Se me matriculo en liña e non valido a matrícula na secretaría da EOI, que pasa?

Cando remata o prazo de validacións, as prazas que non están validadas elimínanse e ofrécense á quenda seguinte.

Se me matriculo dun curso ao que non teño dereito a asistir porque non teño ese acceso directo, que pasa?

Debe consultar a información, concretamente as dos accesos directos na páxina da escola. Se se matricula nun curso incorrecto perderá a matrícula porque non se poderá validar.

Que fago se ao marcar a cantidade que me corresponde pagar me equivoco?

Debe pagar a cantidade que realmente lle corresponda e avisar na secretaría da escola no momento de validar a matrícula.

Se se me pasa a miña quenda de matrícula, que pasa?

Non poderá matricularse nas seguintes quendas. Só ao final de todo o proceso, se quedan prazas libres terá unha opción a matricularse.

Xa fixen estudos noutra escola oficial de idiomas. Son alumnado novo ou antigo?

• É alumnado antigo a efectos de pagamento de taxas.
• É alumnado novo a efectos de preinscrición e de documentación. 

Estou matriculado nun idioma e quero matricularme noutro. Son alumnado novo ou antigo?

• É alumnado antigo a efectos de pagamento de taxas e de documentación.
• É alumnado novo a efectos de preinscrición.

Canto custa a matrícula de cada curso na EOI?

• A matrícula é anual e os prezos establécense cada ano nunha circular de matrícula enviada ao centro pola Consellería de Educación. Estes prezos son revisados pola Facenda galega anualmente.
• A exención de taxas tamén vén especificada na circular anterior.
• Devolución de taxas: só se ten dereito a devolución de taxas cando a EOI non preste o servizo que vostede pagou (cambios de horarios por parte da EOI ou anulación dun curso por falta de alumnado, etc.).

Podo fraccionar o pagamento da miña matrícula?

Si, en dous prazos: o primeiro no momento da matrícula e o segundo en xaneiro até o 31.
Se se matricula nun curso cuadrimestral non pode fraccionar o pagamento da súa matrícula.

Teño dereito a solicitar unha bolsa de estudos?

Si. Máis información na páxina web do MEC.

Hai límite de convocatorias nas probas libres?

Non.