O 22 de abril celebramos no colexio o Día da Terra. A nosa forma de agasallala foi plantando, cada un o que quixo: sementes, plantas, árbores... Xuntos coidamos a terra!!!
Noa G. (de 3º) e a súa irmá Vera (de EI-3 anos) nos ofrecen unha versión moi orixinal dunha canción en inglés que fala dos animais. Fixeron unha montaxe preciosa e cantan super ben. Con todos vostedes... Noa e Vera!!!
Polo DÍA DO LIBRO as nenas e nenos de Educación Infantil convertíronse nas portadas dos seus contos favoritos. Mirade que bonito lles quedou! Ademais ao final do video veredes unha pequena representación de "La zorra y las uvas" interpretada por Vera e Noa. VIVAN OS LIBROS!
Recuperamos unhas palabras do día da amizade e do amor que escribiron as nenas e nenos da clase de 4 anos, espero que vos animen nestes días nos que non podemos estar xuntos. Voltaremos! Coidádevos moito!
Que vos parece se para celebrar o Día do Libro, entramos nos libros que temos na casa e mergullámonos nas súas historias? Tal e como fixo este pequeno marcapáxinas, que un día de vento descubriu cantas aventuras podía vivir gracias aos libros. A ver se vos gusta esta historia, "Much better now".
A Enrique gústanlle os libros. Pero gústalle...comelos! Ata que un día colle un empacho e... Outra historia divertida que temos na Biblioteca e que poderás ler cando volvamos ao cole. Que ganas!!!
Despois dun furacán, o señor Lessmore queda atrapado na tristeza dun mundo gris. No medio da destrución ve unha muller que voa arrastrada por unha manchea de libros flotantes que a levan polo aire. A muller dálle un destes libros ao señor Lessmore e... Descubre que pasa nesta marabillosa historia!
