Durante os días 8 e 9 de novembro, o alumnado de 4º, 5º e 6º de primaria asistiu a unhas charlas relacionadas co Proxecto Escolar deste curso: " A Idade Media; O Camiño de Santiago". Foron impartidas por David Chao, pai de Tomás de 4º. David Chao é historiador e con el aprendimos moitas cousas sobre a orixe do Camiño, lendas, diferentes rutas, vestimenta,... Resultaron do máis entretidas e motivadoras para o alumnado. Por todo iso agradecemos publicamente a implicación das familias nos proxectos escolares dos seus fillos/as. Neste caso, moitas grazas David Chao!
Dous membros de ADEGA deron unha charla didáctica ao alumnado de 4º de primaria sobre a reutilización dos residuos orgánicos. Logo montaron por grupos dous composteiros no patio para depositar os restos dos alimentos e seguir o proceso de transformación en abono ao longo do curso.
Saída didáctica polo entorno do alumnado de 4º e 6º guiados por Quique Álvarez, biólogo e especialista en ecosistemas. (Moitas grazas polas túas explicacións)
Xornada de plantación no horto escolar das Brañas de Sar organizada pola ANPA.
O alumnado de 5º de primaria plantou ceboliño, cilantro, romeu, tomiño, perifollo, albáfega, ourego, salvia e outras aromáticas, foi acompañada dunha explicación de cada unha delas.
Hoxe visitounos Luis Sampedro, biólogo investigador do CSIC e tío de Uxía Otero de 5ºB. Recén chegado da Illa Decepción na Antártida veu falar do seu traballo aos alumnos/as de 4º, 5º e 6º de primaria.
Forma parte dun equipo de científicos da Universidade de Vigo que tratan de predecir os efectos do quecemento global na biodiversidade (concretamente os efectos na poboación de macroalgas). A charla é do Programa Experiencia (FECXT, CSIC e Fundación Barrié).
Con este proxecto pretendemos que o alumnado de 5ºA aprenda a recrear o ecosistema propio da eiruga monarca. O obxectivo é conseguir a transformación das eirugas en bolboretas.
En colaboración co CIAC do Concello de Santiago o alumnado de 4º de primaria realizou unha actividade para coñecer a flora, fauna e unha análise medioambiental das Brañas do Sar.
Profesoras de Química da USC ensináronnos a maxia que se agocha detrás do mundo da Química. Vimos como convertían moedas de cobre noutras de ouro ou prata, con elas fixemos bolas saltarinas ou cadros abstractos nun prato de leite...Unha Pasada!!
Os grupos de 5º e 6º de primaria realizaron unha visita guiada ao Parque Granell organizada polo Concello, un dos fermosos espazos verdes da cidade situado moi preto do Colexio.
Segunda xornada de formación para o alumnado de 4º de primaria e observación dos composteiros instalados no patio.
A clase de 5ºA explícanos cómo funcionará o noso composteiro.
