Estimadas familias,

Recordámosvos que mañá remata o prazo para facer as donacións dos equipos HEPA, para poder adquirilos canto antes. Agradecemos de novo a todas as persoas que, independentemente da cantidade aportada, fan ese GRAN ESFORZO polo noso alumnado! Entre todos/as podemos conseguilo!

Se alguén prefire facer a donación en metálico, a secretaria da ANPA ofrécese a recoller as donacións no centro escolar mañá venres, entre 14:30H e 14:50h.

MOITÍSIMAS GRACIAS DE ANTEMÁN!

Estimadas familias,

En primeiro lugar, moitas gracias pola gran acollida que tiveron as reunións realizadas os pasados luns e martes, coa colaboración de Edith Uhía e Carlos Spuch.

Gracias ás súas explicacións baseadas na ciencia, creamos unha gran concienciación na comunidade educativa en canto á protección do noso alumnado nas nosas aulas. A desmostración de que os aerosois son unha vía de contaxio de ata dun 80% implica que precisemos implementar medidas para evitalo, sabendo que o risco 0 non existe.

A idea de dotar as aulas con depuradores HEPA xurde, polo tanto, da necesidade de disminuir riscos e conseguir ser unha escola o máis saudable posible. A nosa búsqueda centrouse nas características que debe ter para ser eficaz e decantámonos polo Philips AC2889/10.

Agradecemos enormemente a vosa intención de colaborar co centro na aportación dos purificadores de aire con filtros HEPA. Para poder facelo correctamente, a ANPA facilita o seu número de conta (ABANCA: ES17 2080 5035 0630 4001 5326) para quen queira, voluntariamente, facer unha donación da cantidade que poda, e especifique (MOI IMPORTANTE) no concepto: "Donación + o seu número de DNI". Por favor, tede en conta que as cuotas de 12€ para facerse socio/a da ANPA son a parte, e é moi importante non facer unha transferencia dun total da donación + da cuota. Éstas deben ser dúas transferencias diferentes, co concepto especificado.

Subiremos a esta nova os informes científicos que aportarán Edith e Carlos, nos que baseamos a nosa decisión.

Moitísimas gracias de antemán pola vosa implicación e participación!

Deixamos á vosa disposición a información relativa ás charlas que realizamos os pasados luns e martes para presentar as medidas adoptadas desde o centro en relación á situación actual.

No Protocolo de adaptación á situación COVID-19, recollénse todas as medidas e accións que se levarán a cabo no centro, tendo en conta as indicacións e instrucións educativas e sanitarias e procurando o mellor dos ambientes para a desenvolvemento do noso alumnado.

No documento Charla Informativa COVID-19, recóllense da man de Edith Uhía e Carlos Spuch, unha serie de aspectos e aportacións que axudan a coñecer a realidade desta situación e as condicións das medidas que estamos a levar a cabo.

Queremos aproveitar a ocasión para mostrar o noso máis amplo agradecemento a todas as familias pola vosa participación, comprensión e implicación nestas reunións e nestes momentos que estamos a vivir.

Protocolo Adaptación á situación COVID-19

Charla informativa COVID-19

Seguiremos informándovos de todo o que aconteza.

Equipo Directivo