O 15 de maio conmemoramos na escola o día da familia. Baseándonos no libro " El hilo invisible", os nenos fixeron estas fermosas manualidades para os seus seres queridos.
O pasado venres 10 de maio, participamos, no estadio A Magdalena, na XIV Carreira das Letras Galegas.A actividade foi organizada polo Concello de Vilalba para todos os colexios da nosa localidade.
Pasamos unha boa mañá chea de convivencia, diversión e deporte.
Onte, todo o cole saímos de excursión a visitar a lagoa de Cospeito. Cando chegamos, o alcalde explicounos as principais características da contorna mentres que observabamos a fermosa paisaxe. A continuación, demos un paseo, merendamos e para finalizar a xornada, a profe Merce contounos a lenda da lagoa.Foi un día xenial!
Unha vez rematado o prazo de presentación de solicitudes de admisión,para o vindeiro curso escolar 24-25, informamos que todo o alumnado que solicitou praza neste centro foi admitido.
A listaxe de admitidos e admitidaspode consultarse no taboleiro de anuncios, situado no interior do edificio escolar.
Lembramos que, do 20ao 30 de xuño,as familias deberán pasar polo centro para a formalización de matrícula.
Hoxe tivemos o pracer de ter connosco á autora do libro "Aurora condutora e Dragoncín cantarín"; un conto inclusivo que anima aos nenos a non renderse e loitar polos seus soños. A actividade rematou cunha canción que todos cantamos e bailamos. Grazas Susana por facérnolo pasar tan ben.
Onte desfrutamos dunha xornada na biblioteca municipal de Vilalba.Primeiro,Atenea, a bibliotecaria, explicounos o funcionamento da biblio e o empréstito.Despois, unha moura que vive na charca do Alligal contounos a historia dunha cabra que foi curada das súas enfermidades grazas ás propiedades curativas e ao poder milagroso das augas da charca.