Club de Ciencia

Club de ciencia


 

O CLUB DE CIENCIA


Co obxectivo de desenvolver as “vocacións STEM”, Ciencia, Tecnoloxía, Enxeñeiría e Matemáticas, e así espertar a motivación do  alumnado, especialmente o feminino, cara a estudos posteriores nos campos de coñecemento do ámbito científico tecnolóxico, o centro ven de ser admitido no programa de innovación educativa “Club de Ciencia”.
Dirixido ao Alumnado de 5º  de EP, fomentando a participación do alumnado especialmente de xénero feminino, pretende:
  • Proporcionar experiencias para aprender a observar a realidade, cuestionarse e reflexionar sobre fenómenos naturais.
  • Integrar contidos arredor da experimentación, investigación...
  • Aprendizaxe mediante resolución de problemas e experimentos e aplicación de coñecimentos teóricos.
  • Presentación de situacións que produzan evolucionar en ideas e esquemas previos.

Alternando e combinando todas as áreas STEM (ciencia, tecnoloxía, enxeñeiría e matemáticas), irémonos achegando ao fascinante mundo da científico e tecnolóxico.

 

PRESENTACIÓN DO CLUB DE CIENCIA

Noa Balsa


  • Representamos a escala as distancias entre o sol e os catro primeiros planetas do sistema solar.
  • Calculamos o perímetro dunha circunferencia e a relación deste co seu diámetro: o número Pi.

Neste  primeiro día falamos sobre os planetas. Imos ver o que fixemos.
Os nosos profes ensináronos un vídeo no que se falaba do Sistema Solar.
Tivemos que representar os planetas con plastilina e medir, con regletas de madeira na que a máis pequena representaba 2 millóns de km, a distancia entre eles.
Para saber aproximadamente o seu diàmetro e a súa distancia ao Sol déronnos unha folliña con informaciòn.

Despois, o que fixemos foi medir o perímetro dunha circunferencia. Era tres veces o diámetro e un pouquiño máis. Utilizamos o signo matemàtico Pi. O seu valor é de 3.14.                                                 

 

O NOSO PLANETA

Hector Castelló


 

A temática do grupo de experimentos de hoxe foi o magnetismo.
O seu obxectivo era aprender todo o que ten que ver co campo magnético: os imáns, o núcleo da terra…
Para acadar o noso obxectivo, empregamos os seguintes materiais e procedementos:


Experimento nº 1

Metal en po, cartolina e imán.
Colocamos un imán na mesa. Despois, a cartolina enriba. Ao final, engadimos  o metal en pó (limaduras de ferro). Comprobamos como o metal en pó achégase ao centro e debuxa o campo magnético.

Experimento nº 2

Imán, agulla, tapa de recipiente e auga.
Botamos a auga na tapa do recipiente. Frotamos o imán coa agulla e deixamos a agulla flotando na auga. Observamos como xira a agulla cara o norte magnético. É a proba de como funcionan as brúxulas.

Experimento nº 3

Pila, cabo (longo), parafuso e obxecto metálico.
Enroscamos o cabo ó parafuso e conectámolo á pila. Comprobamos que cando a pila está conectada, o parafuso e o obxecto metálico atráense e sepáranse cando a pila non está conectada. É a proba de que hai imáns que se acenden e se apagan: os electroimáns.

 

TECNOLOXÍA


No mundo da tecnoloxía, achegámonos á robótica.
  • Traballamos cos beebots.
  • Iniciámonos no scratch.

 

Distribuir contido