A TÚA OPINIÓN IMPORTA!
Estimadas familias:
Queda á vosa disposición un cuestionario para recoller información sobre algúns aspectos relacionados coa vida no centro a fin de poder elaborar o PLAN ESTRATÉXICO DE MELLORA (PROA+).
O cuestionario permanecerá aberto ata o día 3/03/2023.
Podedes acceder premendo no seguinte enlace:
CARREIRA SOLIDARIA 2023
O día 27 de xaneiro, con motivo do "Día da Paz", celebramos a Carreira Solidaria KILOS DE PAZ.
A participación foi un éxito: todo alumnado do centro e un número importante de nais e pais
(e algunha avoa) cooperaron na iniciativa promovida polo Equipo de Actividades Complementarias,
aportando o seu esforzo físico e alimentos e produtos de hixiene que se destinaron
á Despensa Municipal de Alimentos do Concello de Cambre.
O resultado final reflicte:
- un gran número de kilómetros percorridos
- un total de 59 caixas que contiñan kilos de paz e solidariedade cos máis necesitados.
Podedes ver un vídeo conmemorativo premendo na imaxe
TEDES TODA A INFORMACIÓN PREVIA PREMENDO AQUÍ
INSTRUCCIÓNS PARA A RESERVA DE PRAZAS EN CENTROS DE ADSCRICIÓN.
O prazo de presentación de solicitudes será desde O 16 DE XANEIRO ATA O 6 DE FEBREIRO DE 2023.
O alumnado que pretenda continuar estudos nun centro de adscrición, para os efectos de reserva de praza neste, deberá presentar no centro de orixe ou a través da aplicación "admisionalumnado" na dirección web que se enlaza a continuación, http://www.edu.xunta.es/admisionalumnado o formulario normalizado ED550A que se publica como Anexo I da Orde do 21 de outubro de 2022.
Enlace ao formulario normalizado premendo ED550A
Información sobre a reserva de prazas ás familias aquí
O formulario normalizado será facilitado gratuitamente no centro educativo e tamén estará dispoñible na sede electrónica da Xunta de galicia, na aplicación "admisionalumnado", e na páxina web da consellería de educación.
A DOCUMENTACIÓN ENTREGARASE NA TITORÍA ÁS RESPECTIVAS TITORAS/TITOR NO PRAZO INDICADO
CONCURSO CARTEL DOS REIS MAGOS 2022
ACHEGAMOS A PROPOSTA DO CONCELLO DE CAMBRE PARA O ALUMNADO DE 3º,4º E 5º DE E.P.
Concurso “Cartel de Reis Magos”
O Concurso de “Cartel de Reis Magos” en Cambre vai dirixido ao alumnado de 3º, 4º e 5º de Educación Primaria dos colexios públicos do municipio de Cambre.
Os/as participantes do concurso teñen que facer un debuxo da festividade dos Reis Magos en Cambre.
- Presentarase o cartel pintado e decorado con distintos motivos, lenda ou ambos, que fagan referencia á cabalgata dos Reis Magos en Cambre, en cartolina tamaño folio A-4, en horizontal. É recomendable que a cor da cartolina sexa branca.
- Empregarase a lingua galega.
- O prazo de entrega do cartel rematará o venres 9 de decembro de 2022, e serán recollidos a partir dese día por persoal municipal en cada centro escolar.
- Para participar no concurso deberá entregar o cartel no centro escolar ao seu/súa titor/a: cos datos compretos do alumno/a participante: nome e apelidos, idade, enderezo, teléfono particular, colexio, curso e aula e correo electrónico da nai/ pai ou titor/a do concursante.
O debuxo gañador do concurso será o cartel anunciador da cabalgata de Reis de Cambre no ano que corresponda.
RECOLLIDA SOLIDARIA DE XOGUETES NADAL 2022
ESTE NADAL O CENTRO PROMOCIONA A INICIATIVA DE EQUUS ZEBRA
ANIMÁDEVOS A PARTICIPAR!!!!
RENOVACIÓN PARCIAL DO CONSELLO ESCOLAR 2022/2023
Para obter información do proceso de renovación parcial dos membros do Consello Escolar 2022/23, premede AQUÍ
CALENDARIO DE ACTUACIÓNS PARA A RENOVACIÓN DO CONSELLO ESCOLAR
CONVOCATORIA DE ELECCIÓNS AO CONSELLO ESCOLAR SECTOR PAIS - NAIS - TITORES LEGAIS
CANDIDATURA DE PAIS/NAIS/TITORES LEGAIS
O prazo de presentación de candidaturas abrangue dende 11 ata o 18 de novembro ambos os dous inclusive.
O 21 de novembro realizouse o sorteo público para a designación dos membros da mesa electoral no sector pais/nais/titores legais.
Os membros integrantes das mesas electorais e os electores que necesiten permiso laboral para o desempeño das súas obrigas seralles de aplicación o artigo 70.2 da lei 4/1988, do 26 de maio (DOG do 1 de xuño), da función pública de Galicia:
"podera concederse permiso polo tempo indispensable para o cumprimento dun deber inexcusable de carácter público ou persoal".
PUBLICADO NO TABOLEIRO INTERIOR DO CENTRO A RELACIÓN DE CANDIDATURAS NO SECTOR PAIS/NAIS/TITORES LEGAIS E NO SECTOR PROFESORADO.
O prazo de reclamación ás candidaturas remata o 23 de novembro de 2022.
INSTRUCIÓNS CONSELLERÍA DE EDUCACIÓN MEDIDAS COVID-19 5 DE SETEMBRO
Achegamos as instrucións publicadas pola Consellería de Educación o día 5 de setembro sobre as medidas COVID-19 para o curso escolar 22-23
ENTRADAS E SAÍDAS CURSO 2022/2023
ENTRADAS:
Apertura das portas 09:20 h.
A entrada ao colexio de Educación Infantil, 1º EP, 2º EP, 3º EP, 4º EP será pola porta principal.
A entrada do alumnado transportado (bus escolar) será pola porta do aparcadoiro.
A entrada ao colexio do alumnado de 5º e 6º de EP será pola porta branca (zona traseira colexio, ao lado do pavillón).
SAÍDAS:
Educación Infantil:Alumnado que se vai para casa, apertura de portas ás 14:20, os pais/nais/ titores legais e/ou autorizados achegaranse ao patio cuberto diante da porta do edificio de infantil.
Educación Primaria:
1º, 3º, 4º EP: o alumnado que vai para casa, hora de saída 14:30, sairá pola porta do edificio principal.
2º EP: o alumnado que se vai para casa sairá ás 14:30 horas pola porta do edificio de biblioteca.
5º e 6º EP: o alumnado que se vai para casa, sairá pola porta branca da parte traseira do colexio ás 14:30 horas.
Lembramos que poderán ir sós para casa o alumnado de 5º e 6º de EP que teñan autorización firmada polos seus pais/nais/ titores legais.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »