O pasado luns e martes tivemos a gran sorte de ter no colexio o Club de Ciclismo do Rosal. Montaron un circuito de habilidade para retar ao alumnado cos seus patinetes ou bicicletas. Tamén conseguiron que algún neno e nena se soltara a andar na bicicleta por primeira vez. Foi moi gratificante ver as caras de ilusión do noso alumnado.
Grazas ao club e a Ana que nos propuxo a actividade para o cole.
O mércores 21 de xuño teremos o Festival, no que despediremos o curso e ao que estades todos convidados/as.
Horario: comezaremos aproximadamente sobre ás 10:00h. e rematará arredor das 12:00h. Lugar: A Carballeira
O festival estará guiado polo alumnado de 6º de primaria, que serán os protagonistas desta xornada chea de actuacións.
ORDE
CURSO
ACTUACIÓN
1º
Educación Infantil
Mix: A saia da Carolina, Na Beira e Terra
2º
1º e 4º EP
A Rianxeira
3º
2º e 5º EP
O Galo
4º
3º
Muñeira
5º
Coro
Sancristán
6º
6º
Canción e baile
Unha vez rematado o Festifolk e as familias abandonen o recinto, o alumnado, gozará dunha merenda saudable enmarcada no proxecto do Contrato-Programa Saúde e da actuación do Mago Rei Midas enmarcada no proxecto do Contrato-Programa Iguála-t.
O colexio colgará as fotografías do festival na páxina web do centro: https://www.edu.xunta.gal/centros/ceippintorantonio/ dado que temos autorizaicón. Lembrade que non podedes publicar fotos doutros nenos e nenas pola lei de protección de datos, especialmente sensible cos menores de idade.
Xa chegou unha nova estación e para darlle a benvida á Primavera elaboramos uns maios e cantamos unha copla relacionada coa temática do proxecto anual.
Grazas a todos e todas ás persoas que puidestedes pasar polo posto do colexio para trocar alimentos por libros. Todo o recaudado será recollido pola asociación SOS Tomiño.
Aquí queda un pequeno vídeo dos días que estivemos na praza
Por mor da climatoloxía queda adiada a actividade de Troco solidario para o próximo venres 21 de abril.
Pasádevos pola praza Pintor Antonio con algúns dos alimentos mencionados e lévate os libros que máis che gusten. Esperámosvos o próximo venres 31 de marzo e 14 de abril.
Para conmemorar o Día da Muller fixemos unha selección de mulleres do ámbito da saúde e o benestar. Cada aula coñeceu un pouquiño da súa biografía para posteriormente grabala en audio. Finalmente o equipo Tics realizou a montaxe do vídeo quedando unha historia acumulativa de "Mulleres que fixeron historia".
Coincidindo co 141 aniversario do nacemento do pintor, no colexio inauguramos a exposición "Cos ollos do pintor". Para elo, comezamos con visitas guiadas polo alumnado de terceiro ciclo (5º e 6º de primaria) á aula-museo do pintor Antonio Fernández para así coñecer un chisco da súa vida, dos seus comezos....
Posteriormente o alumnado creou reproducións que elas e eles mesmos fixeron nas aulas dalgúns dos cadros do artista goianés. Tendo como resultado a exposición que poderedes ver na entrada do edificio de primaria.
Organizado pola Asociación Cultural Antonio Fernández, é un xeito de espertar entre o alumnado a curiosidade pola figura do autor e convertelos en futuros e futuras artistas.
Nesta inauguración acompañáronnos membros de dita asociación así como representantes do Concello. Quédavos un pequeno vídeo con algunha imaxe de todo o proceso.
Grazas a todo o profesorado polo esforzo para facer esta exposición posible, e, en especial ao alumnado de terceiro ciclo por facernos a visita ao resto de alumnado e profesorado.
