RETO FAIME RIR
Lembras que che contabamos no Viveiro Express algo sobre un reto? Non? Pois refrescámosche a memoria.
Como participar no reto?
A ver, como queremos que traballes menos que o xastre de Tarzán, a participación neste reto poñémola sinxela:
- busca un chiste en galego (o máis gracioso que saibas),
- memorízao ben,
- ensaia diante dun espello
- e despois grávate contándoo (que ninguén che diga o contrario: ti tes graza e punto!).
Logo, pídelle a alguén da túa familia que saiba un mínimo de tecnoloxía que envíe o vídeo a este correo antes do domingo, 10 de xaneiro de 2021:
O vídeo non pode durar máis dun minuto. Non te veñas arriba!
Un prestixioso xurado composto polos membros do EDLG terá a dura tarefa (?) de elixir os máis simpáticos. O criterio que vai seguir é máis simple que o mecanismo dun lapis: gañarán os que máis fagan escachar coa risa aos excelentísimos compoñentes do equipo de galego.
Haberá dous premios: un para Infantil e outro para Primaria. Consistirán en cadanseu vale para que vaias comerlle un chocolate con churros a Bonilla.
A que non agardabas un premio así? Pois, veña, demostra que tes máis simpatía que Henry Danger.