Novas
NACE RADIO emBRIÓN
Enviado por admin o Lun, 25/02/2013 - 23:30
Este curso estamos a por en marcha un proxecto de radio escolar co obxectivo de dinamizar e mellorar a convivencia no IES de Brión, un proxecto que bautizamos co nome de RADIO emBRIÓN, insertado dentro da programación da materia de Proxecto Interdisciplinar en 1º de ESO pero tamén aberto a todos os alumnos que queiran participar. A día de hoxe xa fixemos varios programas que están colgados na páxina do IES e outros que están en proceso. Tamén temos un programa de futbol, tertulias, cine, divulgación, cociña, informativos... todo o que se poida facer dende unha radio escolar. Pouco a pouco verán a luz. Queremos que os alumnos sexan os protagonistas, fomentar a súa responsabilidade como " xornalistas ", motivar o seu interese pola comunicación oral e escrita e facilitar un medio de comunicación para a comunidade educativa de Brión. Tamén temos un blog onde podedes participar cas vosas opinións,críticas,suxestións... e así facer que este proxecto mellore día a día.
Accede á nova sobre o tema publicada por "El Correo Gallego" na súa edición dixital. |
CONFERENCIA: LOITA CONTRA A MAREA NEGRA
Enviado por Anónimo o Ven, 14/12/2012 - 15:05
O vindeiro Mércores 19 de decembro terá lugar unha conferencia de Emilio Louro, secretario da Confraría de Lira, para o alumnado de 4º de ESO e 1º de Bacharelato ás 10:25 na aula de usos múltiples sobre a Loita contra a Marea Negra.
|
|
Logo de compartir xenerosamente con nós experiencias e coñecementos, e sobre todo logo dunha importante lección de dignidade, Emilio Louro recomendou o visionado do documental "Historias del chapapote"; así que decidimos insertalo aquí para maior comodidade.
|
Historias del Chapapote (DOC/35'/ES/PAL 4:3) from elegantmob on Vimeo.
OPINIÓN SOBRE BECAS ERASMUS
Enviado por Anónimo o Lun, 10/12/2012 - 22:51O xornal El País publicou recentemente na sección " Cartas al director" a opinión da alumna de 2º de Bacharelato Ana Souto Villanustre sobre o recorte das Becas Erasmus. Preme na imaxe para acceder á carta.
COMEZO DO CURSO. PRESENTACIÓNS
Enviado por admin o Mar, 04/09/2012 - 13:32As presentacións do alumnado terán lugar:
- o 17 de setembro ás 12:00 h para o alumnado de 1º e 2º de ESO
- o 18 de setembro ás 11:00 h para o alumnado de 3º e 4º de ESO e bacharelato.
Haberá transporte escolar adaptado ao horario das presentacións.
O día 19 ás 08:25 darán comezo para todo o alumnado as sesións lectivas ordinarias.
AUTOPÍAS 4
Enviado por Anónimo o Lun, 18/06/2012 - 16:49CONVOCATORIA DE CAMPUS CIENTÍFICO VERÁN 2012
Enviado por Anónimo o Mar, 08/05/2012 - 12:37
A FECYT (Fundación Española para a Ciencia e a Tecnoloxía) e o Ministerio de Educación, coa colaboración de 16 Campus de Excelencia Internacional e Rexional e o apoio da Obra Social “la Caixa”, poñen en marcha a 3ª edición do programa Campus Científico de Verán, dirixidos a estudantes de 4º de ESO e 1º de Bacharelato do 1 ao 28 de xulio do 2012. Os beneficiarios dunha praza nos Campus Científicos de Verán 2012 poderán disfrutar de 7 días de contacto coa investigación científica a través da súa participación activa en proxectos de achegamento científico especialmente deseñados por profesores de Universidade e de Ensino Secundario e en diversas actividades de ocio científico- cultural (conferencias, visitas a museos e centros de ciencia, deporte e excursións a lugares de interese).
A presentación de solicitudes permanecerá aberta ata o día 16 de maio de 2012 ás 14:00 horas.
Na seguinte páxina web: http://www.campuscientificos.es poderán encontrar más información cos detalles do programa.
AVALIACIÓN DE PENDENTES
Enviado por Anónimo o Ven, 27/04/2012 - 11:53MATERIA | DATA | HORA | NIVEIS | AULA |
BIOLOXÍA E XEOLOXÍA |
10/05/12 14/05/12 |
12:25/13:15 11:15/12:05 |
2º E 3º ESO 1º ESO |
Laboratorio Usos múltiples |
LINGUA ESPAÑOLA |
2/05/12 |
10:05/11:15 |
TODOS |
Usos multiples |
LINGUA GALEGA | 14/05/12 | 12:25/13:15 | TODOS |
Usos multiples |
TECNOLOXÍAS | 09/05/12 | 9:15/10:05 |
TODOS | Aula de Tecnoloxía |
CIENCIAS SOCIAIS | 15/05/12 | 9:15/10:05 | TODOS | Usos multiples |
LINGUA INGLESA | 15/05/12 | 11:15/12:05 | TODOS ESO | Sala de exposicións |
FÍSICA E QUÍMICA | 11/05/12 | 11:15/12:05 | 3º ESO | Usos múltiples |
St. Patrick's Day Session
Enviado por admin o Mar, 27/03/2012 - 09:30O venres 16 de marzo, coincidindo coa festividade de San Patricio, un grupo de alumnos de inglés de 2º Bach e 4º ESO presentaron música tradicional irlandesa en directo nunha actuación improvisada na entrada do IES de Brión.
CON A DE ASTRÓNOMAS
Enviado por Anónimo o Mér, 07/03/2012 - 23:55
No I.E.S. de Brión acollemos a exposición con A de Astrónomas en conmemoración do Día Internacional da muller traballadora, 8 de marzo. A exposición presenta un percorrido polo papel da muller na Astronomía, a través dunha serie de paneis nos que se tratan os principais fitos da Astronomía e Astrofísica, onde o papel da muller foi fundamental desde a antigüidade ata os nosos días. Con A de astrónomas, é froito do traballo de 9 mulleres de distintos centros de investigación, atopándose entre elas Josefina Ling, profesora da área de Astronomía e Astrofísica da Facultade de Matemáticas da Universidade de Santiago de Compostela, que exerce ademais como comisaria da exposición xunto a investigadora de historia da Ciencia Eulalia Pérez Sedeño. Os diferentes paneis que conforman a exposición estarán ubicados no 1º andar do centro dende o 7 ata o 16 de Marzo, grazas á colaboración do Concello de Brión. Josefina Ling, impartirá unha charla o vindeiro venres 16 de marzo ás 9:15 na aula de usos múltiples do instituto baixo o título Con A de Astrónomas, para o alumnado de 4º, de Física e Química, 1º de Bacharelato e 2º de Bacharelato de Física. Para consultar información sobre a exposición, preme no seguinte ligazón: "Con A de Astrónomas" |
Imprescindible Juan Mata no congreso Familias lectoras
Enviado por Anónimo o Xov, 09/02/2012 - 23:48
Os días 21 e 22 de xaneiro, celebrouse en Granada o congreso Familias lectoras en red, organizado pola Consejería de Educación da Junta de Andalucía, en colaboración co Ministerio de Educación. Ao congreso asistiron fundamentalmente familias (pais, nais, avós lectores, nenas e nenos), e tamén profesorado procedente dos distintos recunchos de Andalucía.
A conferencia inaugural correu a cargo de Juan Mata, profesor da Universidade de Granada e unha referencia fundamental no ámbito da formación lectora e do fomento da lectura. A súa intervención é imprescindible para abordar cuestións de lectura e familia no centro escolar, para re-pensar a importancia da formación dos lectores. Recoméndase o seu visionado (a conferencia iníciase no minuto 3,30).
- « primeira
- ‹ anterior
- …
- 25
- 26
- 27
- 28
- 29
- 30
- 31
- 32
- 33
- seguinte ›
- última »