EEI DE VILALB

2º CICLO DE INFANTIL (3-6 ANOS)

 

                                                                                                                                   

 

 

DÍA DA MULLER

Hoxe, 8 de marzo, conmemórase o Día da Muller. Na nosa escola, hoxe e sempre, queremos transmitir unha igualdade real entre nenos e nenas, homes e mulleres.

Isto é o que pretendemos no noso día a día nas aulas, pero tamén nas actividades máis específicas de Igualdade.

O lema de este ano é: "Mulleres soñadoras, libres, agarimosas, sensibles e loitadoras".

 

 

 

 

 

 

 

 

 

 

 

 

 

 

 

 

Visita á Residencia de Maiores de Vilalba

As nenas e nenos de 5º e 6º de Educación Infantil fixeron unha visita aos usuarios da Residencia de Maiores de Vilalba, onde representaron diferentes cancións e bailes.

Queremos agradecer ao persoal da Residencia e aos seus usuarios e usuarias polo trato recibido. Foi unha experiencia moi significativa para o noso alumnado.

Aquí vos deixamos un pequeno resumo!

ENTROIDO 2023

Como ben sabedes, o noso PDI de este curso é "Os nosos maiores" así que, este entroido non podíamos disfrazarnos de outra cousa que non fora de "velliños" e "velliñas".

O venres de Entroido participamos xunto cos demais colexios da vila, nun desfile e posterior baile e merenda organizado polo Concello de Vilalba.

Pasámolo xenial!!

Bo Entroido a todos e a todas.

ENTROIDO 2023

Atentos e atentas estivemos ás ordes do Meco... 

 

ADMISIÓN ALUMNADO CURSO 23-24


 

NORMATIVA 

O proceso de admisión está regulado na seguinte normativa:

  • Decreto 13/2022, do 3 de febreiro, polo que se regula a admisión de alumnado e a Orde do 21 de outubro de 2022.

 

PRAZAS OFERTADAS POLO NOSO CENTRO

  • 4º Infantil (3 anos): 50 prazas (6 para alumnado con NEAE).

  • 5º Infantil (4 anos): 10 prazas.

  • 6º Infantil (5 anos): 20 prazas.

 

PRESENTACIÓN DE SOLICITUDES

  • Do 1 ao 20 de marzo.

 

DOCUMENTACIÓN NECESARIA

  • Solicitude de admisión (modelo 550B) en impreso que facilita o centro ou a través da aplicación "admisiónalumnado": https://www.edu.xunta.es/admisionalumnado/

  • Fotocopia do Libro de Familia da folla do alumno/a.

  • Fotocopia Tarxeta Sanitaria.

  • Certificado médico. 
  • Fotocopia do DNI da nai e pai ou titor/a legal.

  • Fotocopia do DNI do alumno/a, en caso de telo.

  • Certificado de convivencia expedido polo Concello e que acredite o domicilio dos membros da unidade familiar.

  • 2 fotografías tamaño carné.

  • Permiso para actividades complemetarias e extraescolares.

  • Cuestionario sobre a lingua materna.

  • Opción sobre o ensino de relixión.

  • Autorización uso da imaxe.

 

CALENDARIO PROCESO DE ADMISIÓN 

  • Presentación de solicitudes de admisión: do 1 ao 20 de marzo.

  • Publicación das listaxes provisionais de admitidos e non admitidos: 25 de abril.

  • Publicación das listaxes definitivas : 15 de maio.

  • Formalización de matrícula: do 20 ao 30 de xuño.

 

IMPORTANTE

  • Cada alumno/a só poderá presentar unha única solicitude no centro educativo no que solicite praza en primeiro lugar. 

  • O alumnado que xa está escolarizado no centro, se presenta solicitude de admisión noutro distinto deberá comunicalo, ao mesmo tempo, o centro de orixe.

  • No caso de que exista máis demanda que oferta de prazas, será necesario presentar posteriormente a documentación xustificativa dos criterios alegados para o baremo.

 

 

 

DÍA DE ROSALÍA DE CASTRO

Co motivo do Día de Rosalía de Castro "plantamos", en colaboración co Instituto de Estudos Chairegos e o Centro Ocupacional de Vilalba, os pensamentos que o noso alumnado preparou nas súas clases.

Estes pensamentos serán colocados no Parque de Rosalía de Castro de Vilalba, o día 23 de febreiro.

Grazas por organizar actividades tan fermosas xunto cos centros educativos da vila.

 

DÍA DA PAZ

O día 30 de xaneiro conmemoramos o Día Escolar da non Violencia e da Paz. 

Días previos preparamos o noso mural, tendo como lema "Unha ollada pola paz".

O propio día, todas e todos cantamos e bailamos unhas cancións ao son das nosas pandeiretas, preparadas polo propio alumnado.

Finalmente, soltamos as nosas pombas para facer chegar o noso desexo de Paz ao mundo enteiro.

 

BO NADAL

Ata aquí chegou o primeiro trimestre e que mellor maneira de rematalo que de festa!!

Tivemos a visita dos Reis Magos, unha merenda especial e festa, moita festa!!

Desde a EEI de Vilalba agardamos que pasedes bo Nadal e desexamos a toda a comunidade educativa un bo 2023.

 

 

MURAL NADAL

Aquí vos mostramos o resultado final do noso tradicional mural de Nadal cos adornos realizados polo noso alumnado e as súas familias.

Moitísimas grazas pola vosa colaboración. 

DÍA DA DISCAPACIDADE

O día 1 de decembro conmemoramos o día da Discapacidade cos compañeiros e compañeiras de Educación Infantil do CEIP Antonio Insua Bermúdez.

 

En diferentes xogos puxémonos na pel daquelas persoas que teñen diversidade funcional.

 

Grazas ao profesorado do CEIP Antonio Insua Bermúdez por ter preparada unha xornada tan especial.

 

Distribuir contido