Seguimos de viaxe pola India e aproveitando que temos no cole a Ritu, invitámola a que viñera á nosa aula a contarnos cousas do seu inmenso país. E comezamos sabendo como se escriben o nosos nomes na súa lingua materna. Se premedes no video, podedes velo. Foi moi moi interesante a súa visita. Pero aínda hai máis, que vos ensinaremos máis adiante. ....

A semana pasada tivemos outra sesión de lectura en familia. Nesta ocasión veu a familia de Rosalía a ler o conto de LEOTOLDA, e tivemos que ler o conto case ás escuras, por que tiña sorpresas agochadas. Encantounos!!!

Usamos este libro co alumnado de 6º de EI para traballar sobre os animais salvaxes. En concreto tratáronses estes puntos:

- Léxico dos animais e adxectivos.

- Estruturas: She/ He was too... They sent me a... Back...

- Reflexión sobre a non conveniencia de traer animais á casa guiados polo que nos poidan gustar, sobre o respeto e coidado dos seres vivos en xeral, etc.

E como colofón, cada alumno leva un día o libro "Dear Zoo" para a casa. A finalidade é que compartan a lectura do libro coa súa familia e que escoiten xuntos como conseguimos contar esta historia xa que cada exemplar leva un código qr para acceder ao audio que gravamos na casa. 

E por se alguén o quere escoitar, só hai que premer no adxunto, ó final desta publicación. Agardamos que vos guste!

O alumnado de sexto de primaria elaboramos estes vídeos de receitas en inglés.

Houbo un traballo previo para aprender vocabulario e estruturas que nos permitiran ter as ferramentas lingüísticas para poder explicar as nosas receitas axeitadamente. Isto incluiu a lectura e visualización de vídeos de traballos similares. Así, aprendemos sobre a cultura india coa nosa auxiliar de conversa que nos contou como se prepara un "Carrot pudding", e non só iso senon que nolo trouxo a probar. Premendo aquí accedemos á receita, que podemos tamén escoitar. 

Nunha segunda fase, prepararmos o texto da nosa receita na libreta, que foi corrixido pola profesora. 

Nunha terceira fase, gravamos o vídeo na casa. As persoas que quixeron editárono un pouco para que quedara máis bonito aínda que non era preciso. Aquí mostramos os que expresamente quixemos que se ensinaran. A avaliación fíxose empregando unha rúbrica que nos explicou a mestra.

Na clase vimos os vídeos e comentámolos. A partir deles, confeccionouse unha lista cos erros gramaticais máis comúns para traballalos na clase así como das palabras e expresións que presentaban máis dificultades na súa pronuncia. Practicámolas na clase e leváronse para a casa cun acceso ao audio para perfeccionalas. 

Foi un traballo amplo e ás veces difícil, sobre todo porque a miudo tiñamos que repetir as tomas. Pero todos cremos que aprendemos moito facendo esta actividade.

Grazas a este pequeno proxecto entramos en contacto co mundo das especias, tan empregadas na India. Fixemos tamén varias actividades en torno a produtos exóticos para aprender a expresar opinións sobre sabores, gusto, etc. Está é a plantilla que empregamos e os produtos que utilizamos.