Fonte: Menuhin Foundation.
Co gallo da participación do alumnado de 4º, 5º e 6º de E. Primaria do noso centro no proxecto MUS-E promovido pola fundación Yehudi Menuhin (no marco dun convenio coa Fundación Paideia e a Consellería de Educación e aprobado polo Consello Escolar), de cara ao fomento da expresividade artística como ferramenta para mellorar a integración multicultural e o os valores de convivencia e tolerancia na escola, cómpre facer algunhas indicacións para o seu correcto desenvolvemento.
O proxecto levarase a cabo no centro ao longo dunha sesión nos vindeiros xoves, comezando o día 30 de novembro, ata completar un total de 12 sesións, repartidas en dous bloques de 6, adicadas á danza (ata o Entroido) e ao teatro (de febreiro a maio). As sesións estarán dirixidas por dous profesionais expertos en cada unha das devanditas disciplinas artísticas coa presenza e participación do profesorado titor.
Para que o alumnado poida tomar parte neste proxecto compre que se respecten certas normas relativas á indumentaria. Os/as nenos/as deberán vir ao centro, cada xoves que lle corresponda a actividade, con roupa cómoda preferiblemente cinguida (tipo malla), chándal ou outra de estilo deportivo. En calquera caso, quedan totalmente descartados os pantalóns texanos e as saias. Tamén deberán asistir co cabelo recollido, no caso de que o teñan longo e, dado que algunhas actividades realizaranse descalzos, é importante que traian dous pares de calcetíns ou uns que sexan bastante grosos.
