PODEDES VER AS CORRESPONDENTES LISTAXES DO MATERIAL ESCOLAR NECESARIO PARA O DESENVOLVEMENTO DO CURSO 2022/2023 NAS SEGUINTES LIGAZÓNS.

Achégase o menú escolar correspondente ao mes de SETEMBRO 2022.

Lembrade que no mes de SETEMBRO a xornada é continua. Polo tanto o horario é o seguinte:

• Entrada: 9:30h. (comezo das clases)
• Comedor: de 14:30h. a 15:15h.
• Saída: 15:15h. (Prégase estar uns minutos antes)

As nais, os pais, os/as titores/as legais do alumnado deste centro de ensino que desexen ao longo do curso 2022-2023, colaborar de xeito altruista (12,50€ por día) nas tarefas de atención e apoio aos escolares usuarios do comedor escolar, poderán apuntarse nas listas de admisión abertas ata o día 8 de setembro de 2022.

Xa está aberto o prazo para reservar praza como usuario/a no servizo de comedor, de cara ao vindeiro curso escolar 2022-2023. É preciso cubrir o Anexo II que se achega, descargando e imprimindo o ficheiro adxunto (PDF) ou que tamén podedes pasar a recoller no centro ata o venres 1 de xullo de 2022, de 10:00h. a 13:00h.

Data límite para entregar o Anexo II cuberto: 7 de setembro de 2022.

LIBROS CURSO 2022-2023

EDUCACIÓN INFANTIL

PROXECTO CROQUETA EDELVIVES-TAMBRE EN GALEGO. 

EDUCACIÓN PRIMARIA

1º DE EDUCACIÓN PRIMARIA (EDITORIAL EDELVIVES-TAMBRE)

2º DE EDUCACIÓN PRIMARIA

3º DE EDUCACIÓN PRIMARIA (EDITORIAL EDELVIVES-TAMBRE)

4º DE EDUCACIÓN PRIMARIA

5º e 6º DE EDUCACIÓN PRIMARIA

-      

Edixgal

Remata o curso 2021/2022. Temos tantos recordos para o baúl! Estes dous últimos días foron moi divertidos e emocionantes. O martes desfrutamos das brincadeiras e da festa da espuma, grazas á ANPA. Non nos importaría repetir máis veces, porque ademais de queimar moitas calorías pasámolo xenial! E o mércores, tocou despedida. Algunhas bágoas e moitos sorrisos, para un día fermoso e especial. Parabéns ao alumnado que promociona e, especialmente, aquel que pasa a unha nova etapa educativa. Grazas aos familiares que nos acompañaron e que acompañaron aos seus fillos e fillas nesta xornada, que con moito agarimo preparamos para eles e para elas.

Podedes ver os vídeos nos blogs das aulas, e as fotos da graduación e as festas que montaron nas aulas na nosa galería de imaxes.

VER FOTOS DA FESTA DA ESPUMA E DAS BRINCADEIRAS

VER FOTOS DA GRADUACIÓN E FESTA NAS AULAS

VER BLOG DA AULA VERDE

VER BLOG DA AULA VERMELLA

Tamén se repartiu a revista escolar "Cousas de nen@s" que podedes ver en versión dixital na seguinte ligazón: VER REVISTA

Ademais, como tamén rematamos trimestre, Maica preparou a súa famosa tarta da avoa para festexar os aniversarios daquel alumnado que cumpriu anos dende abril ata agosto.

Segundo a Orde do 12 de marzo de 2013 pola que se desenvolve o procedemento para a admisión do alumnado (de nova incorporación) en centros docentes sustentados con fondos públicos, aqueles admitidos/as teñen que formalizar a matrícula do 20 ao 30 de xuño de 2022 para o vindeiro curso escolar 2022-2023. Deberán cubrir o documento que se achega no PDF adxunto, o modelo do Anexo III-1 da devandita Orde, e entregalo na dirección do colexio.

O 30 de maio viñeron ao colexio dous membros da Patrulla Felina, Lorenzo e Sonia, para explicar á rapazada como funciona esta protectora de animais. Un xeito de concienciar ás novas xeracións da importancia de coidar aos seres vivos que nos rodean, neste caso aos gatos. E tamén como debemos evitar que se siga producindo na nosa sociedade accións de abandono e maltrato aos animais.

Ao final cada neno e nena pintaron un debuxo dun gato, para decorar as gateiras da protectora. Podedes ver os debuxos nesta ligazón. PREME AQUÍ

Moitas grazas polos consellos e toda a información recibida, dando resposta a todas as preguntas que foron xurdindo por parte do alumnado durante a charla.