Skip to Content

Blogues

Entroido Mariñeiro!

A última semana de febreiro celebramos no colexio o noso "Entroido mariñeiro". Primeiro, Larapeto dounos unhas pistas para pescudar o personaxe misterioso. Para conseguir pistas debiamos vir cada día da semana segundo as súas indicacións: o luns con algo nos pés, o martes unha prenda do revés... Así ao remate da semana averiguamos o personaxe: o peliquiero de Laza. O noso Larapetiño tamén se disfrazou de peliqueiro: que guapiño estaba!!! Nós tamén nos disfrazamos: os de Infantil de animais do mar (estrelas, peixes, polbiños, cangrexos, cabaliños de mar...), 1º e 2º de Primaria de Buzos, 3º e 4º de Piratas e 5º e 6º de mariñeiros. Todos xuntos fixemos un desfile dende as aulas ata o pavillón, onde nos esparaban as familias para desfrutar todos xuntos dos nosos bailes de Entroido. Ao rematar, regresamos ao cole para degustar as delicias culinarias que preparan as familias (filloas, orellas, biscoitos variados...) que nos gustaron moito...Moitas grazas a todas estas familias que tanto nos coidam!!! Por último, fixemos unhas fotiños co fillo do loro Ravachol que xunto con nós pon a nota de cor a este "Entroido mariñeiro".

 


CLUB CIENTÍFICO

Neste segundo trimestre, os nenos/as de 5º puxémonos mans a obra e comezamos a experimentar, converténdonos en auténticos científicos e científicas.

Para ir abrindo boca deixámosvos algúns vídeos titoriais e fotos dos experimentos realizados...Esperemos que vos gusten!!

Continuaremos experimentando...xa que nos encanta.

 

 
 
 
 
 
 
 
 
 
 

APRENDEMOS XOGANDO

Na nosa aula organizámonos en grupos de traballo colaborativo e levamos a cabo dinámicas cooperativas para traballar dun xeito máis lúdico e atractivo os contidos curriculares. 

Algunhas desas dinámicas son:

  • Lecturas compartidas para mellorar a comprensión lectora sobre temas de actualidade e interese do alumnado como "O Fortnite e as consecuencias do uso excesivo dos videoxogos".

 

  • Emprego do parchís, do xogo da oca, do bingo e do spiner para traballar as categorías gramaticais ( substantivos, adxectivos, verbos ...)

  • Reloxo das citas, técnica para repasar os contidos dados nas áreas das ciencias. Para poñelo en práctica, primeiro temos que citar a cada compañeiro/a  nunha hora que podiamos os dous. Logo, ímonos xuntando por horas de quedada e contestando a unha pregunta que a mestra pon no encerado dixital. Así mola repasar!!

  • Catálogos de compras, manexando os cartos, calculando porcentaxes, descontos e facendo presupostos para practicar para a nosa cooperativa á hora de vender os produtos.

O AMOR ESTÁ NO AIRE

Polo día da amizade e do amor, os nenos/as de 5º fixemos un "apócema do amor"  e decoramos o "buzón de San Valentín" co obxecto de mandarnos cartas entre as distintas clases para festexar o día.

 

TRASKI, O NOVO AMIGO DE LARAPETO

Co gallo do proxecto anual "Revolucionando o mar" e o proxecto "a milla diaria" que este ano está vinculada co "camiño dos faros", os nenos e nenas de 5º fixemos con foami a mascota da páxina web do camiños dos faros . A ver que vos parece como quedou...

 

XOGOS DE MESA NO RECREO E O BOP IT!

Cando as condicións meteorolóxicas nos impide xogar no patio, na aula de 5º temos xogos de mesa variados entre eles (o xadrez, xogo de balocensto coa man, bolos, puzles, dominó, damas, twister,  debuxo no EDI co programa autodraw ...

FOTOMATÓN POLO SAMAÍN

Polo Samaín as distintas clases decoramos as portas das aulas, redactamos relatos de medo como vistes en publicacións anteriores e os nenos e nenas de 5º creamos un fotomatón para conmemorar o día. 

A ver que vos parece como quedou...

LER PARA OS DEMAIS

Durante todo o curso no tempo de ler, imos practicar a lectura cara os demais a través de lecturas compartidas, contacontos e lecturas ao aire libre.

Aquí tendes algunhas fotos do comezo do curso. A ver se o tempo nos deixa repetir!!

Ler para os demais

Durante todo o curso no tempo de ler, imos practicar a lectura cara os demais a través de lecturas compartidas, contacontos e lecturas o aire libre.

Aquí tendes algunhas fotos do comezo do curso. A ver se o tempos nos deixa repetir!!

8 de marzo.

Mañán é un día grande. Larapeto e Ravachol xuntos pola igualdade!

 

Distribuir contido


by Dr. Radut