AXUDAS PARA LIBROS DE TEXTO
Convocadas axudas para libros de texto. Podedes atopar información e impreso para cubrir descargando os arquivos adxuntos.
LETRAS GALEGAS EN EI
Para conmemorar o día das Letras Galegas, fixemos un marcapáxinas de Francisco Fernández del Riego. Mirade que bonito nos quedou e que ben escribimos o seu nome!!
EXCURSIÓN A VILABADE
O alumnado de 3 anos fixemos esta saída, dentro do programa Vexo Veo Xacobeo. Fixemos un trociño do Camiño de Santiago dende a Capela do Carme de Vilabade ata o pobo de Vilabade. E alí, xunto a Capela tiñamos unha sorpresa agardándonos... Mirade, mirade!!
DÍA MUNDIAL DO XOGO
Co gallo do Día Mundial do Xogo que cae a vindeira fin de semana, a biblioteca organizou, coa colaboración activa do departamento de francés, unha área de xogos de enxeño. Ademais de darlle moito que pensar ás alumnas e aos alumnos, como están feitos de madeira, sen plástico, nin pilas, seguimos na nosa liña dos ODS respectando o medio ambiente e favorecendo o traballo colaborativo.
Antes de xogar, o alumnado de francés de 3° ESO redactou, en francés, as pautas para poder xogar e resolver cada desafío.
Ademais, nas fiestras da biblioteca, podemos ler, tamén en francés, frases útiles para comunicar cos compañeiros xogando.
O alumnado de 4° ESO de francés tivo onte o privilexio de inaugurar as quendas de xogo puntuando o seu discurso con moitos adverbios!
A verdade, é que non é tan doado como semella, algúns xogos quedaron sen resolver!
A actividade está aberta para todos os usuarios da nosa biblioteca.
Esperamos a vosa visita.
ACTIVIDADES DAS LETRAS GALEGAS EN ESO
O alumnado de 1° ESO elaborou cartaces con información sobre a súa vida ,obra,premios recibidos...Os traballos están expostos nun dos taboleiros do corredor de secundaria.
O alumnado de segundo ideou unha ruleta de palabras relacionada cos autores e autoras aos que se lles adicou o Día das Letras Galegas. Palabras sobre os seus nomes,apelidos,lugar de nacemento, obras literarias...
O alumnado de 3° e 4° de ESO participou nunha tertulia literaria celebrada o luns,día 15, no horario de tarde no Salón de Actos.
A tertulia titulouse: " A cultura popular galega na literatura. Tipos populares galegos" . Os textos seleccionados eran lendas sobre os mouros, mouras,covas e tesouros; contos populares sobre o demo,diaño,trasno ou trasgo,os lobos e os lobishomes e tamén poemas e outros textos sobre a gaita e o gaiteiro.
Foi unha actividade moi enriquecedora porque @s participantes contaron contos e historias escoitadas aos seus maiores con estes personaxes da nosa literatura popular.