos correntes.

As persoas interesadas neste concurso poden recoller as bases na secretaría deste centro en horario de 9 a 14 horas.

Os solicitantes entregarán en prazo as súas propostas no mesmo lugar no que recollen as bases.

THE STORY UNFOLDS

Enviado por admin o Mar, 11/06/2013 - 20:33

Novas

O alumnado de 1º ESO presentou aos compañeiros de 1º de primaria do CEIP de Pedrouzos uns contos en inglés acompañados dunhas ilustracións realizadas por eles mesmos.

Este traballo interdisciplinar promovido polos departamentos de Inglés e Debuxo vense desenvolvendo dende hai un mes e preséntase agora en dúas sesións ( 11 e 14 de xuño) ante un público excepcional que xa nesta primeira volta apreciou e agradeceu cos seus aplausos o esforzo do noso alumnado.

As historias contadas son:

SHARING A SHELL de JULIA DONALDSON

THE OWL AND THE PUSSYCAT de EDWARD LEAR

THE SNAIL AND THE WHALE de JULIA DONALDSON

THE SEALS de SHARRI MCGARRY

Pedagoxía ‘non curricular’ que achega a Brión o teatro de Bolaño

Enviado por Anónimo o Sáb, 01/06/2013 - 18:55

Novas

Unha ducia de alumnos do instituto, dirixidos polo grupo Os Quinquilláns, porán en escea, hoxe venres 31 de maio, ‘sketches’ de tres obras do dramaturgo no centro social polivalente.

http://www.elcorreogallego.es/terras-de-santiago/ecg/pedagoxia-non-curricular-achega-brion-teatro-bolano/idEdicion-2013-06-01/idNoticia-809546/

ACTO DE REMATE DE CURSO DO ALUMNADO DE 2º DE BACHARELATO

Enviado por Anónimo o Mér, 29/05/2013 - 23:45

O vindeiro xoves 30 de Maio, ás 20:00 horas terá lugar no IES de Brión un acto de remate de curso do alumnado de 2º de Bacharelato. Convídase a comunidade educativa do IES de Brión a despedir á promoción que remata esta etapa de ensino.

DESEÑO E CONSTRUCIÓN DUNHA COCIÑA SOLAR

Enviado por admin o Mér, 29/05/2013 - 09:38

Novas

Por cuarto ano consecutivo o alumnado de Tecnoloxía Industrial I e Debuxo Técnico I desenvolveu un proxecto interdisciplinar, que desta volta xirou arredor do deseño e construción dunha cociña solar.

A proposta toma como punto de partida o proxecto desenvolvido no curso 2009/10 no que tamén se traballou no deseño e construción dunha cociña solar parabólica.

O actual proxecto parte da premisa de optimizar diferentes aspectos no seu deseño e construción, e aporta como principal novidade a incorporación dun reflector parabólico tipo Fresnel.

Podes atopar máis información no blog do proxecto.




O día 5 de xuño, coincidindo coa celebración do Día Mundial do Medio Ambiente, fixemos café e chocolate.

IES DE BRION

Centro

Secretaría

Iniciar sesión