RECOLLIDA DE SINATURAS PARA INICIATIVA XABARÍN
A partir de mércores, colocaremos mesas para quen queira asinar e sumarse á Iniciativa Xabarín para a programación infantil e xuvenil en galego na TV. Trátase dun movemento que pretende, entre outras cousas, que a Corporación de Radio de Televisión de Galiza aumente a oferta en galego destinada á infancia e mocidade nas televisións públicas a través dunha canle “Xabarín”, con programación dirixida ao público infantil e xuvenil e dispoñíbel en todas as plataformas de contidos audiovisuais así como App actualizadas que conten ademais con programas e xogos co fin de garantir nesta canle en galego, a presenza de contidos atractivos, de éxito, actuais e pasados, así como contidos educativos e de produción galega.
O prego para asinar estará no momento das saídas nas portas das aulas de Infantil este mércores, xoves e venres (2, 3 e 4 de decembro, respectivamente). Cada día nun nivel: o primeiro día estará nas clases de 3 anos.
En tempos de pandemia, é imprescindible lembrar que...
...asinedes:
- de un/nha en un/nha e con separación,
- asegurándovos de ter ben posta a máscara,
- lavando antes as mans con xel e
- rematando decontado.