O pasado 10 de xaneiro, tivo lugar ás 13 horas un coloquio debate na Biblioteca do IES as Fontiñas, sobre o libro de Arantza Portabales, Beleza Vermella.
O Grupo BABEL, despois da lectura da obra, compartiron impresións e fixeron unha análise de diferentes aspectos presentes na obra da santiaguesa.
Salientaron a boa construción da intriga que guía ao lector a un desenlace sorprendente.
Tamén aborda moitos temas de actualidade: a imaxe das mulleres do relato, as enfermidades mentais e as dificultosas relacións humanas.
Para a próxima cita do Grupo de Lectura BABEL, teremos o honor de contar con outra escritora santiaguesa que traballa no noso centro: Patricia Alonso Janeiro, que acaba de publicar a novela, Rueiro da Cidade Escura.
