O mércores 15, o alumnado de 4º ESO participou dun taller de poesía conducido por Yolanda Castaño. Foi unha experiencia bonita e enriquecedora, cun resultado final perfecto: UN POEMA COLECTIVO que pintaremos nunha parede do cole.

Aquí tedes o que Yolanda colgou no seu Facebook:

https://m.facebook.com/story.php?story_fbid=232454427161431&id=100011906253484

 No programa 4 de Radiomiñoca, que xa está colgado na páxina web do cole, escoitaredes, conducido por Lian:

 -Unha entrevista a Carla del Río, asesora de imaxe, estilista e bloguera, veciña da nosa vila (SUBIR FOTo)

 -Diego lerá un poema, bonito, como sempre.

 -Lian tírase á piscina coas preguntas patio

 -Adrián presenta un grupo de alumnos-as de 3º de Primaria que contestan a pregunta “Que queres ser de maior?”

 -Geraldin  e Iván cóntannos algunha curiosidade deste mundo tan curioso e marabilloso

 -Josete segue coa súa sección de hábitos saudables.

 -Lian e Iván len uns chíos sobre a lectura, os libros, as bibliotecas…

 -A rapazada de Oratoria recita uns poemas para a Paz.

 -E por último, temos outra entrevista extra á autora Yolanda Castaño, quen estivo no noso cole dando un taller poético para o alumnado de 4º ESO.

PLAN DE CONVIVENCIA

Con data 14 de marzo de 2017, quedou aprobado en reunión do Consello Escolar, o novo Plan de Convivencia para o noso centro conforme á lexislación vixente. 

Podes velo no arquivo que se adxunta. 

SERVIZOS MÍNIMOS

A Dirección do centro informa que ante as convocatorias de folga no ámbito do ensino para os días 8 e 9 de marzo, cumpriranse os servizos mínimos establecidos pola Consellería de Cultura, Educación e Ordenación Universitaria (artigo 2 do Decreto 155/1988 do 9 de xuño, DOGA do 20 de xuño, así como a orde do 1 de marzo de 2017, DOGA do 7 de marzo, e a orde do 7 de marzo de 2017, DOGA do 8 de marzo).

Estes servizos mínimos para os centros docentes non universitarios de titularidade pública serán os seguintes:

- A dirección ou un membro do equipo da dirección.

- Un subalterno ou subalterna.

- Un encargado do cátering nos comedores de xestión indirecta (como é o do noso centro xestionado pola ANPA).

- Un auxiliar/coidador.

Queda garantida a apertura e peche do centro.

XORNADA DE PORTAS ABERTAS.

O próximo MARTES 21 DE MARZO, o CPI CASTRO BAXOI celebrará unha xornada de portas abertas dirixida ao novo alumnado que neste mes está realizando o seu proceso de admisión para o curso 2017-18. Ás 17:00 horas empezaremos unha visita polo noso centro e as súas instalacións.

Recordade que, como todos os cursos, no terceiro trimestre celebraremos as reunións coas familias do alumnado que inician nova etapa educativa (4º EI, 1º EP, 1º ESO).

ACTIVIDADES DE FORMACIÓN EN LINGUAS ESTRANXEIRAS

CONVOCATORIA 2017

Convocadas as axudas para a realización de actividades de formación en linguas estranxeiras no ano 2017, destinadas ao alumnado dos centros docentes sostidos con fondos públicos, en réxime de concorrencia competitiva.

ADMISIÓN CURSO 2017-2018

VACANTES PARA O CURSO 2017-18

* De acordo co previsto no artigo 3.1 da Orde do 12 de marzo de 2013 pola que se desenvolve o procedemento para admisión do alumnado en centros docentes sostidos con fondos públicos, regulada no Decreto 254/2012, do 13 de decembro.

* Poden consultarse tamén os seguintes documentos:

Anexo I: Instrucións Proceso de Admisión curso 2017-18 da Xefatura Territorial.

Anexo II: Instrucións Proceso de Admisión curso 2017-18 da Direccón Xeral de Centros e Recursos Humanos.

Aquí tedes o programa que Radiomiñoca fixo coa radio do CPI Virxe da Cela de Monfero. Nel está a entrevista que Radiomiñoca fixo a Håkan Casares, fillo de Carlos Casares -o autor homenaxeado este curso polas nosas letras-. Que vos guste!

http://radioitinerantecreativa.blogspot.com.es/p/cpi-virxe-da-cela-ii.html

 Ola! De novo estamos con todo vós neste terceiro programa de Radiomiñoca.

 Esta vez temos:

 -As nosas clásicas seccións de humor,

 -Lectura de contos e poemas,

 -Curiosidades do mundo,

 -Chíos sobre a PAZ (que falta nos fai!),

 -As famosas preguntas patio ás que veñen rapaces e rapazas de Infantil, Primaria e Secundaria,

 -Un hábito non tan saudable como os que acostuma a contarnos Josete, esta vez contado por Iván Miño,

 -Unha emotiva cuña sobre a discapacidade a cargo da rapazada de Valores de 4º A e 4º B  de Primaria e

 -A entrevista estrela deste programa, que esperamos que vos guste: Adrián Rocha conversa con Iván Ares, piloto de rallyes.

 Ata a próxima!

CPI CASTRO BAXOI.

CALENDARIO DE ADMISIÓN 2017-2018

Orde do 12 de Marzo de 2013 que regula o proceso de admisión de alumnado.

http://www.edu.xunta.es/web/sites/web/files/protected/content_type/advertisement/2015/01/28/orde_do_12_de_marzo_de_2013_de_desenvolvemento_admision.pdf

Orde do 25 de Xaneiro de 2017 pola que se modifica a Orde do 12 de Marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2 ciclo de educación infantil, de educación primaria, de educación secundaria obrigatoria e bacharelato reguladas na Lei orgánica 2/2006, do 3 de maio, de educación.

http://www.edu.xunta.gal/portal/sites/web/files/20170201_admision.pdf

Anexo II: formulario de solicitude de admisión (debe acompañarse coa fotocopia do DNI do alumno ou, no seu defecto, fotocopia do libro de familia)

http://www.edu.xunta.gal/portal/sites/web/files/3anexos_formateadois_ed550b_g.pdf

IMPORTANTE:

1.- Cada alumno e alumna só pode presentar unha única solicitude no centro no que solicite praza en primeiro lugar. O incumprimento disto supoñerá a perda de dereitos de prioridade que poidan corresponderlle.

2.- O alumno que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

3.- O alumno que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.